Регион
Неприфатлива одлуката на Хрватска да одлага нуклеарен отпад на границата со БиХ

Минисерот за надворешна трговија и економски односи на БиХ, Сташа Кошарац, разговарал денес со хрватскиот министер за заштита на животната средина, Томислав Ќориќ, за намерите на Хрватска да изгради одлагалише за радиоактивен и нуклеарен отпад на локалитетот Трговска гора, во непосредна близина на границата со БиХ, пренесува „Вечерње новости“.
Хрватското министерство неодамна одлучи да му ја отстапи на користење локацијата на поранешното воено складиште „Черкезовац“ на Фондот за финансирање на складирање на радиоактивниот отпад од нуклеарната електрана Кршко за исработка на стодија за влијанието врз животната средина.
Кошарац нагласи деја ставот на надлежните институции на сите нивоа на власт во БиХ е дека Намерката на Хрватска да одлага радиоакивен отпад во непосредба близина на границата е потполно неприфатлива и изрази незадоволство од фактот дека Хрватска не се откажува од намерата.
Тој го информираше Ќориќ за проценките дека со изградба на одлагалиштето на Трговска гора ќе се загрозат 250.000 жители во 13 општини во сливот на реката Уна и дека негативно ќе влијае на животната средина, но дека станува збор и за сериозен безбедносен проблем бидејќи посочената локација е на многу трусно подрачје.
Во случај Хрватска да инсистира на посочената локација, Коѓарац порача дека БиХ ќе покрене меѓународен арбитражен спор, но се надева дека овој проблем сепак ќе биде речен по дипломатски пат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Ќе се сретнам двапати со Трамп во наредните денови

Претседателот на Србија, Александар Вучиќ, синоќа изјави дека во следните три до четири дена ќе се сретне двапати со претседателот на Соединетите Американски Држави, Доналд Трамп, јавува Анадолу.
„Ќе се сретнам двапати, од различни причини, во следните четири дена. Не ми верувајте на збор, ги измешав датумите и временските зони“, рече Вучиќ за време на обиколката на работите во новата детска клиника „Тиршова 2“, одговарајќи на новинарско прашање за тоа кога ќе се сретне со американскиот претседател, додавајќи дека „сè ќе се случи во следните три или четири дена“.
Тој, исто така, најави дека очекува италијанската премиерка Џорџa Мелони да го посети Белград во август или септември, која ја опиша, заедно со претседателката на Европската комисија, Урсула фон дер Лајен, како една од најмоќните жени во светот.
Регион
Загина српски воен падобранец

Припадник на 63-та падобранска бригада, виш водник прва класа Милан Станковиќ, почина вечерва во Воената болница во Ниш од повредите здобиени при скок со падобран на воениот аеродром „Михајло Петровиќ“ во Ниш, соопшти Министерството за одбрана на Србија.
Во соопштението се наведува дека по приземјувањето, Станковиќ бил итно реанимиран и пренесен во болница, каде што, и покрај брзата реакција и напорите на лекарите, им подлегнал на повредите околу 19 часот.
Надлежните органи пристигнаа на местото на настанот. Истрагата е во тек. Началникот на Генералштабот на српските вооружени сили нареди формирање комисија за утврдување на околностите на вонредниот настан.
Српски Телеграф пишува дека Станковиќ е роден на 25 декември 1983 година и дека е во српската армија од 2005 година. Зад себе остави сопруга и две деца. Министерот за одбрана Братислав Гашиќ и началникот на Генералштабот на српската армија, генерал Милан Мојсиловиќ, испратија телеграми со сочувство до семејството на починатиот Станковиќ.
Регион
Не успеа ниту новиот обид за избор на претседател на косовското собрание

Собранието на Косово и енеска не го избра Аљбуљен Хаџиу за претседател на собранието.
При гласањето Хаџиу доби поддршка од 54 пратеници, 44 беа против, а три лица беа воздржани.
За него гласаа пратениците на Самоопределување, како и пратениците на малцинските заедници, освен Адем Хоџа, кој гласаше против.
На седницата не учествуваше пратеничката Дуда Баље, која досега гласаше против.
Против гласаа членовите на Демократската партија на Косово, Демократскиот сојуз на Косово и Алијансата за иднината на Косово.
Претставниците на досегашната опозиција, по седницата, изјавија дека сè ова личи на театар и ја обвинија победничката партија дека намерно го спречува конституирањето на парламентот бидејќи нема гласови за формирање на новата влада на Косово.
Од друга страна, Самоопределување ги обвини пратениците на поранешната опозициска партија дека го блокираат нивниот предлог.
Продолжението на конститутивната седница на косовскиот парламент е закажано за 1 мај.