Регион
Нермин го повлече чкрапалото ама системот ја уби – наместо помош ѝ го пратија убиецот дома
Нермин Сулејмановиќ вчера прво брутално ја претепал, а потоа со истрел во главата ја убил својата невенчана сопруга Низама Хеќимовиќ. Убиецот во крв ја оставил нивната ќерка која била со нив во моментите на ужасот и си заминал. Низама, чие убиство го објави нејзиниот џелат на Инстаграм, неколку пати го пријавила Нермин за насилство, а последен пат тоа било пред три дена. Убиецот некако дознал за пријавата што Низама ја чинеше живот. Системот кој требало да ја заштити, ѝ го испратил џелатот на врата.
Злосторството во Градачац што го потресе регионот беше, се чини, епилогот на тортурата низ која Низама, судејќи според пријавите во полиција, долго време ја поднесувала.
Она што сите ги шокира е бруталноста на убиецот кој ја претепа жената до смрт, а потоа крвава и заслепена од ударите ја принуди да му каже зошто го пријавила во полиција.
– Се плашев за себе и за детето – едвај рече Низама, која само неколку минути подоцна беше ладнокрвно убиена со еден истрел во челото.
Нермин потоа побегна, а додека беше во бегство се огласи на социјалните мрежи каде изјави дека таа „го пријавила за неколку шлаканици“.
Според последните информации кои ги објавија медиумите, Низама побегнала со детето кај тетка ѝ, каде разбеснетиот убиец кога дознал дека го пријавила, ја пронашол, па ја киднапирал и ја однел во викендица каде ја тепал ја и потоа ја уби.
Убиството на жена за која се знаело дека е загрозена предизвика револт и протести. Голем број граѓани вчера се собраа во Сараево, а протестот го организираше фондацијата „CURE“.
Фондацијата повика на собир на кој остро се осудува секоја форма на насилство врз жените. Насобраните го повикаа Обвинителството на кантонот Тузла да истражи и да ја информира јавноста за тоа како протекле информациите и како сторителот дознал за пријавата.
– Зошто немаше соодветна реакција на пријавата, особено ако се има предвид криминалното минато на сторителот? Кој е одговорен за неуспехот да се заштити жртвата? – прашуваат од фондацијата.
Мирза Даутбеговиќ, новинар на порталот Bosnainfo.ba, истакнува дека Низама Хеќимовиќ долго време трпела насилство.
-Кога конечно собрала храброст и повикала полиција, направила грешка која ја чинеше живот. Наместо полицијата, како што треба да биде во нормалните земји, да ги штити Низама и нејзиното дете, се случи сосема спротивното – пишува Даутбеговиќ на порталот Bosnainfo.ba.
Даутбеговиќ потсетува дека Сулејмановиќ неколку пати бил приведен поради тепачки и насилничко однесување, а на социјалните мрежи објавувал и слики од себе на кои се гледа како полицијата го води со лисици на рацете.
– Во нормална земја, Нермин одамна ќе беше зад решетки, но Босна и Херцеговина не е нормална земја, му се допаѓало ова некому или не. Не, многу работи одамна не се нормални овде. На Низама Хеќимовиќ ѝ пресуди Нермин Сулејмановиќ, ама системот ја уби – пишува Даутбеговиќ.
Во меѓувреме, изјавите на претставници од босанските власти укажуваат на системски проблем во заштитата на злоставуваните жени: од нив не само што се очекува да ги пријават насилниците, туку и храбро да поднесуваат евентуални нови закани и нови злоставувања додека се работи на случајот.
Доколку попуштат пред заканите на пријавените сопрузи и партнери, и се откажат од сведочењето, случајот не се истражува дополнително и веднаш завршува во фиока.
Обвинителството на кантонот Тузла тврди дека Низама го пријавила Нермин за насилство, а потоа од страв ги повлекла пријавите. Портпаролот на оваа судска институција Адмир Арнаутовиќ при официјалното обраќање до јавноста рече дека Сулејмановиќ и претходно ѝ бил познат на полицијата и на обвинителството.
– Станува збор за лице кое повеќе пати е осудувано за различни кривични дела. Тој беше осуден пред околу 15 години за обид за убиство. Тој има повеќе пресуди за насилничко однесување и загрозување на безбедноста – изјави Арнаутовиќ.
Тој потврди дека Сулејмановиќ имал и пријави за семејно насилство.
– Има такви извештаи. Но, она што треба да го кажеме е дека секогаш се користеа придобивките од законот, односно се откажуваше сведочењето поврзано со кривичното дело семејно насилство – рече Арнаутовиќ.
На новинарско прашање дали е вистина дека Сулејмановиќ во четвртокот бил пријавен во полиција за семејно насилство, Арнаутовиќ рече:
– Не беше вчера, но пријавата е испратена пред три-четири дена. И кога почнавме да го документираме тој настан, се искористија придобивките од законот, односно можноста да не се сведочи, така што самата кривична пријава за семејно насилство беше отфрлена, додаде тој.
Министерот за внатрешни работи на кантонот Тузла, Хајрудин Механовиќ, рече дека семејното насилство последен пат е документирано пред еден месец во полициската станица Градачац.
-Тогаш не беше изречена мерката забрана за пристап до семејството бидејќи жената плашејќи се за себе ја повлече изјавата во судот и судот не оцени дека нејзиниот живот е во опасност, па не ги определи мерките. Тоа е системска грешка што некој мора да ја поправи. Често ја прашуваат полицијата, жаргонски кажано, зошто сте оставиле лик од тој калибар на улица? Требаше ли полицијата незаконски да го држи во затвор? Се знае кој известува, кој гони и кој осудува. Со денешниот пренос во живо добивме потенцијално Бог знае колку слични ликови кои се желни за пет минути слава и се подготвени да ги ризикуваат своите и животите на другите. Тоа треба да се уреди со државна регулатива – рече Механовиќ.
Медиумите синоќа ја објавија одлуката на Општинскиот суд во Градачац со која се отфрла предлогот на МВР да му се забрани на Нермин Сулејмановиќ да и се приближува на жртвата. Четири дена подоцна Нермин Сулејмановиќ ја убива својата сопруга Низама Хеќимовиќ.
Како што објави порталот Istraga.ba, Министерството за внатрешни работи на кантонот Тузла, полициското одделение Градачац, поднело барање за изрекување заштитна мерка забрана за вознемирување и следење на лице изложено на насилство и заштитна мерка забрана за приближување жртва на насилство врз Нермин Сулејмановиќ. Судот одбил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Хаос по поплавите на омилените дестинации во Грција: „Се’ се случи за два часа“
Грчките острови Парос и Миконос, популарни меѓу туристите за време на летната сезона, во понеделникот вечерта беа погодени од поројни поплави, а локалните власти соопштија дека се очекува обилните врнежи да продолжат во регионот.
Властите на Парос изјавија дека пожарникарите морале да спасат 13 лица кои се нашле во неволја поради поплавите.
Градоначалникот на Парос, Костас Бизас, изјави дека надојдените води го напуштиле своето корито во рибарското село Науса, поплавувајќи продавници и куќи и носејќи речиси 40 возила.
#NEWS – #Maltempo in #Grecia, dopo forti piogge improvvise inondazioni nelle isole #Cicladi
Ingenti danni a #Paros, nel villaggio di #Naousa, e a #Mikonos#video dalla rete#31marzo #Greece #floods #weather #Lluvias #Meteo #Weather #flooding #cyclades #island @vinmorgante pic.twitter.com/uubDp1lZPq
— Tv2000.it (@TV2000it) March 31, 2025
Според Ројтерс, властите на Парос се соочиле со потешкотии при отстранувањето на возилата кои биле разнесени од калливите порои по патиштата и населените места.
„Патиштата се оштетени и ни требаат повеќе машини за да можеме да ги исчистиме улиците“, изјави градоначалникот Бизас. „Целата катастрофа се случи за само два часа“, додаде тој.
Several cars swept way by heavy floods in Naousa of Paros, Greece 🇬🇷 (31.03.2025) pic.twitter.com/xCf36HJ8TU
— Disaster News (@Top_Disaster) March 31, 2025
Во Миконос паднал и град.
Severe flooding in Naousa, Paros, Greece, cars swept away by floods. pic.twitter.com/8plRLLrQOL
— Disasters Daily (@DisastersAndI) March 31, 2025
Агенцијата за цивилна заштита предупреди дека жителите на Парос и Миконос не треба да излегуваат од своите домови.
Се очекува обилните врнежи да се преместат кон островите Хиос, Самос и Икарија.
Flash Flood after heavy rain in Naousa, Paros Island, Greece pic.twitter.com/sH5sMXeb5R
— Disasters Daily (@DisastersAndI) March 31, 2025
Breaking 🚨: Severe flooding hits Greece, leaving streets submerged and homes evacuated.
Authorities report heavy rainfall overwhelming drainage systems.
Rescue operations are underway as residents are urged to stay safe. pic.twitter.com/3hikG5STXM
— WorldsQuant (@WorldsQuant) March 31, 2025
Според метеоролошката служба, дождот проследен со ветрови до 74 километри на час претставува опасност и се очекува да продолжи и вечерва.
Училиштата и градинките на островите Парос, Миконос, Родос, Кос, Калимнос, Сими и Тилос се затворени од претпазливост.
Грција во декември 2024 година беше погодена од опасно невреме. Тогаш најмногу настрадаа островите Родос и Лемнос.
Регион
За пари дозволувала малолетната ќерка да биде сексуално експлоатирана: мајка макро од Ниш оди во затвор
Аница Б.(46) од Ниш денеска е осудена на пет години затвор за подведување на нејзината малолетна ќерка на Бранислав М.(49) од Пироќ, кој со неа како соизвршител го извршил кривичното дело трговија со луѓе, за што Вишиот суд во Ниш го осуди на пет години и шест месеци затвор.
Како што изјави судијката на Вишиот суд во Ниш, Ивана Миловановиќ, овие двајца делото го сториле од 10 до 12 септември 2019 година.
Аница делото го сторила здраворазумно со умисла злоупотребувајќи ја довербата на малолетната жртва, а Бранислав со употреба на сила и предавање пари во износ од 15.000 динари. Мајката на малолетничката се договорила со него за оваа сума пари да му ја предаде ќерката на сексуална експлоатација. Бранислав, кој престојувал во нејзината куќа, извадил пиштол и рекол дека убивал луѓе и дека има врска со криминал. На Аница и ги предал парите, а потоа се обидел да ја прегрне девојката. Рече дека ќе ја „краси со злато“ ако со него се состане-наведува судијката Миловановиќ.
Како што понатаму појаснила, тинејџерката одбила да го исполни барањето на мајка си, поради што таа пцуела и се заканувала.
– Аница му рекла на Бранислав дека се ќе исправи и дека следниот ден ќе му го донесе малото девојче. Тие се сретнале во кафуле каде Бранислав и врачил златен накит на Аница, а таа и го подарила на ќерката, по што ги оставила сами. Бранислав потоа со такси ја однел девојката во Нишка Бања, каде ја чувал преку ноќ и ја замолил да спие со него – изјави судијката Миловановиќ, пренесуваат медиумите во соседството.
Понатаму, судијата изјави дека при одлучувањето за вината на двајцата обвинети, внимателно биле разгледани сите докази.
– Малолетничка и нејзиниот брат, кој исто така е малолетен, работеле во забавниот парк во сопственост на Бранислав со дозвола на нивната мајка. Бранислав повремено доаѓал во станот на Аница и признал дека и дал 15.000 динари. Дека делото за кое се товарат навистина е сторено, докажа не само сведочењето на малолетната жртва туку и сведокот. Исто така, откривме дека Аница планирала средба на нејзината ќерка со Бранислав на тој начин што таа отишла на училиште на договорениот ден за да го оправда отсуството со тоа што треба да го сними слепото црево. Веднаш потоа ја однела кај Бранислав и ја оставила таму. Дури кога мајка и ја прашала каде е внуката, Аница го пријавила исчезнувањето на малолетничката во полиција – продолжи судијата.
Иако сексуалниот однос не се случил, судот сметал дека тоа не влијае на квалификацијата на делото -трговија со луѓе.
– Според мислењето на Врховниот суд, за постоењето на овој чин доволно е тоа што целта била сексуалната експлоатација, а не е неопходно тоа навистина да се случи – објасни судијката.
Регион
Додик: Јас сум цел затоа што не се согласив да им служам на парите на УСАИД; последните удари на поразените елити
Претседателот на Република Српска, Милорад Додик, кој престојува во Москва, му се заблагодари на американскиот политичар Род Благојевиќ за поддршката посочувајќи дека тој е цел бидејќи не се согласил да им служи на парите на УСАИД и НЕД, туку на својата земјан и дека ќе продолжи да победува во Српска.
„Кога не може да ве победат на изборите, тие се обидуваат да ве уништат во судовите. Ова го научија американскиот претседател Трамп, лидерката на партијата Национален собир, Марин Ле Пен, и многу други лидери, кои ги избраа народот наместо елитата, суверенитетот наместо покорувањето, вредностите наместо грантовите“, напиша Додик на платформата „Икс“.
Истакнувајќи дека Род Благојевиќ го забележал тоа, претседателот на Република Српска истакна дека целта денес се оние што не се согласиле да им служат на парите на УСАИД и НЕД, туку на својата земја, религија и народ.
„Но, тоа се ударите на поразените елити. И ќе биде последен. Претседателот Трамп ќе успее во Америка, Ле Пен ќе победи во Франција, Калин Ѓорѓеску во Романија, а јас ќе продолжам да победувам во Република Српска“, рече Додик означувајќи ги американскиот потпретседател Венс и Илон Маск.
Поплавени куќи, магацини и индустриски објекти во Студеничани, Батинци, Пинтија и Горно Лисиче
РЦУК – Скопје, известува дека поради врнежите од дожд, во текот на доцните попладневни и вечерните часови, дојдено е до...
Арсовска: Ѓеоргиевски освен со сликање со друго не може да се пофали, со превенција се спречуваат поплави, не со глумење спасител
„Се излеала реката во Батинци, општина Студеничани, бидејќи општинските власти не ги чистат каналите, активност која како нивна надлежност превентивно...
Сообраќајот на магистралниот пат Крива Паланка – Деве Баир е нормалзиран
Сообраќајот на магистралниот пат Крива Паланка – Деве Баир, кој беше во прекин поради сообраќајна незгода, е нормалзиран, извести АМСМ....
Град Скопје: Одржување на одводните канали и коритото на Маркова Река е во директна надлежност на општина Студеничани и Министерството за животна средина
„Согласно актуелните акти на Министерството за животна средина и просторно планирање, и актуелниот ГУП донесен во време на Коце Трајановски...
Ѓорѓиевски во Студеничани по поплавата од излеаната Маркова Река: Механизацијата е на терен и нема опасност по населението
По добивањето на информацијата за излевањето на Маркова Река во соседната општина Студеничани, градоначалникот на Општина Кисела Вода, Орце Ѓорѓиевски,...
Се излеа Маркова Река кај Батинци
Маркова Река се излеа денес по обилните врнежи од дожд. Во селото Батинци, водата е надојдена, излевајќи се на неколку...
Оставката на Папазов помина на владина седница
Владата ја прифати оставката на градоначалникот на Кочани, Љупчо Папазов. Советот на општината ќе треба да назначи в.д. градоначалник на...
„Вреди“: Посакуваме Бектеши да ја докаже невиноста, не сакаме ниту еден Албанец да биде одговорен за Кочани
Коалицијата „Вреди“ посакува ексминистерот за економија од редовите на ДУИ, Крешник Бектеши да ја докаже својата невиност во случајот со...
Обезбедувачот на Мицкоски за 50.000 евра оддавал службени тајни, приведен е
За 50.000 евра откривал полициски службени тајни од истрага. Припадникот на обезбедувањето на премиерот Христијан Мицкоски е во притвор. Од...
Кочани доби ново амбулантно возило – донација од компании
Донирано е амбулантно возило за општата болница во Кочани од страна на приватни компании. Амбулантното возило е донација на „Аутомотив...
По трагедијата во Кочани целосно се забранува употребата на пиротехниката во затворен простор
Трагедијата во дискотеката „Пулс“ во Кочани го менува Законот за прекршоците против јавниот ред и мир. Пратениците со 87 гласа „за“, без...
Нема повеќе седење дома и земање плати, потребна ни е ефикасна администрација, порача Мицкоски
„Јавната администрација не е само механизам за спроведување на законите и политиките, таа е лицето на државата, одраз на нејзината...
Трендафилов подготвен тој и сите функционери една година да земаат плата 500 евра, но уште утре минималната да се зголеми на истиот износ
Претседателот на Сојузот на синдикатите на Македонија (ССМ), Слободан Трендафилов, е подготвен една година тој и сите избрани и именувани...
(Видео) Талески: Мицкоски не може да не знае, втор обезбедувач од неговиот круг фатен во контакт со подземјето
Оваа Влада и ДПМНЕ се очигледно сериозно вмешани во криминал, а лица од најголема доверба на премиерот во континуитет се...
(Видео) Масовни кремирањa, сè мириса на смрт во Мјанмар: преживеаните во очај, луѓето клекнати на улица и плачат
Сè послаби се надежите во Мјанмар дека ќе се пронајдат живи луѓе по разорниот земјотрес од 7,7 степени според Рихтеровата...
Во Козле, во „8 Септември“ или во странство ќе одат на рехабилитација пациентите со потешки повреди, кои следната недела ќе почнат да се враќаат
Во текот на оваа недела од лекување во странство најавено е дека ќе се враќаат пациентите што се целосно закрепнати,...
93 пациенти повредени во пожарот во Кочани закрепнаа, уште 100 се лекуваат во странство и во домашните болници
Од вкупно 193 повредени во пожарот во Кочани, 93 пациенти закрепнаа и заминаа на домашно лекување, а во болниците во...
(Видео) Грција ја зафати невидено невреме, уништени омилените туристички места, владее хаос
Страшното невреме што ја зафати Грција речиси инстантно ги уништи омилените места за одмор во оваа земја. Некои од најубавите...
„Кој му ги дал службените тајни на обезбедувачот на Мицкоски“, прашува СДСМ
„Обезбедувањето на Мицкоски е составено од најголемите криминалци во државата, кои тој лично ги одбрал на тие позиции. Оттука се...
Нема знаци за живот под урнатиот облакодер во Бангкок: „Ќе копаме уште“
Гувернерот на Бангкок Чадчарт Ситипунт изјави дека не се откриени знаци на живот во урнатините на облакодер во главниот град...
