Регион
„Новости“: Српските туристи и агенции се закануваат со штрајк со глад поради грчката рампа

Веста дека Грција ќе остане затворена за српските граѓани и по 15 септември предизвика гнев кај туристите и сопствениците на агенциите.
Неполн час по објавувањето на неофицијалните информации дека границите остануваат затворени, сопствениците на туристички агенции и туристи кои ги купиле аранжманите, за медиумите изјавија дека планираат да ја блокираат грчката амбасада во Белград и да започнат штрајк со глад се додека не се промени одлуката и не им се дозволи влез на граѓаните на оваа земја, дознава „Новости“.
„Новости“ вчера објави дека Грција одлучила да ја продолжи забраната за влез на српските граѓани по 15 септември.
По објавата, директорот на туристичкото здружение Јута, Александар Сеничиќ, за РТС изјави дека таквата одлука е очекувана бидејќи епидемиолошката состојба во Грција е лоша.
Тој вели дека околу 100 милиони евра на српски граѓани се заробени преку туристичките агенции во Грција и други дестинации, меѓу кои Шпанија и Италија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Училиштата во Србија и неделава ќе останат затворени: „Дури и да размислувавме за враќање, по 15 март не се чувствуваме безбедни

Голем број училишта во Србија, според сите проценки, нема да бидат отворени ниту оваа недела, и покрај тоа што Владата во неколку наврати го најавуваше 17 март како „ден Д“ за продолжение на учебната година. Просветните работници велат дека по она што се случи во саботата кога беше пукано со звучен удар врз учесниците на протестот, дополнително се плашат за својата безбедност и безбедноста на своите ученици.
Своите понатамошни чекори во суспензијата ќе ги координираат со студентите чии барања ги поддржуваат.
Сите белградски средни училишта продолжуваат да ја прекинуваат наставата, а во некои од нив учениците со поддршка и логистика на своите родители физички ги блокираа зградите.
„Со исто темпо продолжуваме и оваа недела, особено по инцидентот на протестот во саботата со звучниот топ. Во тоа време, илјадници просветни работници, нашите сегашни и поранешни студенти, како и нашите сопствени деца беа на улица. И повеќе од јасно е дека сета наша безбедност беше загрозена. И да размислувавме на друг начин да се вратиме на работа, после ова не се чувствуваме безбедни, ниту ние, ниту нашите ученици“, објаснува за Нова.рс, Ана Димитријевиќ, претседател на белградскиот гимназиски форум.
Регион
(Видео) Осум од повредените во Кочани се во „Пирогов“ во Софија, три се деца, сите се во тешка состојба

Осум од повредените во пожарот во дискотеката „Пулс“ во Кочани се во тешка состојба во Софија во болницата „Пирогов“. Од нив три се деца на возраст од 15-16 години – две девојчиња и едно момче, објави БГНЕС.
Ова утрово го соопшти д-р Валентин Димитров, директор на „Пирогов“ – една од болниците каде што беа пренесени дел од повредените во трагичниот инцидент во Македонија, пренесе БГНЕС.
Уште петмина од примените во „Пирогов“ – четири мажи и една жена се во тешка општа состојба. Едно од децата е на интензивна нега. Тројца се интубирани. Изгореници има на горните екстремитети и лицето, објасни д-р Димитров.
Останатите повредени во Кочани, транспортирани во Бугарија, се сместени во Варна и Пловдив.
Д-р Валентин Димитров најави дека во моментов нема итна потреба од дарување крв за настраданите, но секогаш има потреба од крводарители. Тој апелираше да не престанува крводарителството. За повредените од Кочани, центрите за крв во Пловдив, Стара Загора и Софија се подготвени да одговорат на она што е потребно.
Регион
(Видео) Тројца пациенти од Кочани се примени во болница во Варна

Тројца повредени во пожарот во Кочани вчера се примени на Клиниката за изгореници при ВМА-Варна, јави Бгнес.
Тие беа пренесени во Варна со воениот авион Спартан, кој првично слета во Софија, каде што пет пациенти беа сместени во болницата Пирогов.
Бугарија се обврза на лекување на 14 повредени во пожарот во Кочани.
Во пожарот што избувна во дискотека во Кочани животот го загубија 59 лица.