Регион
Обид за киднапирање автобус во Словенија, возачот поминал на црвено за да се спаси

Едно лице е убиено во градски автобус кој вршел јавен превоз во Љубљана бидејќи, како што наведуваат словенечките медиуми, се обидел да го киднапира возилото и му се заканил на возачот дека ќе го убие.
Непознато лице го присилило возачот да тргне кон обиколницата, заканувајќи му се дека ќе го убие со шрафцигер, јавува словенечкото „Дело“.
Меѓутоа, возачот останал присебен и свртел во правецот што го побарал киднаперот, но потоа намерно поминал на црвено светло за да ја предупреди полицијата.
Полицијата потврди дека дошло до инцидент и дека едно лице настрадало, а според неофицијални информации, станува збор за напаѓачот, додаде „Дело“.
Портпаролката на љубљанската полициска управа, Наташа Пуцко, рече дека полицијата информациите за киднапирањето на автобусот ги добила синоќа околу 21 часот и додаде дека повеќе податоци ќе бидат познати кога полицијата ќе заврши со увидот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Силен ветер пренасочи авиони и ги одложи летовите на аеродромот во Дубровник

Пoради силниот ветер што денеска ја зафати областа Дубровник, три авиони кои требаше да слетаат на аеродромот „Руѓер Бошковиќ“ во Дубровник беа пренасочени кон италијанскиот град Бари, додека шест од нив беа пренасочени кон Сплит.
Авионите на EasyJet и British Airways од Лондон и авионите на Ryanair од Берлин беа пренасочени во Бари. Авионите на Ryanair од Стокхолм, Виена и Краков, KLM од Амстердам и Croatia Airlines од Франкфурт и Загреб се пренасочени кон Сплит, а летот на Austrian Airlines од Виена е откажан, објавено е на веб-страницата на аеродромот во Дубровник, Руѓер Бошковиќ.
Голем број летови од Дубровник до европските дестинации се откажани или одложени.
Регион
(Видео) Загина поранешната „Мис Балкан“, пијана пеш бегала од полицијата и паднала од надвозник

Поранешната Мис на Балканот, 27-годишната Ѓулер Ердоган го загуби животот откако падна од надвозник на патот бегајќи од полициски контролен пункт, каде беше констатирано дека е во алкохолизирана состојба, пишува турски Хуриет.
Според „Хуриет“, несреќата се случила ноќта на 1 април. При проверката било констатирано дека била под дејство на алкохол, по што излегла од автомобилот и почнала да бега.
🔴 Ramazan Bayramı tatili için ailesinin yanına Giresun’a gelen Kosova Avrupa Güzeli ve model Güler Erdoğan, üst geçitten düşerek hayatını kaybetti.
📌 Genç kadının ölümü ile ilgili soruşturma başlatıldı. pic.twitter.com/EBtIK8c5gV
— Mynet (@mynet) April 3, 2025
Обидувајќи се да побегне, таа се качила на надвозникот, но паднала на патот и се здобила со тешки повреди. Потоа ја прегазил друг автомобил.
Медицински екипи пристигнале на местото на настанот по пријава од случаен минувач. Од прегледот било утврдено дека таа починала. Според Хуриет, познато е дека Ердоган имал психички проблеми. За овој случај е отворена истрага.
Регион
Младо момче пропадна низ отвор на лифт во Сараево

На Природно-математичкиот факултет во Сараево денеска млад човек паднал низ отворот од лифтот, пренесува Radiosarajevo.ba.
„Денеска во 13 часот и 44 минути пријавена е оваа несреќа. Млад човек се обидел да излезе од лифтот и паднал низ отворот“, изјавиле од противпожарната бригада на Сараево.
Пожарникарите за две до три минути биле на местото на несреќата и го ослободиле, а момчето било при свест.
Откако пожарникарите го извлекле младиот човек, брзата помош дошла да го пренесе во болница.
Не е познато според написите, дали младиот човек е потешко повреден.