Регион
(Од минута на минута) Властите стравуваат дека бројот на жртви во Атина ќе надмине 100
Градските власти на Атина стравуваат дека бројот на жртви во пожарите ќе се искачи над 100. Противпожарната служба соопшти дека прима стотици повици со пријави за исчезнати лица, па со тоа бројот на лица по кои се трага не може да се прецизира.
Според последните податоци на Пожарната служба, во пожарот во Атина загинале 74 лица, а 164 се повредени. Жртвите, меѓу кои има и деца, сè уште не се идентификувани.
Според тамошните медиуми, ваква огнена стихија не се памети изминативе десет години.
Шумските пожари избувнаа во западниот и источниот крај на Атина по високите температури, кои беа над 40 Целзиусови степени, и силниот ветер. Пожарникарите соопштија дека имало и над 150 повредени, некои од нив потешко и оти може бројот на жртвите да биде поголем. Грчкиот премиер, Алексис Ципрас, ја прекина посетата на Босна и Херцеговина и се врати во земјата, при што побара помош од Европската Унија и војската.
19.30 ч. Македонија ќе испрати 100 000 евра помош за Грција
Како приоритетни мерки, Владата на Република Македонија на денешната седница донесе одлука да испрати финансиска помош во висина од шест милиони денари до Владата на Република Грција за справување со катастрофалните пожари што овие денови ја зафатија пошироката околина на главниот град Атина, соопштија од Владата.
Дополнително, Владата донесе одлука да формира координативно тело кое на дневно ниво ќе ја следи состојбата и ќе координира соодветна хуманитарна помош, што ќе се договори како потреба со надлежните институции во Грција и со градот Атина.
19.05 ч – Грчките медиуми објавија дека се пронајдени уште две тела
17.15 ч – Грчкиот Црвен крст отвори сметка за поддршка на жртвите
Грчкиот Црвен крст отвори банкарска сметка на која луѓето и фирмите може да донираат средства за помош на лицата погодени од пожарот
17 ч – Одморалиштето Мати, ден по смртоносните пожари
16 ч – Застрашувачки видеа од пожарите во Атина снимени од авион
Колку е голем размерот и силата на смртоносните пожари што ја зафатија Атина и околината покажуваат видеата направени од авион и од хеликоптер кои се објавени на социјалните мрежи.
15.10 ч – Итна солидарна помош на Град Скопје за Атина
Градоначалникот Шилегов денеска телефонски разговараше со градоначалникот на Атина, Јоргос Каминис, и му изрази длабоко сочувство за загинатите граѓани во стихијниот пожар што ја зафати околината на Атина.
Градот Скопје ќе ѝ испрати милион денари помош на Атина за настраданите во пожарите. Ова е прва итна мерка на Градот Скопје и тој останува отворен за каква било помош доколку дополнително се побара.
15:29 – Помош и од Меркел
Германската канцеларка, Ангела Меркел, понуди денеска помош за Грција во борбата против пожарите што избувнаа во близина на Атина, јавија германските медиуми.
Во телеграмата со сочувство упатено до грчкиот премиер, Алексис Ципрас, Меркел наведе дека Германија цврсто стои покрај грчките пријатели.
13.49 ч – Путин понуди помош
Рускиот претседател, Владимир Путин, изрази сочувство до грчките власти во врска со смртоносните пожари во земјата и им понуди помош за санирање на последиците, соопшти Кремљ.
13.20 ч – Тридневна жалост во Грција
Грчкиот премиер, Алексис Ципрас, прогласи тридневна жалост во Грција.
13.00 ч – Грчки доктор тврди дека луѓето во Мати загинале за само еден час
„Сè се случило за само еден час, дури и помалку. Дувал силен ветер и луѓето не можеле да реагираат. Тие се обиделе да побегнат кон морето. Во текот на целата ноќ жителите се обидувале да се спасат, качувајќи се во чамци. Се плашам дека бројот на жртви може да биде двојно поголем. Сè уште се трага по исчезнатите“, вели лекарот.
12.30 ч – Војската ги зајакнува патролите
Грчкиот совет за одбрана испрати специјално обучени членови на вооружените сили и на Националната гарда во помош на патролите за цивилна заштита за спречување на пожарите, пишува грчкиот портал „Катимерини“.
Министерот за одбрана, Панос Каменос, свика седница на Советот, откако ја надлета и од воздух ја виде состојбата во областа зафатена од пожарите. Советот одлучил грчките и сојузните дронови и летала да ѝ помогнат на цивилната одбрана во собирање податоци за состојбата од различни делови на земјата коишто се под ризик од пожари или од намерно подметнување огнови. Мерките се воведуваат по шпекулациите дека пожарите во источна Атика, како и неколку пожари во регионот на Коринт се подметнати.
12.15 – Бројот на мртви над 60
Најмалку 60 лица загинаа во шумските пожари кои од вчера го зафатија регионот источно од Атина.
12.00 ч – Новинар стигна до местото каде што изгореа 26 луѓе
„Ова е најужасната сцена што некогаш сум ја видел“, сведочи грчкиот новинар Костас Коукумакас, кој е на местото на настанот во одморалиштето Мати, каде што во вила на 25 километри североисточно од главниот град беа пронајдени 26 запалени тела.
11.10 ч – Јункер вети помош
Претседателот на Европската комисија, Жан Клод Јункер, разговараше со грчкиот премиер, Алексис Ципрас, и му ветил дека ЕК ќе ѝ помогне на Грција на секој можен начин. Јункер изрази и сочувство поради жртвите во пожарите во Грција.
11.04 ч – Снимка од авион
Видеоплеер
Грчкиот премиер, Алексис Ципрас, кој ја прекина посетата на Босна и Херцеговина поради големите пожари во околината на Атина, изјави дека ова е тешко време за Атика и за Грција. Според последните податоци, во пожарите настрадаа 54 лица, додека околу 150 се повредени.
10.45 ч – Нема повредени македонски државјани
Министерството за надворешни работи досега нема добиено информаци за македонски државјани кои се обратиле за помош во дипломатско-конзуларните претставништва во Грција, како засегнати од пожарите што ја зафатија Атика. Тие додаваат дека во овој момент се комуницира и со институциите од регионот на Атина, но и со засегнатите служби.
10.26 – Шпанија испрати два авиона
Шпанската влада соопшти дека испратила два авиона во Грција за гаснење на пожарите со цел да им помогнат на грчките пожарникари. Шпанското Министерство за земјоделство соопшти дека секој од авионите може да носи по 5,5 тони вода.
9.45 ч – Пристигнува помош од Европа
Авиони за гаснење на пожарите во Грција пристигнуваат од Италија, Германија, Франција и Полска.
La Grecia brucia: https://t.co/yNXcc6UuJk
emergenza incendi vicino Atene, almeno 50 morti??#Grecia #incendi #greecefire ?
Foto: Forecast Weathere Greece pic.twitter.com/zZdMnDpcmR— 3B Meteo (@3BMeteo) July 24, 2018
9.27 ч – Пронајдени 26 изгорени тела
Во една вила во одморалиштето Мати, на 25 километри североисточно од главниот град, пронајдени се 26 запалени тела. Како што пренесува грчкиот Црвен крст, се претпоставува дека станува збор за членови на едно семејство, а повеќето од нив се пронајдени прегрнати.
9.09 ч – Прогласена вонредна состојба
Грките власти прогласија вонредна состојба во околината на Атина поради силните пожари што синоќа ја зафатија земјата.
9.01 ч – Спасени туристи од Данска
Спасителите пронашле група од десет туристи од Данска, кои минатата ноќ, бегајќи од огнот, со чамец отпловиле во непознат правец.
9 ч – Македонија ќе испрати два авиона за гаснење на пожарите во Грција
Првиот човек на Дирекцијата за заштита и спасување, Аднан Џаферовски, вели дека од синоќа се во постојан контакт со центрите во Грција, каде што околината на Атина ја има зафатено огнена стихија каква што не се памети изминативе десет години.
8.52 ч – Повеќе од 300 пожарникари се борат со огнената стихија
Досега се спасени 80-ина луѓе, а во акциите за гаснење на пожарите се ангажирани над 300 пожарникари, со повеќе од 60 возила. Пожарникарите се борат да ја заштитат зоната околу летувалиште што се наоѓа североисточно од Атина.
Според зборовите на портпаролот на грчката влада, Димитрис Ѕанакопулос, 15 пожари избиле во исто време на три локации околу Атина.
8.20 ч – Грција бара помош од ЕУ
Грција побара помош од ЕУ, а Шпанија и Кипар сами ѝ понудија помош за справување со пожарите во кои изгореа над 100 куќи и повеќе од 200 возила.
8.07 ч – Пронајдени двајца од исчезнатите туристи
Грките медиуми јавија дека десет лица, најверојатно, туристи од Данска, исчезнале кога бегајќи од огнот, влегле во чамец и се упатиле во непознат правец. Грчката крајбрежна стража почна акција за нивно пронаоѓање и спасување, при што двајца се пронајдени, а по другите се трага.
7.55 ч – Населбата Мати веќе не постои
„Мати повеќе не постои како населба. Видов тела, изгорени автомобили. Се чувствувам среќна што сум жива“, сведочат жителите на Грција за огнената стихија што ја зафати околината на грчкиот главен град Атина.
7.40 ч – Меѓу жртвите има и бебе
Извлечени се уште четири тела од водата, а меѓу жртвите има и шестмесечно бебе, кое, најверојатно, се задушило од чадот. Бројот на жртвите порасна на 24.
7.35 ч – Пожарот ги зафати регионите источно и западно од Атина
Пожари беснеат источно и западно од Атина поради што жителите мораа да ги напуштат своите домови.
Исто така, владата го затвори за сообраќај еден од главните автопатишта на релација Атина-Коринт, а ги запре и возовите што сообраќаат на тој дел од Атина. Еден од локалните градоначалници, Евангелос Бурнус, за „Катимерини“ сведочел дека видел како биле запалени повеќе од 100 дома и 100 автомобили.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пицула: Србија седи на четири столчиња, Вучиќ си игра свои игри
Србија е највлијателна меѓу земјите кандидати за членство, но не е реално да влезе во Европската унија со сегашното раководство кое седи на четири столчиња, беше речено денеска на прес-конференцијата на социјалдемократските претставници задолжени за проширувањето.
„Мое искрено мислење е дека амбицијата на претседателот Александар Вучиќ не е да се приклучи на Европската унија, бидејќи тоа би значело дека тој и неговата опција мора да ги почитуваат многу строгите правила и стандарди на ЕУ во однос на демократскиот систем, слободата на медиумите, малцинствата и други прашања. Наместо тоа, тој си игра свои игри“, рече Тонино Пицула, известувачот на Европскиот парламент за Србија.
За улогата на проширувањето во актуелниот геополитички контекст Пицула разговараше со белгиската пратеничка Кетлин Ван Бремпт, која е задолжена за проширувањето во пратеничкиот клуб на социјалдемократите, и со известувачот за Албанија, австрискиот пратеник Андреас Шидер. Хрватскиот социјалдемократски претставник рече дека Србија води таканаречена мултивекторска надворешна политика.
„Постојат четири столба на српската надворешна политика – Европската унија, САД, Русија и Кина, и мислам дека не е можно постојано да се седи на четири столчиња. Мислам дека ние не споделуваме вредности и геополитички цели со Кина и Русија во повеќето области, а уште помалку со САД“, рече Пицула.
На прашањето дали Србија може да влезе во Европската унија со сегашното раководство, Пицула одговори негативно, нагласувајќи дека е невозможно да се има амбиција да се завршат преговорите до крајот на 2026 година, како што тврди српското раководство, без радикална промена на позицијата и однесувањето во многу области.
„Но, сакам да бидам целосно јасен, на граѓаните на Србија е да ја изберат владата што ја сакаат, а на институциите на ЕУ е да проценат дали Србија ги исполнува стандардите неопходни за напредок на патот кон членството“, рече Пицула.
Според написите, водачи во пристапниот процес во моментов се Црна Гора и Албанија. Во последните три години Србија не отвори ниту едно поглавје, Северна Македонија е блокирана поради билатерални прашања, а Босна и Херцеговина и Косово се на задната страна. Сепак, Пицула предупредува дека најсилната политичка партија во Црна Гора е во коалиција со просрпската опција, која е отворено против членството на земјата во НАТО и ЕУ.
„Тие се отворена проруска опција и само се преправаат дека сакаат напредок на Црна Гора кон ЕУ“, вели Пицула. Тој додаде и дека српскиот претседател Александар Вучиќ, доколку остане на власт, нема да дозволи Црна Гора да се оддалечи премногу од Србија на патот кон членство во ЕУ.
Десетина земји во моментов го чекаат својот ред за влез во Европската унија, но не треба да се очекува дека сите ќе се приклучат на сегашните 27 одеднаш, посочуваат социјалдемократските претставници. Последното проширување се случи во 2013 година, кога се приклучи Хрватска и ова е најдолгиот период во историјата на проширувањето во кој ниту една земја не се приклучила.
Регион
Татко и син нападнале лекари во итната помош: драма во БиХ
Денеска во Итната помош Зеница се случил инцидент кога татко и син физички го нападнале медицинскиот персонал.
Сè започнало кога во установата се обратил пациент од Зеница, жалејќи се на здравствени проблеми.
Тој бил сместен во просториите каде му била укажана лекарска помош, а во меѓувреме се појавил неговиот татко Е.К. (роден 1967 г.) кој се обидел да влезе во просториите.
Од Министерството за внатрешни работи на Зеничко-добојскиот кантон велат дека по пристигнувањето, персоналот го предупредил дека мора да чека поради тековните медицински процедури, пренесуваат тамошните медиуми.
Но, по вербален судир со медицинскиот персонал, Е.К физички ги нападнал и лекарот и тројца техничари. Набрзо му се придружил и синот кој бил пациент во оваа установа.
Ситуацијата потоа се смирила, додека вработените повикале полиција.
По пристигнувањето, полицајците ги привеле таткото и синот, додека лекарот и тројца техничари се здобиле со полесни повреди.
За настанот бил известен дежурниот обвинител, а таткото и синот се приведени поради сомнение за сторено кривично дело насилничко однесување и загрозување на сигурноста. За утре е најавена криминалистичка обработка на случајот, пренесува „Српска инфо“.
Регион
(Видео) Снежна пролет и во Грција: бура во Солун, снег го покри и Халкидик, сцените нереални
Од синоќа трае студената инвазија во Грција, која во бело обви неколку области од северниот дел на земјата. Од раните утрински часови врнежи од снег се забележани во планинските и на полупланинските делови на централна Грција. Во поголем дел од земјата се очекуваат врнежи, на североисток спорадично невреме, а попладне се очекува слабеење на овие појави.
Карактеристични се фотографиите од Солун, кој осамна со снежна бура во повеќе области, пишува „Прототема“.
Покрај тоа, падот на температурата денеска ќе биде позабележителен во централните и во северните делови од земјата. Од вторник, 8 април, ќе биде зафатен остатокот од Грција, а во повеќе области во северниот дел на земјата ќе има мразови, главно во утринските и во вечерните часови, до петок, 11 април.
В понеделник нешто пред 2 часот во Солун почна да врне снег.
Како што може да се види на фејсбук-профилот на Forecast Weather Greece, во интервали има многу обилни врнежи од снег и на Полигирос на Халкидик.
Силно невреме со град вчера го зафати северниот дел на Халкидик, а особено е интензивно во областа Палеохори и Мегали Панагија.
Колку вреди животот во Македонија – со две години треба да и запалам свеќа на сестра ми и да и речам биди задоволна, порача сестрата на загинатата Теодора
Судот во Тетово пресуди две години затвор за Менсур Пајазити кој на пешачки премин ја прегази 22-годишната Теодора Ристовска. Нејзинита...
29-годишниот Aлександар е 61. жртва на пожарот: имал 35 отсто изгореници од трет степен
Александар Гавриловски, роден на 7 март 1996 година, е 61. жртва на пожарот во кочанската дискотека „Пулс“. Тој почина денес...
Потребни се итни акции за спас на Преспанското Езеро, клучна соработката со владите во Грција и Албанија
Првиот вицепреммиер и министер за животна средина и просторно планирање, Изет Меџити, денеска беше домаќин на советодавната мисија „Рамсар“, предводена...
Очигледно, направена е некаква грешка, рече Мицкоски за царината од САД, очекува бргу да се коригира
Премиерот Христијан Мицкоски очекува бргу да се коригира одлуката на САД за зголемувањето на царините кон Македонија од 33 отсто....
Се зголемува капитацијата за матичните лекари, за гинекологија и за стоматологија
Владата донесе одлука за зголемување на капитацискиот бод за матичните доктори по општа медицина, гинекологија и стоматологија, почнувајќи од април...
Меџити: Таравари треба да расчисти со дилемите, неприродно е и „Влен“ и соработка со ДУИ
Арбен Таравари треба да расчисти со дилемите, смета неговиот коалициски партнер, Изет Меџити. За односите меѓу нив, во рамки на...
Уапсен 19-годишник по сообраќајната несреќа во Скопско каде загина малолетничка
Вчера околу 17.20 часот во СВР Скопје било пријавено дека на локалниот пат село Патишка река – село Осинчани, скопско,...
Тетовец загина во сообраќајна несреќа на патот Маврово – Дебар
Вчера во 17:50 часот во Полициско одделение Ростуше било пријавено дека на регионален пат Маврово-Дебар поточно во местото викано Скудрински...
Најстудено утрово на Попова Шапка, најмногу снег во Крушево
Утрово најстудено било на Попова Шапка каде што се измерени -12 степени, -7 било во Маврови Анови и Крушево, -6...
Партијата Левица: На локалните избори во конечна пресметка со десничарскиот режим
Партијата Левица ја одржа 28-та редовна сесија на Централниот комитет на која беа донесени стратешки одлуки во пресрет на претстојните...
Милијардер близок до Трамп: Не е тоа за што гласавме
Менаџерот на Хеџ Фонд, Бил Акман предупреди дека царините на Трамп би можеле да го доведат светот во „економска нуклеарна...
Шефот на НАТО за мировниот договор: Топката е јасно на теренот на Русија
Русија веројатно нема да може да им диктира услови на САД за прекин на огнот во војната во Украина, но...
(Видео) Хамас го ракетира југот на Израел
Палестинската милитантна група Хамас соопшти дека истрелала ракети врз градовите во јужен Израел како одговор на „израелскиот масакр на цивили“...
(Видео) Трамп: Не можам да ви кажам што ќе се случи со пазарите, понекогаш треба да пиете лекови
Американскиот претседател Доналд Трамп рече „понекогаш мора да земете лекови“ на прашањето на новинарите за турбуленциите на светските пазари на...
(Видео) Филипче: Понеспособна влада сме немале никогаш досега, ќе се бориме за доброто на државата
СДСМ ќе ја врати државата на победничката патека, за доброто на Македонија, за доброто на сите граѓани, кажа вечерва на...
ЦУК: Планинар од Скопје поради лошите временски услови изгубил ориентација на Кожуф, за брзо е пронајден
Ефикасно и брзо е пронајдено залутано лице кај Мрежичко на Кожуф, информираат од Центарот за управување со кризи. Во 13:15...
Таравари бара отворање на истрагите за Дурмо Турс, Беса Транс и модуларна, но и целосна истрага за Кочани без влијанија
Алијанса за Албанците на Арбен Таравари, на денешниот партиски состанок донесе резолуција со која повика на независна и транспарентна истрага...
Уште денес очекувам убави вести за македонските граѓани, рече Мицкоски за царините на Трамп
Премиерот Христијан Мицкоски очекува уште денес убави вести за македонските граѓани и економијата, во врска со царината од 33 отсто...
ВМРО-ДПМНЕ го повика Обвинителството да оформи предмет против градоначалникот на Крива Паланка
Владејачката ВМРО-ДПМНЕ го повика Обвинителството да оформи предмет против градоначалникот на Крива Паланка од редовите на СДСМ, Сашко Митовски, за...
(Видео) Приведен прилепчaнец поради видеото со пукањето од балкон, се трага по уште едно лице
Приведен е 51-годишен прилепчанец од селото Црнилиште Општина Долнени поврзан со видеото со пукањето споделено на „Фејсбук“. МВР трага и по...
