Регион
Пахор: Конечно решение за Косово само кога Вучиќ ќе ѝ сврти грб на Русија

Конечно решение за Косово може да се постигне само ако претседателот на Србија, Александар Вучиќ, ја избере Европската Унија наместо Русија, смета поранешниот претседател на Словенија, Борут Пахор, пренесува „Албаниан пост“.
„На крајот на краиштата, конечното решение ќе зависи од Вучиќ, односно дали тој ќе биде на европска или на руска страна. Ако реши да оди со Русија, нема да има добро конечно решение за косовското прашање. Ако оди на европската страна, порано или подоцна ќе се постигне добар компромис, кој ќе обезбеди дипломатска формална независност на Косово“, истакна Пахор на дебата организирана од Атлантскиот совет.
Коментирајќи ја Заедницата на општини со српско мнозинство (ЗСО), Пахор истакна дека Косово треба да го формира овој механизам бидејќи, според него, тоа ја зголемува недовербата меѓу Косово и Србија.
Пахор вели дека тој лично секогаш го поддржувал дијалогот меѓу двете страни, за кој вели дека не е совршен, но дава резултати.
„ЕУ и САД имаат исклучително важна и позитивна улога во дијалогот“, нагласи тој.
Според Пахор, на Европа во оваа фаза ѝ се заканува поделба на демократски и недемократски земји, а за Западен Балкан е важно, како што наведува тој, во која насока ќе оди Србија.
„Ако Западот може да ја натера Србија да ѝ сврти грб на Русија, тогаш ќе го имаме целиот Балкан на страната на Западот. Ако Србија ја избере Русија, тогаш за неколку години ќе се соочиме со нестабилен регион“, предупреди тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Црна Гора се бори со пожари

Седми ден по ред пожарите во Црна Гора не стивнуваат, а најкритично е во Подгорица, каде што и покрај тоа што ситуацијата е под контрола.
Началникот на Дирекцијата за цивилна заштита и намалување на ризици од катастрофи, Љубан Тмушиќ, соопшти дека најзагрозени области се Пипери и Кучки Корита. – Во овие подрачја се ангажирани сите расположливи ресурси – 12 возила и 42 пожарникари, рече Тмушиќ.
Посебна закана претставуваат и таканаречените „подземни пожари“ кои се активираат со пораст на температурите.
Во гаснењето се вклучени и армијата, како и помош од странство – Србија испрати хеликоптер, а вчера пристигна и швајцарски тим со 26 пожарникари и четири специјализирани возила. Поддршка дава и хеликоптер од Чешка.
Регион
Еди Рама вети бесплатни нови куќи за оние кои во пожарите ги загубија своите домови

По катастрофалните пожари кои деновиве зафатија делови од Албанија, уништувајќи домови и имоти, премиерот Еди Рама излезе со силно и директно ветување до сите настрадани граѓани. Во објава на социјалните мрежи, тој најави дека државата целосно ќе ги обесштети сите што претрпеле штета, вклучително и бесплатна обнова на секој уништен дом.
„Кој и да го изгубил својот дом, ќе го обновиме бесплатно, кој и да изгубил добиток, ќе го рефинансираме еден по еден“, напиша Рама на социјалните мрежи.
Оваа мерка, како што појасни министерот за одбрана Пиро Венгу, ќе се спроведува преку општините. Ќе се формираат посебни комисии за проценка на штетите на куќи, инфраструктура, бизниси и земјоделски култури, по што ќе следува обештетување од општинските фондови за цивилна заштита, поддржани од државниот буџет.
Регион
Шестмина припадници на полицијата се повредени за време на синоќешните протести во Србија

Министерот за внатрешни работи на Србија, Ивица Дачиќ изјави дека за време на синоќешните протести имало драстично нарушување на јавниот ред и мир и брутален напад врз полицијата, и дека, според досегашните податоци, повредени се шестмина припадници на полицијата.
„Шест полицајци се повредени, според информациите што ги имаме во моментов, а 38 лица се приведени. Секој можеше да види во преносот во живо дека имало брутален напад врз полицијата, дека демонстрантите дошле со намера да ги нападнат полицајците, да ги повредат“, рече Дачиќ.
Тој изјави дека вечерта немало поддржувачи на Српската напредна партија, што, како што рече, не ги спречило демонстрантите да ги нападнат просториите на таа партија низ цела Србија, и додаде дека на некои места биле нападнати и просториите на Социјалистичката партија на Србија.