Регион
Петков го призна поразот, нема да коалицира со ГЕРБ на Борисов

Коалицијата ГЕРБ-СДС преводена од Бојко Борисов победи на предвремените парламентарни избори во Бугарија. Излезните анкети на бугарските агенции предвидуваат освојување на 23,5 проценти од гласовите за ГЕРБ, додека зад нив со 19,5 проценти е „Продолжуваме со промените“ на експремиерот Кирил Петков. Седум партии и коалиции ќе имаат свои пратеници во идниот 48. парламент.
Од ГЕРБ засега не го коментираат изборниот резултат. Истакнаа дека ќе говорат по објавувањето на конечните резултати.
Аналитичарите велат дека ова е парламент со израмнети сили, и може да следи нов неуспех за формирање влада, и нови парламентарни избори. Ниту претходната коалиција помеѓу „Продолжуваме со промените“, социјалистите и „Демократска Бугарија“ нема доволно мандати да формира мнозинство.
Кирил Петков го призна поразот
„Прво, сакам да им се заблагодарам на сите гласачи кои гласаа за ПП, но и на сите луѓе кои гласаа. Она што се случи денес всушност покажува дека огромен број луѓе продолжуваат да веруваат, како и ние, дека Бугарија може да биде поинаква, да биде успешна, да биде просперитетна, да не ја јаде корупцијата“, рече копретседателот на „Продолжуваме со промената“ Кирил Петков во првиот говор по завршувањето на изборниот ден.
Тој е категоричен дека нема да коалицира со ДПС и ГЕРБ.
Според него, ГЕРБ-СДС како прва политичка сила треба да преземе одговорност и да формира владина коалиција.
„Продолжуваме со промената“ загуби на изборите – рече другиот копретседавач на коалицијата Асен Василев на прес-конференцијата по завршувањето на изборниот ден. Според Василев, важно е земјата да има стабилна влада:
„Јасно кажуваме дека ги загубивме изборите – за 3 отсто, како што минатиот пат ги добивме со 3 проценти, земајќи ги предвид гласовите од странство. Отсега ни претстои тешка зима, сакам да му посакам на ГЕРБ успех во формирањето на владата, бидејќи нивниот успех е успех за сите Бугари“.
Ова се четврти избори во Бугарија во последните година и половина. Излезноста беше за 3 до 5 проценти помала од изборите во ноември минатата година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двојно убиство во гаража во Загреб, соседите слушнале десетина истрели

Полицијата во Загреб вчера спроведе истрага на улицата Црна вода, каде што во гаражата на станбена зграда се пронајдени тела на маж и жена со прострелни рани.
Како што потврди Полициската управа во Загреб, во 19:08 часот е примена пријава за истрели, по што полицајците веднаш излегле на местото на настанот. Тела со видливи прострелни рани се пронајдени во автомобил паркиран во гаражата на зградата.
Полицијата се сомнева во убиецот и дека потрагата по него е во тек. Исто така истражителите се сомневаат во мотоцикл и Кеди што ги виделе на снимките од видео надзорот.
Соседите велат дека слушнале околу десетина истрели во времето на пукањето. Според нив, жената живеела во станот со нов партнер по разводот. Тие биле станари.
Исто така, соседите велат дека жената требало да го земе своето дете од училиште денес, но не се појавила. Според нив, нејзиниот поранешен сопруг, загрижен за ова, ја контактирал полицијата. Безживотните тела на жената и нејзиниот нов партнер набрзо беа пронајдени во автомобил во гаража во Црна Вода.
Поради сомневање за двојно убиство, на местото на настанот се спроведува истрага на лице место и кривична истрага. Засега нема официјални информации за идентитетот на жртвите или евентуалниот сторител.
Повеќе информации се очекуваат по завршувањето на истрагата на лице место, која ја води заменик-окружниот државен обвинител во Загреб.
Регион
ГЕРБ: Властите во Скопјe треба да ја запрат репресијата врз Бугарите во РСМ

Пратеничката група на ГЕРБ изрази несогласување со пресудата на Основниот суд во Битола против Љубчо Георгиевски. Од собраниската говорница утрово, беше прочитана декларација на оваа тема, објави БГНЕС.
„Овој случај не е изолиран, туку еден од многуте што го потврдуваат прогонот на Бугарите во РСМ.
Од пратеничката група на ГЕРБ-СДС, изјавуваме дека оваа пресуда е целосно неприфатлива и ги повикуваме властите во Скопјe да ја запрат репресијата врз бугарската заедница и врз секој што го брани своето неотуѓиво право да се самоидентификува како Бугарин, изјави Јорданка Фандакова.
Оваа пресуда, според неа, е политички мотивирана, тоа е чин на репресија врз Бугарите во РСМ, чии права се систематски кршени.
„Време е властите во оваа земја-кандидат за членство во Европската Унија да престанат да го негираат постоењето на омраза, како и да престанат со сите дејствија што систематски ја поттикнуваат, особено против Бугарија и Бугарите во РСМ.
Бугарија не може и нема да остане рамнодушна кога нејзините граѓани и сонародници се изложени на неправда поради нивниот идентитет. Љубчо Георгиевски не е сам, целата бугарска држава и народ стојат зад него“, рече Фандакова.
БГНЕС во својот напис потсетува дека Основниот суд во Битола го осуди Љубчо Ѓоргиевски, претседателот на бугарскиот клуб „Ванчо Михајлов“, на затворска казна од една година, со услов од две години да не го повтори кривичното дело, предизвикување национална и расна омраза и нетрпеливост, како и ширење расизам и ксенофобија преку компјутерски систем.
Како што пренесува медиумот, бугарското Министерство за надворешни работи, вчера ја оцени казната како апсолутно неприфатлива.
Регион
Претседателката на Хашкиот трибунал: Ратко Младиќ добива медицинска нега на високо ниво

Претседателката на Меѓународниот кривичен трибунал во Хаг, Грасиела Гати Сантана, денес пред Советот за безбедност на ОН во Њујорк изјави дека генералот Ратко Младиќ добива медицинска нега на „високо ниво“ во притвор.
Младиќ отслужува доживотна казна затвор за геноцидот во Сребреница и воените злосторства против муслиманите и Хрватите за време на војната во Босна и Херцеговина од 1992 до 1995 година.
Поднесувајќи го својот редовен извештај за работата на Трибуналот, Сантана ги информираше земјите-членки на Советот за безбедност дека одбраната на Младиќ неодамна побарала тој да биде ослободен од хуманитарни причини поради неговата неизлечива болест.