Регион
Повторно железничка несреќа во регионот: Четири вагона излегоа од шини кај Црвенка

Четири товарни вагони со меласа денеска излегоа од шините кај Црвенка во Србија. Во несреќата нема повредени, се вели во соопштението на Железничката инфраструктура на Србија.
Како што се наведува понатаму, во возот немало вагони со опасни материи и нема опасност по луѓето и околината. Лизгањето се случило во 10 часот и 45 минути, на делницата Црвенка – Шивац, на линијата Врбас – Сомбор.
– Во товарниот воз имало осумнаесет вагони, од кои четири се лизнале (од третиот до шестиот вагони од локомотивата). Железничкиот сообраќај на оваа пруга е во прекин. На оваа пруга нема патнички железнички сообраќај и сообраќаат само товарни возови. На местото на излетувањето е испратен помошен воз на „Железничка инфраструктура на Србија“ за да се расчистат последиците од вонредните настани, за што побрзо пругата да биде подготвена за возови. Железничката комисија ќе ги утврдува причините за овој излетување – заклучува.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двегодишно девојче најдено мртво на плажа во Грција

Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките медиуми.
На телото на девојчето наишол маж од Египет, кој веднаш ја известил полицијата со повик на бројот за итни случаи 112. Екипа на Брза помош го пренела телото во Детската болница, каде се очекува да биде извршена обдукција.
Во меѓувреме, полицијата ги проверува списоците на исчезнати лица, но засега идентитетот на жртвата не е утврден.
Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.