Регион
По земјотресот во Хрватска се појавија 30-ина дупки во земјата

По разорниот земјотрес во централна Хрватска се појавија 30-ина дупки во земјата кои се шират со секој нов земјотрес, посочуваат експертите и предупредуваат дека е опасно да се пристапи до нив сè додека не се дознае кога ќе престане нивното ширење.
Геолозите кои ја истражуваат областа велат дека тие веќе не треба многу да одат во ширина, но сè додека не се истражат темелно, тие остануваат мистериозни.
Од фотографиите на една од дупките направени во растојание од само неколку дена, јасно е дека дупката е значително зголемена од нејзиното создавање.
Геолозите, вклучувајќи го и Твртко Корбар од Геолошкиот институт, истражуваат што предизвикува нивно ширење и зошто се создале дупки.
„Тоа е многу специфичен феномен за кој малку знаевме. Прочитавме за тоа во научната и стручната литература, но самиот изглед во областа Меченчани е геолошки неочекуван. Никој не може да знае што има под пет или шест метри земја“, рече Корбар.
По еден силен земјотрес, објаснуваат сеизмолозите, нормално е областа да биде погодена од помали.
Во Бановина по најсилните се случија илјада послаби земјотреси од кои некои се чувствуваат, а некои се толку слаби што луѓето дури и не ги забележуваат.
Сепак, сите тие влијаат на понатамошното ширење на дупките.
Геолозите веќе ги почнаа своите истражувања и од мерењата утврдија дека целата област се оддалечила – дел кон Запад, а дел кон Исток.
Страшно е, вели тој, но тоа е природна појава.
„Земјотресите се природен феномен и едноставно треба да се прилагодиме на тоа“, рече Корбар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Убиен судија на Апелациониот суд, во судница во Тирана

Судијата Астрит Каљаја беше убиен денес во Апелациониот суд во Тирана додека траеше рочиштето.
Напаѓачот, засега непознат, влегол во судницата и го застрелал Каљаја, кој бил однесен во болница каде што му била пружена медицинска помош, објавува „Албанија пост“.
На местото на настанот, според медиумот, има бројни полициски сили, кои веднаш го уапсиле осомничениот сторител, а како што се наведува, идентитетот на напаѓачот и мотивите на нападот засега се непознати.
Судијата Астрит Каљаја служел со години во албанскиот судски систем, а неодамна во Апелациониот суд во Скадар.
Тој го поминал процесот на верификација во 2019 година, каде што бил потврден на функцијата од Независната квалификациска комисија, а потоа и од Специјалниот жалбен панел во 2022 година.
Фото: принтскрин
Регион
Пронајдени се телата на браќата од Хрватска во словенечките Алпи

Словенечките планински спасувачи ја продолжија својата акција утрово под врвот Тошќ, во Јулиските Алпи, каде што вчера лавина затрупа тројца хрватски планинари.
Исчезнатите лица, по кои се трагаше од вчера, за жал се пронајдени мртви, објавува словенечки 24ur. Како што неофицијално дознава словенечкиот медиум, двајца од нив биле браќа.
„Ги пронајдовме двајцата – едниот беше закопан околу еден метар во снегот, а другиот околу метар и пол. Првиот успеавме да го транспортираме во долината со хеликоптер, додека сè уште чекаме транспорт за вториот. Самиот терен е многу тежок бидејќи е карпеста, стрмна клисура со бројни карпести скокови, што ја направи работата опасна и тешка за спасувачите. За жал, ќе кажам дека сите тројца планинари што ги пронајдовме во лавината починаа. Им изразувам искрено сочувство на нивните семејства“, рече тој.
Регион
Се уште трае потрагата по хрватските планинари заробени од лавина на словенечките Алпи

Потрагата по двајцата исчезнати хрватски планинари во Јулиските Алпи продолжи утрово кратко по 7 часот, потврди Словенечката планинска служба за спасување за хрватски Индекс.
Вчера наутро, под врвот Тошќ во Јулиските Алпи беше предизвикана снежна лавина, при што беа затрупани тројца хрватски планинари.
За време на тешкото пребарување и спасување, еден планинар беше пронајден без знаци на живот, додека двајцата мажи сè уште се бараат.
Во потрагата денес е вклучен и хеликоптер.
Екипите веќе тргнаа кон локацијата, но точниот број на вклучени спасувачи сè уште не е познат.
Службата додава дека денешното време дозволува распоредување на хеликоптер, но условите во планините се сè уште нестабилни и постои ризик од нови лавини. Идентитетите на загинатиот планинар и двајцата исчезнати сè уште не се официјално потврдени, но неофицијално хрватските медоуми објавија дека двајцата мажи по кои се трага се браќа.
Шеф на спасувачката служба: Ситуацијата е сложена и опасна
Заменик-шефот на Словенечката планинска спасувачка служба, Клемен Белхар, изјави за ХРТ дека во областа има околу половина метар снег, што не звучи како многу, но создава висок ризик од лавини. Тој додаде дека во планините сè уште има групи алпинисти кои ќе бидат спасени денес и утре.
„Ситуацијата е доста сложена и опасна“, рече Белхар. На прашањето дали има надеж дека преостанатите двајца Хрвати по кои сè уште се трага се сè уште живи, тој одговори: „Секако ќе се однесуваме како да се живи, но колку надеж има, никој не знае“.