Регион
Пристигнаа резултатите од ДНК-анализата: „На ножевите не се пронајдени отпечатоци од уапсените хрватски навивачи“

ДНК-анализата на ножевите, која требаше да утврди кој е убиецот на навивачот на АЕК, Михалис Кацурис, покажа дека ниту еден од уапсените Хрвати во Грција не оставил отпечатоци на нив, дознава „24 сата“ од луѓе блиски до истрагата во Грција. Дополнително, на видеата се гледа дека хулиганите од Хрватска не носеле ракавици.
По хулиганските нереди околу стадионот, полицијата пронашла крвави делови од облека, празни стаклени шишиња, два ножа со сечила од осум и девет сантиметри, а на еден од нив имало траги од крв. Пронајдена е крвава летва низ која биле пробиени клинци за да се користи како оружје.
Изворите на „24 сата“ наведуваат дека постои мала можност убиецот да побегнал од државата затоа што десет лица, по тепачката, избегале од Грција, многу од нив со авион.
Помина доволно време за грчките власти да утврдат кој од затворените „Бед лбу бојс“ „е можеби виновен за нешто посериозно“, изјави во понеделникот во Тирана хрватскиот премиер, Андреј Пленковиќ.
Во Тирана беше и грчкиот премиер Киријакос Митотакис со кој Пленковиќ разговараше за навивачите на „Динамо Загреб“, кои од август се во грчки затвор поради конфликт со навивачите на АЕК, во кој беше убиен навивач на атинскиот клуб.
„Нашиот став е многу јасен – дека помина доволно време и сметаме дека надлежните органи, пред сè, нивното државно правобранителство, имаа доволно елементи да утврдат кој е евентуално виновен за нешто посериозно, а кој не…“, им изјави Пленковиќ на новинарите.
„100 луѓе не може да бидат еднакво одговорни за сè“, додаде тој.
Пленковиќ рече дека и кај Микотакис „преовладува таков став дека во следните неколку недели треба да се донесат некои нови одлуки“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Ќе се сретнам двапати со Трамп во наредните денови

Претседателот на Србија, Александар Вучиќ, синоќа изјави дека во следните три до четири дена ќе се сретне двапати со претседателот на Соединетите Американски Држави, Доналд Трамп, јавува Анадолу.
„Ќе се сретнам двапати, од различни причини, во следните четири дена. Не ми верувајте на збор, ги измешав датумите и временските зони“, рече Вучиќ за време на обиколката на работите во новата детска клиника „Тиршова 2“, одговарајќи на новинарско прашање за тоа кога ќе се сретне со американскиот претседател, додавајќи дека „сè ќе се случи во следните три или четири дена“.
Тој, исто така, најави дека очекува италијанската премиерка Џорџa Мелони да го посети Белград во август или септември, која ја опиша, заедно со претседателката на Европската комисија, Урсула фон дер Лајен, како една од најмоќните жени во светот.
Регион
Загина српски воен падобранец

Припадник на 63-та падобранска бригада, виш водник прва класа Милан Станковиќ, почина вечерва во Воената болница во Ниш од повредите здобиени при скок со падобран на воениот аеродром „Михајло Петровиќ“ во Ниш, соопшти Министерството за одбрана на Србија.
Во соопштението се наведува дека по приземјувањето, Станковиќ бил итно реанимиран и пренесен во болница, каде што, и покрај брзата реакција и напорите на лекарите, им подлегнал на повредите околу 19 часот.
Надлежните органи пристигнаа на местото на настанот. Истрагата е во тек. Началникот на Генералштабот на српските вооружени сили нареди формирање комисија за утврдување на околностите на вонредниот настан.
Српски Телеграф пишува дека Станковиќ е роден на 25 декември 1983 година и дека е во српската армија од 2005 година. Зад себе остави сопруга и две деца. Министерот за одбрана Братислав Гашиќ и началникот на Генералштабот на српската армија, генерал Милан Мојсиловиќ, испратија телеграми со сочувство до семејството на починатиот Станковиќ.
Регион
Не успеа ниту новиот обид за избор на претседател на косовското собрание

Собранието на Косово и енеска не го избра Аљбуљен Хаџиу за претседател на собранието.
При гласањето Хаџиу доби поддршка од 54 пратеници, 44 беа против, а три лица беа воздржани.
За него гласаа пратениците на Самоопределување, како и пратениците на малцинските заедници, освен Адем Хоџа, кој гласаше против.
На седницата не учествуваше пратеничката Дуда Баље, која досега гласаше против.
Против гласаа членовите на Демократската партија на Косово, Демократскиот сојуз на Косово и Алијансата за иднината на Косово.
Претставниците на досегашната опозиција, по седницата, изјавија дека сè ова личи на театар и ја обвинија победничката партија дека намерно го спречува конституирањето на парламентот бидејќи нема гласови за формирање на новата влада на Косово.
Од друга страна, Самоопределување ги обвини пратениците на поранешната опозициска партија дека го блокираат нивниот предлог.
Продолжението на конститутивната седница на косовскиот парламент е закажано за 1 мај.