Регион
Пронајдена огромна мртва желка на островот Крк
Жителите на хрватскиот остров Крк забележале огромна желка и веднаш се јавиле во ветеринарниот центар во Цриквеница, од каде што двајца вработени дошле да видат што се случило со заштитеното животно главата желва.
Дојавата ја примила Соња Белиќ, ветеринарен техничар и член на персоналот на ветеринарниот центар во Цриквеница, која рече дека, за жал, не се работело за спасување. Желката веќе била мртва затоа нејзиното тело се заглавило на брегот.
„На ‘Фејсбук’ објавивме текст со фотографии од настанот за да помогнеме да ги освестиме граѓаните колку е важна заштитата на животната средина“, рече таа.
Na što sve nećemo naići….?Nedavno smo dobili poziv od komunalnih redara općine Dobrinj da se na jednoj od plaža…
Posted by VET Centar Crikvenica on Понеделник, 09 декември 2019
„Желката била стара, веројатно, повеќе од 50 години. Тежела 49 килограми. Еден колега, кој го разбира видот, рече дека најверојатно била заплеткана во рибарска мрежа. Во повеќето случаи вака умираат желките кај нас – се заплеткуваат во мрежата или јадат пластичен отпад, што е особено акумулирано по крајот на туристичката сезона“, вели Белиќ.
Главата желва е вид морска желка која единствено ги населува Медитеранот и Јадранското Море. Одвај се забележуваат затоа што живеат во подлабоки делови на морето што се подалеку од брегот. Не смеат да се ловат затоа што се заштитени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Македонија почувствуван земјотрес, епицентарот е во Врање
Земјотрес со јачина од 4 степени според Рихтеровата скала утрово ја погоди јужна Србија, а истиот е почувствуван и во Македонија и во Бугарија.
Епицентарот на земјотресот бил на 12 километри североисточно од Врање, а потресот бил на длабочина од 14 километри и се почувствувал во 4 часот и 48 минути по локално време.
Регион
Пронајдено телото на уште една жртва од поплавите во БиХ, операцијата за извлекување е во тек
Уште една жртва од минатонеделните катастрофални поплави е пронајдена во областа Коњиќ, така што бројот на загинати само во Херцеговско-неретванскиот кантон се искачи на 21. Операцијата за спасување е во тек.
Покрај 21 загинат во оваа област, тројца загинаа во Фојница, така што во БИХ досега се евидентирани вкупно 24 жртви од поплавите, пренесува Н1.
Откако ќе заврши извлекувањето на телото, ќе следи идентификација, изјави за Н1 градоначалникот на Коњиќ, Осман Ќатиќ.
Се трага по телата на уште три исчезнати лица во Јабланица, а по едно во Коњиќ.
Регион
Протече изјавата дадена пред смртта на братот на осомничениот за убиството на Данка Илиќ
Далибор Драгијевиќ, брат на Дејан Драгијевиќ, еден од двајцата обвинети за убиството на двегодишната Данка Илиќ на 26 март во Бањско Поље, по апсењето дал изјава во Полициското одделение во Бор, но не бил сослушан од обвинителство затоа што починал додека бил во полициски притвор.
Во обвинението за убиството на Данка Илиќ, до кое дојде српски Телеграф, стои и изјавата на Далибор Драгијевиќ од полицијата во која тој го обвини својот брат дека го убил детето.
Тој на 6 април бил сослушан и рекол дека брат му Дејан Драгијевиќ на 26 март бил на работа во Водовод каде работел прва смена од 7 до 15 часот, а тој ден дошол дома во 15 часот и 30 минути.
„Забележав промени во неговото однесување, беше вознемирен. Не ми ја кажа причината за тоа, а подоцна слушнав на телевизија дека исчезнало дете во Бањско Поле. Дејан со своето пежо 3072 сина боја дојде дома, а потоа видов бела вреќа во багажникот на неговиот автомобил, Го прашав што има во неа, а тој ми рече дека има дете.
Не се чувствував добро, го прашав што прави, какво дете, а тој ми рече дека детето го прегазиле со автомобил и го земале. Тогаш тука беше и нашиот татко Радослав Драгијевиќ, ја виде и вреќата во багажникот“, изјави Драгијевиќ.
Како што е наведено во изјавата, тој го прашал својот брат Дејан што ќе прави, а потоа се договориле заедно да ја однесат вреќата со детето во напуштена куќа на новиот Злотски пат, што потоа заминале со автомобил и ја оставиле вреќата на приземјето од таа куќа, само ја спуштиле на подот, а потоа се вратиле дома.
„Не се сеќавам кој ден беше, но знам дека беше пред да го уапсат брат ми Дејан. Брат ми ми кажа дека вреќата со телото на детето ја зел од куќата каде што ја оставивме и со својот автомобил ја пренел и ја закопал некаде кај Брестовачкиот мост“, заклучил Драгијевиќ.
Инаку, обвинението кое беше покренато за убиството на Данка Илиќ се уште не е потврдено, а постои можност судот да го врати на дополнување.
Драгијевиќ и Јанковиќ, работници на комуналното претпријатие, беа уапсени на 4 април, а таткото и братот на Дејан, Радослав и Далибор Драгијевиќ, беа уапсени два дена подоцна бидејќи помогнале да се сокрие телото на девојчето.
Еден ден подоцна, на 7 април, Далибор Драгијевиќ почина во полициската станица во Бор.
Двајцата осомничени прво го признале убиството, а подоцна ги смениле исказите и рекле дека полицијата го изнудила признанието од нив.
Телото на Данка Илиќ до денес не е пронајдено.