Регион
Радев со убедливо водство во вториот круг

Бугарскиот претседател, Румен Радев (58) е блиску до победа за да обезбеди втор мандат, бидејќи гласачите во големо мнозинство ја поддржаа неговата програма, покажуваат вечерва прелиминарните резултати од вториот круг на претседателските избори.
Според првичните резултати, Радев добил меѓу 64 и 66 отсто од гласовите, наспроти конкурентот Анастас Герџиков, кој добил 32-33 отсто од гласовите, покажуваат резултатите, а пренесе агенцијата „Ројтерс“.
Радев се здоби со популарност откако ги поддржа големите антикорупциски протести во 2020 година против тогашниот премиер Бојко Борисов и поради назначувањето на преодна влада.
Герџиков, кого го поддржа партијата на Борисов, ГЕРБ, го обвини Радев дека ги поттикнува Бугарите еден против друг.
Тој вети дека ќе ја обедини нацијата, која е погодена од една од најлошите стапки на смртност од Ковид-19 во Европската унија.
Радев е поддржан од политичките ривали на Борисов, партијата ПП, социјалистите и „Има таков народ“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Уште еден силен земјотрес ја погоди Грција

Земјотрес со јачина од 4,6 степени според Рихтеровата скала беше регистриран во четврток, 5 јуни, во 07:18 часот во Егејското Море, Грција.
Земјотресот беше регистриран на 30 километри од Мирина.
#Earthquake (#σεισμός) confirmed by seismic data.⚠Preliminary info: M4.6 || 30 km NW of #Mýrina (#Greece) || 3 min ago (local time 08:18:38). Follow the thread for the updates👇 pic.twitter.com/4qdLSErCCL
— EMSC (@LastQuake) June 5, 2025
Хипоцентарот на земјотресот, според Европско-медитеранскиот сеизмолошки центар, се наоѓа на длабочина од приближно 11 километри под површината на земјата.
Засега нема извештаи за материјална штета или повредени, а надлежните служби ја следат ситуацијата.
Регион
Србинка извлечена мртва од морето во Грција, наредена обдукција: детали за ужасот на Халкидик

Седумдесет и тригодишна жена од Србија била извлечена во несвест од морето на полуостровот Касандра во Грција и однесена во болница, каде што била прогласена за мртва, објавија грчките медиуми.
Сè се случило во градот Сивири на Халкидик, популарно одморалиште кај туристите од регионот.
Таа беше извлечена од морето во средата попладне.
Веднаш беше известена Пристанишната управа на Неа Мудања, а 73-годишната жена беше пренесена со амбулантно возило на ЕКАБ во Здравствениот центар во Касандра, каде што беше констатирана смрт.
Вториот оддел на пристаништето Неа Мудања, при Централната пристанишна управа на Солун, која ја спроведува прелиминарната истрага, нареди обдукција во Службата за судска медицина во Солун.
Регион
Тело на Србинка извлечено од морето во Грција

Седумдесет и тригодишна Србинка е пронајдена мртва во морето крај брегот на Касандра, Грција, пренесе српски Телеграф.
Таа е пронајдена во несвест во морето крај брегот на Касандра на Халкидики во среда околу пладне и со брза помош е пренесена во Здравствениот центар во Касандра, каде што е констатирана смрт.
Според информациите, истрагата е во тек, а ќе биде извршена и обдукција, јавува грчката агенција АНА.