Регион
Рама: Ако Балканот се закашла, за ЕУ тоа е рамно на пневмонија
![](https://makfax.com.mk/wp-content/uploads/2023/05/rama.jpg)
Ако Балканот се закашла, за ЕУ тоа е рамно на пневмонија, рече албанскиот премиер Еди Рама за време на форумот на „Глобсек 2023“ во Братислава.
Рама повторно ја критикува Европската Унија коментирајќи дека е тажно што требало да избувне војна за да се разбуди.
„Ние на Западен Балкан преку болка и фрустрација имаме сфатено дека ЕУ се движи многу бавно и сфативме дека нема стратешка визија. Иако имаше геополитичка загриженост во рутински изрази за влез на трети играчи на Западен Балкан, ништо конкретно не се правеше. Највџашувачки беше кога нè погоди пандемијата и кога сите ние бевме целосно изолирани и гледавме како земјите од ЕУ брзаат и се трудат да се заштитат во своите граници. Кога дојдоа вакцините, дистрибуцијата не го зеде предвид фактот дека има шест земји опкружени со нивните граници. Ние како Албанија се свртевме кон Турција, Србија, Кина и Русија со цел да најдеме помош да спасиме животи. Ако не беше Ердоган, Албанија ќе претрпеше големи жртви. Беше лудило, а беше реалност. ЕУ се разбуди со руската агресија. Добивме отворање на преговорите. Сега е јасно. Не можеме да чекаме уште години за да добиеме реална поддршка. Тој јаз се проширува. Многу зборуваат дека ни даваат поддршка, но бројките се безмилосни. 90 отсто од поддршката за инфраструктура, енергетиката доаѓа преку заеми, а само 10 отсто преку грантови. Најголем процент од грантовите е техничка помош“, рече Рама.
Заклучи дека ЕУ мора да отвори нов пат на соработка во поглед на финансиите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.
Регион
13-годишно девојче загина од гром на плажа на Халкидики
![](https://makfax.com.mk/wp-content/uploads/2020/07/Grcija-1.jpg)
Трагичен настан се случи денеска на Халкидики кога 13-годишно девојче го загуби животот откако го удри гром.
Трагичниот инцидент се случил околу 16:30 часот кога девојчето било на плажата Посеиди, на песокот, а според првите информации полесно е повредена и нејзината мајка.
Времето на Халкидики денеска е лошо со обилни врнежи од дожд, пренесуваат локални медиуми.
Полициската управа Касандра води прелиминарна истрага за инцидентот, пишуваат грчките медиуми.
Регион
Додик: Има ли некој што може да ги тргне бошњачките политичари од погрешен воз
![](https://makfax.com.mk/wp-content/uploads/2024/04/dodik-1.jpg)
Претседателот на Република Српска, Милорад Додик денеска изјави дека кога ќе се качите во погрешен воз сите постојки се погрешни и праша дали има кој да ги извади бошњачките политичари од тој воз.
„Има ли некој што може да им објасни дека Боно Вокс и „U2“ никогаш повеќе нема да свират бесплатно во Сараево, а CNN ќе го емитува концертот? Дека веста за резолуцијата за Сребреница не е објавена во ниту еден светски медиум. Дека Босна и Херцеговина никому не му е важна, освен луѓето што живеат во неа“, напиша Додик на социјалната мрежа Икс.
Дваесет години, посочува, се обидува да им објасни, а тоа ќе го покаже на претстојната средба во Мостар.