Регион
Рекорден број нови случаи и починати од коронавирус во Црна Гора

Здравствените власти на Црна Гора регистрираа нови 373 случаи на коронавирус, додека 12 лица починаа, што е рекорден број на дневна основа од почетокот на епидемијата.
Во моментот има 4.125 активни случаи во земјата, а вкупно 313 лица починале од коронавирус. Од почетокот на годинава, вкупниот број на регистрирани случаи на коронавирус е 18.714, што е три проценти од населението во Црна Гора.
„Само на денешниот рекорден ден во однос на бројот на болни и починати, е забележано ново кршење на епидемиолошките мерки, за време на погребот на митрополитот Амфилохије, кој собра неколку илјади верници, од кои многумина не носеа заштитни маски“, пишуваат црногорските медиуми.
Црногорските епидемиолози ги наведоа политичките митинзи организирани од владата и опозицијата кон крајот на август пред парламентарните избори како причина за наглото зголемување на бројот на пациенти во септември и октомври. Во тоа време, како што беше објавено, на улиците на Црна Гора имаше повеќе од 100 илјади луѓе или четвртина од вкупното население на таа земја.
За време на првиот бран на епидемијата, Црна Гора забележа само 324 заразени лица и девет смртни случаи, така што на почетокот на јуни таа беше единствената земја без коронавирус во Европа.
Сепак, веќе во средината на јуни, вирусот се врати и епидемиолозите не беа во можност да го контролираат неговото ширење пред сè поради летната туристичка сезона и политичката кампања пред парламентарните избори што се одржаа на 30 август.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двегодишно девојче најдено мртво на плажа во Грција

Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките медиуми.
На телото на девојчето наишол маж од Египет, кој веднаш ја известил полицијата со повик на бројот за итни случаи 112. Екипа на Брза помош го пренела телото во Детската болница, каде се очекува да биде извршена обдукција.
Во меѓувреме, полицијата ги проверува списоците на исчезнати лица, но засега идентитетот на жртвата не е утврден.
Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.