Регион
Скандал на Халкидик: сопственик на хотел поставил скриени камери во собите и снимал гости, туристите револтирани
Вистинска врева настана меѓу туристите кога беше откриено дека сопственик на хотел на Халкидик, Грција, поставил камери во хотелските соби.
Како што пренесуваат грчките медиуми, сопственикот на хотелот на Афитос, Халкидик, поставил скриени камери во собите и незаконски ги следел и снимал приватните моменти на своите гости.
Истрагата на грчката полиција е поведена по пријава на млад пар, кој на крајот на септември 2022 година пронашол камера во собата во која ја поминале ноќта.
Како што информираат од полицијата, при истрагата било утврдено дека 34-годишниот сопственик на хотелот снимал и следел 27 лица, од кои огромно мнозинство се грчки и странски туристи, од кои 13 се идентификувани.
Против сопственикот е поднесена пријава, која ќе биде проследена до првостепеното обвинителство на Халкидик за прекршување на законот за лични податоци и приватност на телефонската комуникација и усниот разговор.
Како што се наведува во истото соопштение, при претрес на просториите на туристичкото сместување биле пронајдени шест скриени камери, полначи за мобилни телефони, осум мемориски картички, пронајден е и одземен пренослив електронски компјутер, таблет-уред и мобилен телефон, пренесува новата интернет-страница tvks.gr.
Туристите револтирани
Таткото на четиригодишно дете зборуваше за медиумите и го опиша она што го доживеал во хотелот минатото лето со семејството, како и мислите што му поминале низ главата кога ја открил камерата.
„Нашиот личен живот, особено на нашето дете, е засегнат. Менувавме пелени, тој беше гол премногу часови во собата и воопшто не беше пријатно да се знае дека некој го снимил ова и може да го користи каде било на интернет“, вели таткото на детето.
На масичката покрај нивниот кревет, црн уред, кој личи на полнач за мобилен телефон со УСБ-приклучок, ги снимал нивните приватни моменти во собата, каде што престојуваа на Афитос, Халкидик.
„Изгледаше како некој вид полнач за телефон со УСБ-приклучок. Нè снимал додека бевме во собата. Не знам каква камера има во ова чудо, ниту какви снимки би можела да направи и од кои агли. Мислам дека можеше да ја сними целата соба од таа маса“, вели таткото.
Во хотелските соби биле откриени вкупно 6 скриени камери, кои снимале слики и звук.
„Се сеќавам дека ѝ реков на жена ми да не го полни телефонот на тоа чудо затоа што имавме свои полначи, а имаше и УСБ-приклучок во ѕидот, па не го ни допревме. Сега знам само дека таму имало камера“, вели тој.
Според овој турист, впечатоците од сместувањето на почетокот биле одлични, а всушност и самиот му честитал на сега обвинетиот хотелиер.
„Беше на ниво на хотел со пет ѕвезди. Внатре имаше сеф, кафемат, клима-уред, убава бања. Беше многу добро и сопственикот што го сретнавме ни даде попусти за кафулето во центарот на селото. Јас лично му честитав бидејќи бев воодушевен од работата што ја направи и сето тоа беше по многу разумна цена“, рече тој.
Случајот прва го пријавила поранешна вработена
Грчките медиуми јавуваат дека полицијата првпат дознала за овој случај кога сопственикот бил пријавен од поранешна вработена.
Имено, таа престојувала со своето момче во една од собите. Сопственикот ѝ понудил соба бесплатно за да ѝ се заблагодари за успешната сезона во барот.
Целата работа била откриена кога партнерот на девојката, кој работи електроника, видел уред на штекер во собата и сфатил дека се работи за скриена камера. Уредот, кој парот ѝ го кажал на полицијата, бил вклучен и постојано ги снимал сликата и звукот од нивните движења.
Излегле од собата и со скриената камера што ја нашле отишле во полициската станица во Солун и пријавиле сè.
Досега се јавија неколку лица, кои се сомневаат дека се снимени во своите соби, а се верува дека ќе ги има уште.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) „Немаме претензии кон Грција“ – Рама на собир со дијаспората во Атина откако доби дозвола од Мицотакис
Албанскиот премиер Еди Рама е во Грција, каде на собир одржан во Атина рече дека односите меѓу двете земји не можат „да се удават во лажица вода што ја носи секојдневната политика“, и дека Албанија нема претензии кон Грција.
Рама претходно доби дозвола од грчките власти за да одржи собир со албанските граѓани. Грчката опозиција се спротивстави на посетата на албанскиот премиер, но Рама на крајот доби дозвола од премиерот Киријакос Мицотакис кој искоментира дека посетата е непотребна, пишува „Еуроњуз“.
„Мислам дека темата доби малку повеќе публицитет отколку што навистина заслужува. Ако ме прашувате дали времето на оваа посета, неколку недели пред европските избори и со отворените прашања за грчкото национално малцинство во Албанија, е вистинскиот, ќе ви кажам дека не е баш најсоодветното време. Но, како и да е, да не му даваме и поголема важност“, рече Мицотакис.
Рама на средбата со Албанците во Атина истакна дека тие станале гордост на Албанија во тој дел од Европа.
„Вие сте најголемиот, најсилниот, најубавиот доказ за оваа поврзаност со милиони нераскинливи нишки на два народа“, рече Рама.
Тој изјави дека на грчките граѓани во Албанија не им е ускратено правото да гласаат поради нивното етничко потекло.
„Ниту еден ваш проблем не се разликува од било кој проблем на граѓаните на Албанија. Во ниту еден случај албанската држава на етничките Грци не им го ускрати правото на вера, јазик или имот. Никогаш не им беше ускратено правото на глас поради нивното потекло“, продолжи тој.
Рама истакна дека политиката мора да знае дека судбините на Албанија и Грција се неразделни. Тој ги повика Грците да дојдат во Албанија не само на одмор, туку и да инвестираат.
„Грците беа, се и ќе бидат добредојдени во Албанија не само да се одморат туку и да работат, да отвораат продавници, да основаат фирми, да отвораат инвестициски линии за да имаат корист од многу помал даночен режим отколку во Грција. Албанија е толку добредојдена за Грците што не им прави никакви проблеми“, рече Рама.
Тој додаде дека Албанија нема претензии кон Грција.
„Албанија нема претензии кон Грција, освен меѓусебно почитување, взаемна грижа за сонародниците кои живеат во нашите две земји, меѓусебни односи на пријателство и добрососедство. И не само тоа, Албанија ја гледа Грција како природен стратешки партнер, било за прашања кои треба да се решат меѓу нас или за големите предизвици на оваа нова ера, можности, но и закани за Балканот, Европа и демократскиот свет. Ги гледаме како причина да се зближиме и подобро да се запознаеме“, рече Рама и најави дека ќе се формира Албанско-грчка стопанска комора.
Регион
Чамец со туристи потона во Бледското езеро во Словенија
На езерото Блед во Словенија, кое секоја година го посетуваат голем број посетители од просторот на поранешна Југославија и околните земји, вчера за малку ќе се случеше трагедија кога, според словенечките медиуми, потона чамец со четворица туристи.
За среќа, тие биле спасени од смрт со брзата реакција на пожарникарите и нуркачите.
„Во 11 часот и 20 минути потона туристички чамец со четворица туристи на Бледското езеро кај вилата Златорог во Блед“, соопшти полицијата на Горење, а јави познатиот словенечки портал siol.net.
Регион
„Ќе поведеме соодветни мерки“ – српското министерство за смртта на осомничениот за убиството на малата Данка
Министерството за внатрешни работи на Србија се огласи за наводите повзарни со смртта на осомничениот во случајот со убиството на малата Данка, а во објавеното соопштение наведуваат како полицајците се однесувале кон него.
„Припадниците на Министерството за внатрешни работи, Сектор за внатрешна контрола, по наредба на Вишото јавно обвинителство прибираат информации и ги утврдуваат фактите и околностите под кои во Полициската управа во Бор почина Д.Д. осомничен во случајот со убиството на малата Данка. Полициските службеници за време на постапката, постапуваат во целосност и во согласност со законите и своите овластувања“, се наведува во соопштението.
Тие исто така забележуваат дека секој што придонел за смртта на осомничениот ќе биде кривично гонет.
„Доколку се утврди дека имало злоупотреби и пречекорувања на овластувањата при постапување со починатиот Д.Д., Секторот за внатрешна контрола ќе поведе соодветни законски мерки против лицата кои го прекршиле законот и полициската етика, а за тоа јавноста ќе биде информирана навремено“, се додава.
Осомничениот Далибор Драгијевиќ (40) од Бор, кому му беше одреден притвор до 48 часа поради сомнение дека му помагал на Дејан Драгијевиќ (50), осомничен за тешкото убиство на двегодишната Данка Илиќ по криминал, почина на 7 април во Полициското одделение во Бор.
Според официјалното полициско соопштение, Далибор починал во притвор како последица на срцев удар.
Далибор Драгијевиќ беше уапсен на 6 април, заедно со неговиот татко Радослав, под сомнение дека му помагале на својот брат Дејан да го премести телото на убиената Данка Илиќ.
Далибор пред смртта признал дека му помогнал на својот брат Дејан да се ослободи од телото на Данка Илиќ. Тој ја водеше полицијата на неколку локации, но телото на Данка Илиќ не беше пронајдено на ниту една од нив.
Ненадејната смрт на братот на убиецот може да влијае на истрагата, бидејќи тој беше еден од трите клучни луѓе кои можеа да и помогнат на полицијата во потрагата по телото на Данка.