Регион
Словенија со алармантно предупредување до граѓаните: „Доаѓа еден од најсилните циклони, заслонете се со време“

„Доаѓа еден од најсилните циклони во последните десет години, засолнете се на време, не’ чекаат есенски поплави, ги отворивме училиштата за сите оние кои не се чувствуваат безбедно дома“. Вака гласи една од алармантните пораки што претставници на Агенцијата за животна средина и цивилната заштита на Словенија ги испратија до своите граѓани.
Поради невремето кое се приближува од Алпите во Словенија, се вклучија црвените метео аларми. Се очекуваат обилни врнежи, силни налети на ветер и излевање на реките.
ICON model contains significant #weather #wetter of type “#Storm” with wind gusts of more than 90 km/h near #Ljubljana (#Slovenia) for this evening given in local time. The ICON forecast data predicts wind gusts with 132.84 km/h for 02.11.23 – 21:00 UTC. pic.twitter.com/4c4IiHXep3
— ASKMeteo (@ASKMeteo) November 2, 2023
Државниот хидрометеоролошки завод на Хрватска за денеска во попладневните часови прогласи црвен аларм за три хрватски региони – Риека, Книн и Сплит, додека за остатокот од земјата е на сила портокалово метео предупредување. Се најавува дека Хрватска ќе ја зафати бран обилни врнежи, нивото на водата ќе се покачи, а има и предупредувања за поплави. Државниот хидрометеоролошки завод ги предупреди граѓаните да избегнуваат патувања кои не се исклучително важни.
Поплавите се првенствено резултат на зголемената урбанизација на градовите и недостатокот на водопропустливи површини. Поради ова, градските канализациски мрежи не можат да „проголтаат“ големо количество врнежи што паѓаат за кратко време, пишува „Јутарњи“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Намамил Црногорци дека ќе ги лекува и им зел 50.000 евра

Во голема полициска акција спроведена од Министерствата за внатрешни работи на Сараевскиот и Тузланскиот кантон, со поддршка на Агенцијата за разузнавање и безбедност на Босна и Херцеговина, беше уапсен 39-годишниот М.Х., осомничен за тешка кражба на околу 50.000 евра.
Според информациите од истрагата, М.Х. на 19 април 2025 година, во близина на Железничката станица во Сараево, украл пари од двајца државјани на Црна Гора. Осомничениот, познат како склон кон насилство и криминал, ги измамил жртвите така што им ветил дека ќе им помогне со алтернативни методи на лекување.
Под изговор дека ќе ги реши нивните здравствени проблеми, тој ги намамил на средба во Сараево, каде што им ги одзел парите.
По налог на обвинителството, полицијата извршила претрес на возилото, куќата и другите објекти што ги користел осомничениот во Лукавац, каде што бил и уапсен. При претресот биле пронајдени 20.500 евра, дел од украдените пари, како и „Порше Кајен“ вредно 28.000 евра, за кое постои сомнение дека било купено со присвоените средства.
Возилото е запленето, а М.Х. е пренесен во притвор на Министерството за внатрешни работи на Сараевскиот кантон, каде што против него продолжува кривичната постапка.
Регион
Камион налетал на запрен автомобил, загинаа сестри: тешка сообраќајна несреќа во Загреб

Две лица загинаа, а трето е повредено во тешка сообраќајна несреќа што се случи утрово на обиколницата на Загреб.
Хрватската полиција објави извештај за тешката несреќа во која настрадаа две сестри, а трето лице е повредено.
„Денес во 9 часот наутро, 40-годишен маж управувал камион со загрепски регистарски таблички, а се движел се по автопатот А3 во североисточен правец. При достигнувањето на 39-тиот километар, тој не ја прилагодил брзината на возилото на состојбата и карактеристиките на патот и атмосферските услови за да може навреме да го запре своето возило пред секоја пречка што можел да ја предвиди во специфичните услови.
Во таа прилика, предниот дел од возилото се судрил со задниот дел од патничко возило со дубровнички регистарски таблички управувано од 67-годишна жена, која се движела по десната лента од горенаведениот коловоз во правец североисток, и во моментот на судирот била запрена на горенаведената лента.
Како резултат на судирот, патничкото возило со дубровнички регистарски таблички било фрлено надесно, а неговиот преден дел се судрил со предниот дел од патничко возило со загрепски регистарски таблички управувано од 62-годишен маж, кој се движел по десната лента на автопатот А3 во правец североисток.
Во сообраќајната несреќа загинаа 67-годишниот возач на патничко возило со дубровнички регистарски таблички и 65-годишна сопатничка од возилото, додека 56-годишната сопатничка од истото возило е тешко повредена и ѝ е укажана лекарска помош во Клиничката болница Дубрава“, соопшти Полициската управа во Загреб.
Регион
(Видео) Еколошка катастрофа – нафта истече во Јадранското Море

Големи количини гориво истекоа во Јадранското Море на островот Хвар во Хрватска. Неофицијално, инцидентот се случил кога пукнал резервоар на танк на бензинската пумпа ИНА, објави „Далмација данас“.
Полицијата е на терен и се истражува како се случил инцидентот.
„Утрово, околу 9.30 часот, е примена информација дека во градот Хвар, заливот Крижна Лука, имало загадување со нафта во морето. Припадници на Полициската станица Хвар и Поморската полициска станица, пожарникари, Хрватската крајбрежна стража и припадници на Капетанијата на пристаништата се на местото на настанот. Покрај спроведувањето на постапката за санирање на штетите, ќе се спроведе и постапка за утврдување на сите факти и околности на настанот“, соопшти сплитската полиција.