Регион
Словенија ја заострува политиката кон азилантите, во затворите стотина шверцери на луѓе

Во словенечките затвори има стотина уапсени организатори на илегална миграција, а сегашната влада ќе ја заостри својата политика кон барателите на азил бидејќи тоа најчесто се злоупотребува, објави во понеделникот министерот за внатрешни работи, Алеш Хојс.
Хојс изјави дека досега во Словенија се регистрирани од 10 до 11 илјади нелегални гранични преминувања, но дека по апсењето, само петтина од нив ја изразиле својата намера да побараат азил во Словенија, а 70 проценти од нив го напуштаат домот за азиланти пред да биде завршена постапката.
Според него, тоа значи дека повеќето од нив се одлучуваат повторно да се обидат да се пробијат до крајните посакувани дестинации на северот или западот на Европа, а не да бараат азил во Словенија.
Бидејќи ова прашање не е решено со новиот предлог на пакетот за миграција на Европската комисија, Словенија најверојатно ќе им забрани на барателите на азил да го напуштат центарот за азил додека трае постапката, а парламентот набргу ќе донесе одлука за новиот закон за странци, со кој построго ќе се дефинира што е тоа право на азил, наведе, меѓу другото, Хојс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Тројца пациенти од Кочани се примени во болница во Варна

Тројца повредени во пожарот во Кочани вчера се примени на Клиниката за изгореници при ВМА-Варна, јави Бгнес.
Тие беа пренесени во Варна со воениот авион Спартан, кој првично слета во Софија, каде што пет пациенти беа сместени во болницата Пирогов.
Бугарија се обврза на лекување на 14 повредени во пожарот во Кочани.
Во пожарот што избувна во дискотека во Кочани животот го загубија 59 лица.
Регион
Авион на српската армија со 12 повредени во пожарот во Кочани пристигна во Белград

Дванаесет пациенти повредени во пожарот во дискотека во Кочани вчера вечер се пренесени од Македонија во Белград со авион CASA C-295 на српската армија, кои ќе бидат згрижени во Воената медицинска академија и во Клиничкиот центар на Србија, јави Танјуг.
Претходно, авион со четворица лекари и четворица медицински техничари полета за Македонија за медицинска евакуација на повредените во несреќата. Двајца пациенти кои претходно биле пренесени од Македонија со воени амбулантни возила се на лекување во Воената болница Ниш и Клиничкиот центар Ниш. За да им се пружи помош на повредените, планирано е двајца лекари од ВМА (пластичен хирург и анестезиолог) и еден медицински техничар – инструмент-оператор да останат во Македонија, пренесе српски Телеграф.
Најмалку 59 лица загинаа во пожарот што избувна ноќта меѓу саботата и неделата во дискотеката „Пулс“ во Кочани.
Регион
Новак Ѓоковиќ го објави македонското знаме со црна панделка

По големата трагедија се случи во Кочани, Македонија, каде што најмалку 59 лица го загубија животот по пожар во дискотека се огласи и српскиот тенисер Новак Ѓоковиќ.
Тој на социјалните мрежи го објави знамето на Македонија со црна позадина, испраќајќи поддршка до семејствата на загинатите и повредените.