Регион
Смртта на гардистот е ликвидација извршена од мафијата, тврди албанската опозиција
Насилната смрт на Шкелзен Ќордја, возач на министерот за внатрешни работи, Фатмир Џафај не е самоубиство, туку е ликвидација извршена од мафијата, тврди албанската опозиција. Потпретседателот на опозициската Демократска партија, Едмонд Спахо вели дека државата сака да го заташка убиството на возачот, но премиерот Еди Рама ги отфрла обвинувањата од опозицијата.
„Трагичниот настан со шоферот на министерот за внатрешни работи е мафијашко убиство. Не е сценарио за фантазија, како што тоа сака да го продаде главниот обвинител Еди Рама. Овие пет години на власт, Еди Рама го негираше секој скандал кој го вмеша него и неговата влада во злосторство. Рама го нарече сценарио од фантазија и превозот на дрога со авион“, изјави Едмонд Спахо.
Според албанскиот премиер Еди рама, „за бруталниот притисок врз момчето кое почина, неговата вмешаност во сценарија за нанесување удар кон министерот за внатрешни работи и владата, навистина не постојат зборови за да се коментира“.
„Ова е подмолно, срамно и уште еден пример за неверојатна и вештачка политичка дебата“, изјави Рама.
Неколкумина припадници на Гардата во Албанија вчера беа приведени поради убиството на возачот на албанскиот министер за внатрешни работи Фармир Џафај. Гардистот Шкелзен Ќордја ( 31 ) бил пронајден мртов во службениот автомобил во дворот на гардата на Република Албанија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Директорката откри како полуматурантите го запалиле училиштето во Црна Гора
Матурската прослава на деветоодделенците од основното училиште „Владо Милиќ“ во Доња Горица денеска тргна наопаку кога децата ја запалија училишната зграда додека палеле факел. Во пожарот за среќа нема повредени.
Директорката на училиштето „Владо Милиќ“ Ивана Милиќ за црногорските медиуми изјави дека освен големата штета која допрва треба да се утврдува, во пожарот во училиштето нема повредени.
„Штетата допрва ќе се утврдува“, кратко прокоментира Милиќ за „Вијести“.
Таа за новинарите пред училиштето изјави дека инцидентот се случил околу десет часот.
View this post on Instagram
„Во палењето на факелот учествуваа сите ученици од деветто одделение“, рече Милиќ, коментирајќи ги причините за избувнувањето на пожарот.
Како што може да се види на неколку видеа кои кружат на социјалните мрежи, децата панично бегале што подалеку од училиштето додека пламените јазици го зафатиле покривот на образовната институција. Според видеото, најисплашени биле учениците од пониските одделенија кои при евакуацијата со неверување гледале во чадот кој се протегал на неколку метри до небото.
Вршителот на должноста командант на Службата за заштита и спасување Подгорица Здравко Блечиќ за новинарите изјави дека на местото на настанот излегле пет екипи со 15 пожарникари.
„Огнот зафатил дел од покривот и површина од 40 до 50 метри квадратни. Пожарникарите имаа проблеми со приближувањето и пристапот до овој дел од училиштето, но со помош на чуварот кој беше многу брз, успеаја“, кажа Блечиќ.
Тој рече дека штетите во училиштето се големи.
„Влагата и употребената вода може да предизвикаат штети и во училниците. Очекуваме пожарот целосно да биде изгаснат за околу 15 минути“, рече Блечиќ.
Регион
Томислав Николиќ имаше сообраќајна несреќа
Томислав Николиќ, поранешен претседател на Србија и директор на Националниот совет за координација со Руската Федерација и Народна Република Кина, утрово доживеа сообраќајна несреќа.
Несреќата се случила утрово околу 9.15 часот, а Николиќ бил во службеното возило „ауди А8“, пренесува српски „Курир“.
Автомобилот го управувал возачот на Николиќ. Во несреќата нема повредени.
Регион
(Видео) Полуматуранти од Црна Гора го запалија училиштето
Полуматуранти од основното училиште во Долна Горица, Црна Гора, наводно го запалиле училиштето за време на матурската прослава.
На страницата на „Инстаграм“, „Подгорички времеплов“, е објавено видео од пожарот, каде што е наведено дека тој бил предизвикан од факел.
„Полуматурантите со факел го прославија крајот на школувањето, а потоа го запалија училиштето во Долна Горица“, се наведува.
View this post on Instagram
Како што можете да видите на видеото, чадот е висок неколку метри и го зафатил самиот покрив на основното училиште „Владо Милиќ“ во Долна Горица.
Поради употреба на пиротехнички средства, училиштето било опожарено, а учениците се евакуирани поради пожарот, пишува порталот „Антена“.