Регион
Студентот кој го преживеа страшниот судир меѓу возови во Грција сè уште е во кома – беше најден жив помеѓу 57 мртви

Помина една година од страшниот судир на патнички и товарен воз во близина на Лариса, Грција.
Невидената несреќа однесе дури 57 животи, а меѓу телата беше пронајден и млад човек, кој преживеа. Герасимо Јасонас Георгиадис, студент од Волос, беше единствениот преживеан од првиот вагон на патничкиот воз, но и една година по несреќата тој сè уште е во кома.
„Сè уште не можам да се соочам со сликата на тие два вагона“, вели неговата мајка, пишува „Прототема“.
Мајката не губи надеж и секогаш е покрај синот.
„Една година храбро се бори за живот“, вели жената и додава дека лекарите на одделението за интензивна нега на Општата болница во Лариса станале како дел од нивното семејство.
По судирот, Герасимо излетал од вагонот и се здобил со сериозни повреди на главата, па неговата состојба се уште се наведува како критична.
„Герасимос води титанска битка. Сепак, се е клучно, не ми текнува ништо друго освен да бидам до него. Развојот на неговата состојба е непредвидлив. Герасимо имаше две операции. Прогнозата е лоша. Покрај мојата љубов, имам само надеж и верба да му дадам. Верувам во него бидејќи доби многу битки. Од се срце им благодарам на луѓето кои се молат за моето дете“, рекла мајката.
Семејствата на жртвите присуствуваа на комеморацијата на местото на трагедијата во неделата.
„Наша одговорност е да се потсетиме на 57-те души и да го почитуваме тој помен. Денес е тежок ден. Почести го заспаниот со тишина и молитва. Не го третирајте со врева. Загинатите не треба да останат само спомен на несреќата“, рече митрополитот Хиероним.
Истрагата не е завршена и се уште не се познати точните околности под кои се случи судирот на патнички воз и товарен воз на 28 февруари 2023 година, кој однесе голем број животи.
Според објавените информации, се чини дека до несреќата дошло поради погрешно ракување на шефот на станицата во Лариса, кој на делницата Лариса – Евангелизам го насочил патничкиот воз на пругата на која бил и товарниот воз.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.