Регион
Таен центар на УДБА во познат словенечки хотел: „Слушнав звуци, рецепционерот ме уверуваше дека нема никој“
Во хотелот „Јама“ во Словенија, при реновирањето на објектот во 2016 година, пронајдени биле тајни соби кои служеле како центар за комуникација на тогашната тајна полиција УДБА. Шпионите влегувале во нивниот таен комуникациски центар сместен во една од собите на приземјето на овој словенечки хотел, кој бил еден од најпосетуваните во земјата за време на Југославија. Јосип Броз Тито често престојувал таму со сопругата, пишува хрватскиот весник „Јутарњи лист“.
Во хотелот Јама во Словенија, Јосип Броз Тито беше домаќин на многу државници, како што е иранскиот шах Реза Пахлави, чија фотографија сè уште е изложена во ходникот на овој угостителски објект. И додека се забавувале во тогашниот луксузен хотел, покрај нив се одвивал сосема поинаков живот на чело со организацијата на УДБА, типичен за периодот на Студената војна. Постојна, се чинело како вистинска локација за шпионски активности бидејќи се наоѓала недалеку од границата со Западна Европа. Очигледно, во тоа време, под површината се случувале многу работи.
Денес овие соби се отворени за јавноста и може да се посетат со аудио водич, но и на обиколка со вистински водич. Туристичката тура е наменета за лица над 15 години и трае околу час и половина. Тајните соби, како што ги нарекуваат денес, биле откриени сосема случајно при реновирањето на хотелот, кој го купил претприемачот Марјан Батагељ.
Откако ги реновирале сите соби, им останало приземјето, каде и денес се наоѓаат сервисните површини. Имало челична врата која била заклучена и никој не знаел што има зад неа. Биле пронајдени четири простории за прислушување. Тие се наоѓале веднаш до пералната и содржеле уреди за слушање, цивилни и воени телефонски централи и соба за одмор со кревети.
По целата висина на хотелот имало и простор без врати и прозорци. Очигледно се користел за водење на огромни кабли. Некои соби биле опремени и со озвучување, а сите во тоа време веќе имале телефони. Се наведува и дека порано имало антена на покривот на хотелот. Имало неколку излези од просторот. Откритието било шокантно за сите.
Батагељ верува дека шпионските соби најверојатно биле изградени во 1969 година и биле дел од поширок систем. Тие поминале долго време во потрага по оригиналните дизајни на хотелот и на крајот ги нашле. Собите биле планирани веднаш до пералната, за да бидат што подалеку од вработените и гостите. Недостатокот на влажност во просториите создал идеални услови за поставување чувствителна опрема. Низ целата опрема имало дебел слој прашина, што значело дека веќе подолго време никој не бил во просториите. Денес таму може да се види оригинален мебел од тоа време, како и бројни парчиња опрема.
И тогаш почнаа гласини за тоа кој од поранешните функционери знаел. Никој не сакал да зборува за тоа. Можеби луѓето се уште стравувале да признаат нешто после толку многу години. Впрочем, тоа било местото каде што Удба биле стационирани. Можеби и сите вработени во хотелот биле шпиони? Или можеби само некои знаеле? И денес, многу луѓе се прашуваат. Поранешниот директор на хотелот, кој заминал во пензија, сигурно знаел за тајните соби, но никој од постарите вработени во хотелот не сакал да им го каже тоа на новинарите на „Јутарњи лист“ кои го посетиле хотелот „Јама“. Дури и денес, многу луѓе не сакаат да зборуваат за тоа, иако поранешниот шпионски центар оттогаш стана популарна туристичка атракција што секој може да ја посети. Неверојатно е како таков простор толку долго останал тајна по распадот на Југославија, а се наоѓал во еден од најпознатите хотели во Словенија.
Една од туристите која престојувала во хотелот „Јама“ на новинарите од „Јутарњи лист“ им раскажала за своето искуство кога почувствувала дека нешто не е во ред во тој хотел.
„Откако ја посетив познатата пештера во овој крај, отидов да спијам во хотелот Јама, во близина. Додека одев по ходникот, слушнав звук. Но, јас на почетокот не реагирав“, вели жената која сакаше да остане анонимна.
„Повторно се повтори. Се прашував што се случува толку доцна. Излегов од собата, но немаше ништо. Се вратив во кревет за да се вратам на спиење, но повторно слушнав некоја врева, како некој постојано да влегува и излегува од собата до мојата. Веќе почнав да се прашувам дали слушам духови, што се случува… На рецепција ми рекоа дека се е во ред, дека во собата до мојата нема гости. Тие беа изненадени што слушам бучава. Едвај заспав. Вториот ден, кога излегував од хотелот, сè уште чувствував чудно чувство. Години подоцна открив зошто“, раскажала жената.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Исчезна 14-годишна тинејџерка во Загреб, мајката моли за помош
Четиринаесетгодишно девојче од Загреб е исчезнато од вчера вечер. Според нејзината мајка, таа последен пат била видена во близина на училишното игралиште во населбата Травно околу 20 часот синоќа. Оттогаш нејзиниот мобилен телефон е исклучен.
Веб-страницата nestali.hr објави дека тинејџерката исчезнала вчера и дека последен пат била видена на улицата Ивана Шибла.
Ванеса е родена во 2011 година, е хрватска државјанка и живее во Загреб. Висока е 165 сантиметри, има кафеава коса и кафени очи.
Облеката што ја носела во моментот на нејзиното исчезнување не е наведена.
Хрватската полиција ги замолува сите граѓани кои имаат какви било информации за исчезнатото девојче или ја виделе веднаш да го пријават тоа во најблиската полициска станица или да се јават на телефон. Информации може да се достават и преку веб-страницата nestali.gov.hr.
Регион
(Видео) Се шири снимка од пожарот во облакодерот „Вјесник“: се гледаат пламени и светла во движење
Полицијата во Загреб утрово објави дека уапсила едно младо лице во врска со пожарот што избувна во зградата на „Вјесник“.
Тие потврдија дека во досегашната истрага се опфатени неколку млади луѓе.
„Едно лице е уапсено и против него се води кривична истрага“, објавија тие. Додадоа дека, штом околностите дозволат, јавноста ќе добие повеќе информации.
„Водени првенствено од интересот за ефикасна кривична истрага, штом околностите дозволат, ќе доставиме дополнителни информации до јавноста.“
Снимка направена во близина на облакодер се шири на социјалните мрежи, на која се гледаат светилки што се движат на горните катови.
Пламените се јасно видливи и на самиот врв. Не е јасно кога точно се случило, ниту дали станува збор за пожарникари кои веќе биле на местото на настанот или за група млади луѓе кои ги истражува полицијата за пожарот.
Како што неофицијално дознава „Јутарњи“, малолетно лице контактирало со полицијата и рекло дека критичната вечер било со група помлади луѓе во зградата „Вјесник“.
Лицето рекло дека сакале да се искачат на врвот од облакодерот, но на горните катови наишле на заклучена врата и не можеле да продолжат понатаму. Во еден момент, еден од младите мажи во групата почнал да пали картонски кутии, а пожарот брзо се проширил, според „Јутарњи“.
Потоа, наводно лицето им кажало на полицајците, дека сите избегале и ја напуштиле зградата „Вјесник“. Станува збор претежно за малолетници на возраст од околу 16 и 17 години кои наводно живеат во близина на „Вјесник“.
Полицијата продолжува со истрагата.
фото: принтскрин
Регион
Наградите за иновации „Пеперутка“ ги слават напредните идеи од целиот Западен Балкан
Регионалниот совет за соработка (RCC) синоќа ги додели победниците на четвртите Пеперутка награди за иновации, на церемонија одржана во Нови Сад, славејќи ги најоригиналните, највлијателните и најпрогресивните идеи од целиот Западен Балкан.
Во отворањето на церемонијата, генералниот секретар на RCC, Амер Капетановиќ, потенцираше дека иновацијата не е само технологија, туку имагинација, храброст и способност да се види светот каков што може да биде. „Иновацијата ги трансформира заедниците, индустриите и нашите животи. Секој чин на иновација, голем или мал, нè носи поблиску до подобро утре“, рече Капетановиќ, додавајќи дека речиси 600 апликации биле поднесени од почетокот на наградата пред четири години, од кои повеќе од 130 само оваа година. Тој истакна дека квалитетот на пријавите постојано расте, со многу идеи засновани на академски истражувања и социјално влијание, опишувајќи ја овогодишната група како „креативна, амбициозна и подготвена да ја обликува иднината на регионот“.
За да се обезбедат фер услови и неутралност, сите членови на жирито доаѓаат вон регионот.
Овогодишните победници беа објавени во шест категории, со прпознатлива извонредност во STEM, младински иновации, индустрија, зелени решенија, универзитетски иновации и претприемништво водено од жени.
Победници на 4. Пеперутка награди за иновации
Star Campers – победник во категоријата STEM
Структурирана астро-туристичка иницијатива што комбинира кампување, астрономија и еко-едукација. Го поттикнува руралниот развој, ги вклучува младите и промовира одржлив туризам, подигајќи ја свеста за заштита на темното небо.
PM2.5 TRAP – победник во категоријата Млади
Достапен, лесно приспособлив филтер за чист воздух за куќни оџаци, кој ги намалува PM2.5 емисиите до 98%. Лесен за инсталација и евтин, им овозможува на семејствата директно да го намалат штетното загадување на воздухот.
EcoTie (TechTie3D) – победник во категоријата Индустрија
Сервис за брз прототипинг и 3Д-печатење што испорачал повеќе од 300 функционални прототипи на стотици клиенти. Интегрирајќи рециклирање на пластика, ја поддржува циркуларната економија и ја намалува зависноста од увоз.
Soil Rebirth – победник во категоријата Зелени решенија
Го трансформира индустрискиот отпад во брикети за почва кои се активираат со вода и овозможуваат долгорочно озеленување. Покрива до трипати поголема површина од традиционалната почва, а решението е нискобуџетно, отпорно на климатски промени и циркуларно по дизајн.
Д-р Моника Стојанова – победник во категоријата Универзитет
Јогурт од бадем на база на нуспроизводи од храна, зелена екстракција и прецизна ферментација заснована на вештачка интелигенција. Одржлив, нутритивен и насочен кон намалување на отпадот, одговара на растечката побарувачка за еко-одговорни функционални продукти.
OsnaŽene – победник во категоријата Жени
Дигитална платформа за жени претприемачки која нуди бесплатни микро-веб страници и пристап до регионален онлајн пазар. Ја зголемува нивната видливост, дигиталните вештини и бизнис можностите.
За наградата
Отпочната во 2022 година, Пеперутка наградата за иновации на RCC ги слави поединците и тимовите чиишто идеи придонесуваат за позелен, попаметен и поконкурентен Западен Балкан. Во изминатите четири години, наградата прерасна во регионална иновациска платформа поддржана од надворешни оценувачи, академски партнери и пошироката иновациска агенда на RCC. Наградата е финансирана од Европската Унија.
Коцевски: Приведени десетина лица од УЈП, се вршат претреси на повеќе локации
Во рамки на предистражна постапка што се води за лица вработени во УЈП и поврзани со дискотеката „Пулс“ во Кочани,...
Приведен поранешен раководител на УЈП во акција поврзана со дискотеката „Пулс“
Во полициска акција приведен е поранешен раководител на подружница на УЈП, а опфатени се повеќе службеници и вработени, во рамки...
Одрони, зголемен водостој на реките, расчистување на наносите: поради обилните дождови, интервенирано на повеќе локации во државата, соопшти ЦУК
Во изминатото деноноќие, поради обилните врнежи, екипите на Регионалните центри за управување со кризи интервенирале на повеќе критични локации низ...
Нема промени во делот на наплатата на ДДВ при приемот на пратки од „Тему“ со измените на Законот за ДДВ, извести Минстерството за финасии
Министерството за финансии информира дека усвоените измени и дополнувања на Законот за ДДВ нема да влијаат на начинот на кој...
(Видео) Николоски: Автопатот Прилеп – Битола го градиме со силна динамика
Автопатот Прилеп – Битола се гради со силна динамика и до 2028 година ќе го изградиме, напиша вицепремиерот Александар Николоски...
Полска го крена нивото на тревога; Министерот за надворешни: Ова не е саботажа, туку тероризам
Полска сè повеќе станува цел на напади. По саботажата на стратешки важна железничка рута, министерот за надворешни работи Радослав Сикорски...
(Видео) „Јорданов се пишмани – Општина Штип ќе го продаде ‘Дино паркот’ од 800.000 евра на приватен бизнисмен“, велат од партијата Левица
„Штипскиот Дино парк да падне во рацете на приватен бизнисмен преку јавно – приватно партнерство, односно да се издава под...
Сопругот на убиената Србинка во САД призна дека го распарчил нејзиното тело
Брајан Волш, маж од Масачусетс на судењето за убиството на неговата сопруга Ана, родена во Србија, во 2023 година, оваа...
(Видео) Читач од усни открива што рекол Илон Маск за саудискиот принц на гала-вечерата: Трамп ќе полуди
Илон Маск, кој драматично ги влоши односите со Доналд Трамп пред шест месеци, сега се чини дека е повторно во...
Мамдани оди кај Трамп во Белата куќа
Американскиот претседател Доналд Трамп потврди дека ќе се сретне со новоизбраниот градоначалник на Њујорк, Зохран Мамдани, во Белата куќа овој...
Песков: Разговор меѓу Путин и Трамп може да се организира во секое време
Телефонски разговор меѓу рускиот претседател Владимир Путин и неговиот американски колега Доналд Трамп може да се организира во секое време,...
(Видео) Индонезиските власти евакуираа повеќе од 900 луѓе по ерупцијата на вулканот Семеру
Индонезиските власти евакуираа повеќе од 900 луѓе и им помогнаа на 170 алпинисти кои беа заглавени по ерупцијата на вулканот...
Трамп потпиша закон со кој се овластува отворање на досиејата на Џефри Епштајн
Американскиот претседател Доналд Трамп вчера изјави дека потпишал закон со кој се овластува објавување на досиејата на Џефри Епштајн. Материјалите...
(Видео) Израелски војници се истепаа во база, снимката стана вирална
Тепачка избувна меѓу израелски војници во воена база во северен Израел, објавија локалните медиуми. Видео што кружи на интернет ги...
(Видео) „Ги чекаме децата да се појават и да кажат ‘Каде си ма мајче?’“ – мајките на загинатите во „Пулс“ дојдоа на судењето, лути се на бранителите на обвинетите
Со гнев, тага и болка почна судењето за трагедијата во кочанската дискотека „Пулс“, каде животите ги загубија 63 млади луѓе....
Пропустите кај овој човек се шокантни, со докази ќе покажеме што сѐ бил спремен да направи за профит, рече обвинителот за сопственикот на дискотеката
По повеќе од четири часа евиденција на сите присутни, попладнево почна судењето за пожарот во кочанската дискотека „Пулс“ со 63...
(Фото) Пожарникарите спасија лица заглавени во автомобил по излевањето на Пчиња
Пожарникарите спасија лица заглавени во автомобил по излевањето на Пчиња кај бањата „Стрновац“ во општина Старо Нагоричане. „На 19.11.2025 година,...
(Видео) Со која свест и со кое лице адвокатите на обвинетите за пожарот во „Пулс“ ќе се ситат и ќе земаат крвави пари, прашува таткото на загинатиот Андреј Стојанов
„Јас сум родител на едно од трагично убиените деца“, изјави таткото на Андреј Стојанов, едно од загинатите момчиња во пожарот...
Кривична против инвеститорот и четири лица од Општина Струга: со несовесно извршување на службената должност придонеле да биде оштетена спомен-куќата музеј „Владо Малески“
ОВР Струга поднесе кривична пријава против Н. К. (53) од струшкото село Велешта поради постоење основи на сомнение за сторено...
(Фото) Општината ќе го исчисти просторот кај поранешен „Мекдоналд“ во Аеродром и ќе им прати фактура на сопствениците
Општина Аеродром почна со чистење на запуштениот простор кај поранешен „Мекдоналдс“ во Аеродром. „Екипите на Јавното претпријатие денеска ја расчистуваат...
