Регион
Уапсен лажен полицаец кој ограбувал на автопатот Ниш – Врање

Српската полиција го уапси В.С. (58) од Врање, поради постоење основано сомнение дека сторил кривични дела разбојништво и недозволено производство, држење, носење и трговија со оружје и експлозивни материјали, пишува „Информер“.
На 27 декември 2020 година во раните утрински часови на автопатот Ниш – Врање, кај селото Превалац, В.С. со патничко возило, користејќи лажни регистарски ознаки и трепкачи, пресретнал и запрел автомобил „ауди“ со странски регистарски ознаки, со кое патувале двајца мажи, државјанин на Северна Македонија, а другиот на Албанија.
В.С. кој, како што се сомнева, бил во маскирна униформа, се претставил како полицаец и со закана со оружје им одзел пари, 10.000 евра и мобилни телефони.
При претрес на семејната куќа на осомничениот, полицијата пронашла автоматска пушка, пиштол, муниција, две бомби, службена легитимација, маскирна униформа, трепкачи и капа фантомка.
По наредба на заменик-обвинител на Основното јавно обвинителство во Врање, осомничениот е приведен во траење до 48 часа и со кривична пријава ќе биде изведен во Обвинителството
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Претседателката на Хашкиот трибунал: Ратко Младиќ добива медицинска нега на високо ниво

Претседателката на Меѓународниот кривичен трибунал во Хаг, Грасиела Гати Сантана, денес пред Советот за безбедност на ОН во Њујорк изјави дека генералот Ратко Младиќ добива медицинска нега на „високо ниво“ во притвор.
Младиќ отслужува доживотна казна затвор за геноцидот во Сребреница и воените злосторства против муслиманите и Хрватите за време на војната во Босна и Херцеговина од 1992 до 1995 година.
Поднесувајќи го својот редовен извештај за работата на Трибуналот, Сантана ги информираше земјите-членки на Советот за безбедност дека одбраната на Младиќ неодамна побарала тој да биде ослободен од хуманитарни причини поради неговата неизлечива болест.
Регион
Син до смрт ја претепал мајка си во Никшиќ: ја удирал жената по главата, нозете и рацете

Службеници на Одделот за безбедност во Никшиќ го уапсиле С.Г. (59) поради сомнение дека ѝ нанел тешки телесни повреди на својата мајка М.Г. во семејниот стан во Никшиќ. (85), како резултат на што таа починала.
– На 10 јуни 2025 година, дежурната полициска служба била известена од персоналот на Општата болница во Никшиќ дека кај нив е донесена жена со повреди на главата. М.Г. веднаш била префрлена во Клиничкиот центар на Црна Гора, каде што починала денес, пренесува Рина“изјава од полицијата.
За случајот веднаш бил известен државниот обвинител на Вишото државно обвинителство во Подгорица, кој наредил да се спроведе истрага во станот каде што живееле заедно мајката и синот.
Полицијата утврдила дека С.Г. ѝ нанел повеќекратни повреди на рацете, нозете и главата на мајката. Лекарите ги окарактеризираа повредите како тешки, опасни по живот.
За новите околности бил информиран надлежниот обвинител, кој утврдил дека овој случај содржи елементи на кривично дело – тешко убиство. С.Г. бил уапсен по наредба на обвинителот.
Обвинителот наредил и обдукција на телото на починатата, која ќе се изврши во текот на денот.
Регион
Ученик од седмо одделение приведен во Србија: донел нож и список за отстрел во училиште

Ученик од основното училиште „Јован Стерија Поповиќ“ во Нов Белград е однесен во полиција на разговор, објави српски Блиц.
Се сомнева дека вчера во училиштето донел список за убивање и нож.
Момчето е испрашувано од полицијата по наредба на Вишото јавно обвинителство во Белград, а се вели дека станува збор за ученик во седмо одделение.
Сите околности на инцидентот сè уште се утврдуваат, а деталите не се познати.