Регион
Ужас во Хрватска: тело на маж пронајдено во автомобил во канал, полицијата соопшти дека била активирана експлозивна направа

Мртов маж утрово бил пронајден во автомобил, кој се наоѓал во каналот покрај патот Будровци-Ѓурѓанци.
-Утрово во 6 часот и 15 минути добивме пријава дека во каналот меѓу Будровац и Ѓурѓанаци има возило. Кога полициските службеници пристигнале на местото на настанот пронашле возило во кое имало мртов маж. На местото на настанот ќе следи увид. Државниот пат е затворен за сообраќај, се наведува во соопштението на ПУ Осиек-Барања, а по спроведената истрага издадоа ново соопштение.
– Во истрагата спроведена од полициски службеници на Полициската управа Осиек-Барања, во соработка со заменик жупанискиот државен обвинител во Осиек и полицискиот службеник за антиексплозивна заштита на Регионалната антиексплозивна единица Осиек, утврдено е дека непознат експлозивен уред бил активиран во возилото. Телото на починатиот е пренесено на обдукција. Продолжува натамошната кривична истрага за да се утврдат сите околности на споменатиот настан, за што по завршување навремено ќе ја информираме јавноста, објави полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Уште еден силен земјотрес ја погоди Грција

Земјотрес со јачина од 4,6 степени според Рихтеровата скала беше регистриран во четврток, 5 јуни, во 07:18 часот во Егејското Море, Грција.
Земјотресот беше регистриран на 30 километри од Мирина.
#Earthquake (#σεισμός) confirmed by seismic data.⚠Preliminary info: M4.6 || 30 km NW of #Mýrina (#Greece) || 3 min ago (local time 08:18:38). Follow the thread for the updates👇 pic.twitter.com/4qdLSErCCL
— EMSC (@LastQuake) June 5, 2025
Хипоцентарот на земјотресот, според Европско-медитеранскиот сеизмолошки центар, се наоѓа на длабочина од приближно 11 километри под површината на земјата.
Засега нема извештаи за материјална штета или повредени, а надлежните служби ја следат ситуацијата.
Регион
Србинка извлечена мртва од морето во Грција, наредена обдукција: детали за ужасот на Халкидик

Седумдесет и тригодишна жена од Србија била извлечена во несвест од морето на полуостровот Касандра во Грција и однесена во болница, каде што била прогласена за мртва, објавија грчките медиуми.
Сè се случило во градот Сивири на Халкидик, популарно одморалиште кај туристите од регионот.
Таа беше извлечена од морето во средата попладне.
Веднаш беше известена Пристанишната управа на Неа Мудања, а 73-годишната жена беше пренесена со амбулантно возило на ЕКАБ во Здравствениот центар во Касандра, каде што беше констатирана смрт.
Вториот оддел на пристаништето Неа Мудања, при Централната пристанишна управа на Солун, која ја спроведува прелиминарната истрага, нареди обдукција во Службата за судска медицина во Солун.
Регион
Тело на Србинка извлечено од морето во Грција

Седумдесет и тригодишна Србинка е пронајдена мртва во морето крај брегот на Касандра, Грција, пренесе српски Телеграф.
Таа е пронајдена во несвест во морето крај брегот на Касандра на Халкидики во среда околу пладне и со брза помош е пренесена во Здравствениот центар во Касандра, каде што е констатирана смрт.
Според информациите, истрагата е во тек, а ќе биде извршена и обдукција, јавува грчката агенција АНА.