Регион
Уметница од Косово ги наслика Вучиќ и Курти како се бакнуваат во уста
Косовската уметница Ермира Мурати ги наслика косовскиот премиер Албин Курти и српскиот претседател Александар Вучиќ како се бакнуваат во уста, а нејзината слика која предизвика бројни реакции, па и закани во Приштина е изложена во галеријата во овој град.
Сликата на Мурати е висока 3 метри и ги прикажува Курти и Вучиќ во прегратка, како се бакнуваат во усните со затворени очи.
„Ја гледам нивната врска како актерска изведба… Ние во Косово и народот во Србија го гледаме истото шоу“, изјави Мурати за „Ројтерс“, претставувајќи ја нејзината слика, на која се прикажани двајцата мажи во црни костуми на светло портокалова позадина.
„И покрај тоа што хаотичните односи меѓу Косово и Србија се многу продлабочени, мислам дека нашата младина го сака мирот повеќе од било што друго“, рече таа.
Илјадници на социјалните мрежи објавија коментари за сликата на Мурати, при што мнозинството користат говор на омраза, а некои дури упатуваат и смртни закани.
„Заслужуваш куршум“, се вели во еден од коментарите.
Мурати, родена една година по завршувањето на војната во 1999 година, е позната по кршењето на табуата со нејзините уметнички дела.
Таа доби закани минатата година кога направи слична слика на која се прикажани двајца мажи облечени во албански традиционални народни носии како се бакнуваат во усните како гест на поддршка за геј заедницата во Косово, каде што силното конзервативно општество сè уште со тешкотија ги прифаќа хомосексуалците, пишува „Ројтерс“.
Мурати рече дека новата слика има чисто политичка порака и дека е навикната да добива закани. Дури и негативните реакции, вели таа, се позитивни бидејќи предизвикуваат дискусија на темата.
„Тоа не ме спречува. Во моментот кога тие реагираат како што прават, тогаш разбирам дека пораката е испратена на вистинското место. За сликата се дебатира“.
„Ројтерс“ потсетува дека Косово прогласи независност од Србија во 2008 година, но Белград никогаш не ја призна државноста на својата поранешна отцепена покраина и сè уште ја смета за дел од својата територија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Директорката откри како полуматурантите го запалиле училиштето во Црна Гора
Матурската прослава на деветоодделенците од основното училиште „Владо Милиќ“ во Доња Горица денеска тргна наопаку кога децата ја запалија училишната зграда додека палеле факел. Во пожарот за среќа нема повредени.
Директорката на училиштето „Владо Милиќ“ Ивана Милиќ за црногорските медиуми изјави дека освен големата штета која допрва треба да се утврдува, во пожарот во училиштето нема повредени.
„Штетата допрва ќе се утврдува“, кратко прокоментира Милиќ за „Вијести“.
Таа за новинарите пред училиштето изјави дека инцидентот се случил околу десет часот.
View this post on Instagram
„Во палењето на факелот учествуваа сите ученици од деветто одделение“, рече Милиќ, коментирајќи ги причините за избувнувањето на пожарот.
Како што може да се види на неколку видеа кои кружат на социјалните мрежи, децата панично бегале што подалеку од училиштето додека пламените јазици го зафатиле покривот на образовната институција. Според видеото, најисплашени биле учениците од пониските одделенија кои при евакуацијата со неверување гледале во чадот кој се протегал на неколку метри до небото.
Вршителот на должноста командант на Службата за заштита и спасување Подгорица Здравко Блечиќ за новинарите изјави дека на местото на настанот излегле пет екипи со 15 пожарникари.
„Огнот зафатил дел од покривот и површина од 40 до 50 метри квадратни. Пожарникарите имаа проблеми со приближувањето и пристапот до овој дел од училиштето, но со помош на чуварот кој беше многу брз, успеаја“, кажа Блечиќ.
Тој рече дека штетите во училиштето се големи.
„Влагата и употребената вода може да предизвикаат штети и во училниците. Очекуваме пожарот целосно да биде изгаснат за околу 15 минути“, рече Блечиќ.
Регион
Томислав Николиќ имаше сообраќајна несреќа
Томислав Николиќ, поранешен претседател на Србија и директор на Националниот совет за координација со Руската Федерација и Народна Република Кина, утрово доживеа сообраќајна несреќа.
Несреќата се случила утрово околу 9.15 часот, а Николиќ бил во службеното возило „ауди А8“, пренесува српски „Курир“.
Автомобилот го управувал возачот на Николиќ. Во несреќата нема повредени.
Регион
(Видео) Полуматуранти од Црна Гора го запалија училиштето
Полуматуранти од основното училиште во Долна Горица, Црна Гора, наводно го запалиле училиштето за време на матурската прослава.
На страницата на „Инстаграм“, „Подгорички времеплов“, е објавено видео од пожарот, каде што е наведено дека тој бил предизвикан од факел.
„Полуматурантите со факел го прославија крајот на школувањето, а потоа го запалија училиштето во Долна Горица“, се наведува.
View this post on Instagram
Како што можете да видите на видеото, чадот е висок неколку метри и го зафатил самиот покрив на основното училиште „Владо Милиќ“ во Долна Горица.
Поради употреба на пиротехнички средства, училиштето било опожарено, а учениците се евакуирани поради пожарот, пишува порталот „Антена“.