Регион
(Фото+видео) Град со големина на лешник направи огромни штети во Србија, невреме зафати и делови од Македонија
![](https://makfax.com.mk/wp-content/uploads/2024/07/Screenshot-2024-07-20-184740.jpg)
Силно невреме пропратено со силен дожд и град попладне зафати делови од општина Горњи Милановац, а најмногу селата на падините на Сувобор и Рајац, во соседна Србија.
Градот со големина на лешник нанесе најголеми штети на земјоделските култури, додека нивото на реката Чемерница драстично порасна поради обилните врнежи од дожд.
„Реката Чемерница толку многу се покачи што нејзиното ниво порасна за повеќе од еден метар“, изјави за Танјуг Јован Николиќ од Коштуниќ.
Невремето не ја заобиколи ниту Македонија. Во одредени делови од нашата земја веќе има интензивни врнежи од дожд.
Според УХМР, поизразена нестабилност има во регионот на Велес. Од неа има појава на пороен дожд и грмежи и краткотрајно услови за појава на град.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Бора Ѓорѓевиќ ќе биде испратен со својот голем хит
![](https://makfax.com.mk/wp-content/uploads/2024/08/bora-corba.jpg)
Ковчегот со телото на починатиот музичар Бора Ѓорѓевиќ денеска, 5 септември, во вечерните часови треба да пристигне во Чачак.
Телото ќе биде сместено во капелата на Општата болница Чачак до погребот кој е закажан за в сабота.
Комеморацијата ќе се одржи во големата сала на Центарот за култура Чачак лоцирана на плоштадот Народно востание во 11 часот.
Погребот ќе се изврши во 14 часот и 30 минути.
– Знаеме дека на последниот пат ќе го испратат голем број луѓе, од неговите обожаватели до нашите најпознати музичари, неговите пријатели – изјави градоначалникот на Чачак, Милун Тодоровиќ.
Како што неофицијално дознаваат српските медиуми, важна улога за време на испраќањето на Бора Чорба на Градските гробишта во Чачак ќе има хорот на гимназијата во градот, кој за време на погребот на легендарниот музичар ќе ја отпее рокенрол химната „Погледај дом свој, анѓеле“.
Регион
(Видео) Пронајдени две тела во Загреб: жена убиена во зграда, маж се самоуби во автомобил
![](https://makfax.com.mk/wp-content/uploads/2024/09/policija-zagreb.jpg)
Полицијата во Загреб извести дека денеска околу 15 часот пронашла тело на женско лице кое било убиено во станбена зграда во населбата Сопот во Нови Загреб, објавија хрватските медиуми.
Во близина на зградата во автомобил бил пронајден маж кој извршил самоубиство.
„Денеска околу 15.00 часот во Нови Загреб, Сопот, во зграда е пронајдено тело на женско лице, а смртта, според досега утврденото, е последица на кривично дело.
Во возило во близина на местото на настанот е пронајдено тело на маж поврзан со ова злосторство, а според првичните информации тој најверојатно се самоубил.
Во тек е истрага и кривична истрага“, се вели во соопштението на хрватската полиција.
Регион
ЕУ се прашува зошто Вулин толку често патува во Москва
![](https://makfax.com.mk/wp-content/uploads/2024/09/vulin-putin.jpg)
Одржувањето блиски врски со Русија не е во согласност со принципите на процесот на пристапување и можното членство во Европската Унија, а Србија треба да се воздржи од одржување и интензивирање на односите со Москва, изјави портпаролот на Комисијата за надворешна политика, Петер Стано.
„Мислам дека сите ги знаат принципите на процесот на пристапување и можното членство во ЕУ, а тоа секако е неодржување врски со Русија како ништо да не се случува бидејќи Русија под водство на Путин ги крши Повелбата на ОН и меѓународното право и ги напаѓа сите принципи и вредности врз кои е изградена Европската Унија“, рече Стано.
Тоа беше неговиот одговор на новинарско прашање за коментирање на вчерашната посета на Русија на српскиот премиер Александар Вулин и неговата средба со рускиот претседател Владимир Путин.
Вулин вчера во Владивосток се сретна со Путин кому му порача дека Србија не е само стратешки партнер на Русија, туку и нејзин сојузник и дека Белград никогаш нема да воведе санкции против Русија, ниту Србија ќе стане членка на НАТО.
Стано додаде дека не е сосема сигурно во чие име зборува Вулин имајќи предвид дека Србија аплицирала за членство во ЕУ, води преговори за пристап, а претседателот и другите членови на српската влада постојано потврдуваат дека членството во ЕУ е стратешка цел на Србија. .
„Очекуваме сите членови на српската влада да ги почитуваат обврските што Србија доброволно ги презеде кога станува збор за пристапување во ЕУ, што вклучува усогласување со надворешната политика на ЕУ. Уште еднаш повторувам дека одржувањето, па дури и зајакнувањето на врските со Русија, не е во согласност со вредностите на ЕУ и процесот на пристапување“, рече Стано.
Тој додаде дека ЕУ со загриженост ги забележува изјавите на Вулин и дека фактот што Вулин толку често ја посетува Москва, а ретко е поканет во ЕУ, кажува многу.
Србија е единствената земја кандидат што одбива да се усогласи со надворешната политика на ЕУ кон Русија вклучувајќи ги и санкциите воведени против Москва по инвазијата на Украина.