Регион
(Фото+видео) Разорно невреме во Романија направи незапаметен хаос: куќи и автомобили под вода, снема струја
Силниот дожд што падна на истокот на Романија доведе до поплави во неколку региони, оставајќи зад себе разорни сцени и проблеми за локалното население. Агигеа, Тузла, Костинести, Ефорие, Мангалија и Вама Вече беа најтешко погодени, стотици куќи беа поплавени, а многу улици беа потопени.
Тешкотии во Вама Вече
Во популарното туристичко место Вама Вече ситуацијата е особено тешка. Туристите кои престојувале во хотелот ги нашле своите автомобили полни со вода во саботата наутро, додека одморалиштето моментално е без струја. Во тек е опсежна акција за чистење за санирање на плажата и ублажување на последиците од поплавите.
“Библиска поплава! Почна околу еден часот по полноќ кога почна да врне силен дожд. Не можев да видам метар пред мене”, рекол еден локален жител.
Локалните власти велат дека и покрај големата материјална штета, нема информации за жртви.
Constanta county, Romania last night.
Severe storms with more than 200 ml / sq. m rain caused flash floods, destroyed parts of the beach, cars and houses. pic.twitter.com/eZbgkG9yVB— Bogdan (@b_bogdann) August 31, 2024
Интервенција на противпожарната служба
Противпожарната служба на ISU Dobrogea примила повеќе од 800 повици од луѓе кои барале помош, а од петокот вечерта, единиците се на терен во 15-те области кои се најпогодени од поплавата. Интензивните напори се насочени кон пружање помош на населението и намалување на штетите предизвикани од поплавата.
Ретка појава на систем на циклонска бура
Метеоролозите посочија дека причината за поплавата е циклонска бура, која била неподвижна над Црното Море, вшмукувајќи огромни количества вода. Овој феномен е доста редок и обично се случува еднаш или двапати годишно, што ја нагласува сериозноста на ситуацијата што ја снајде Источна Романија.
Constanta county, Romania.
Severe storms flooded the beach.
Some areas had more than 200 ml / sq. m rain. pic.twitter.com/FTYhQGWjOz— Bogdan (@b_bogdann) August 31, 2024
Иако се очекува циклонот да се движи кон југ кон Грција и Турција во наредните денови, во Романија останува на сила портокаловото метео предупредување. Граѓаните и надлежните служби продолжуваат да ја следат состојбата и да ги преземаат неопходните мерки на претпазливост за да се соочат со евентуалните нови предизвици.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ: Приштина никогаш не сакала вистински дијалог и разговор
Претседателот на Србија, Александар Вучиќ, денеска, по повод вчерашното одбивање на Приштина во Брисел да учествува на трилатералните разговори, изјави дека тие никогаш не сакале вистински дијалог.
„Никогаш не сакаа дијалог. Никогаш не се ни ракувавме. Значи, никогаш не сме имале вистински дијалог и вистински разговор. Тие не сакаа, пробуваа трикови на секој можен начин за секогаш да го обвинуваат Белград за нешто лошо што се случува на теренот“, изјави Вучиќ за ТВ Пинк.
Како што рече, „имаме работа со луѓе кои се „енверхоџисти“.
„Некој вели сталинистички, а јас сум видел дека луѓето го користат тој термин. Јас не би ги ни почестил со тоа. Значи, но дефинитивно анархистичка, марксистичка, хоџиистичка идеологија, која има свои цели, а првата и основна цел е протерување на Србите и уништување на Србинот на народот на Косово и се што може да се направи против Србија“, рече Вучиќ.
Како што додаде, кога имаш таква цел и немаш што да понудиш економски, немаш нови фабрики, немаш значителен дел од странски инвестиции, немаш други цели што си ги поставуваш, тогаш јасно е дека ќе се направи тоа.
„Тие не сакаат дијалог, не сакаат разговор, затоа што велат, ние сме суверена држава и немаме за што да разговараме. А кога тоа ќе се случи, тогаш гледате дека всушност сте во тешка ситуација, а сакате да им наметнете разговор на оние кои не сакаат ни да ве слушнат, а кои не сакаат ништо да ви кажат, освен што се спроведува она што е нивната политика“, рече претседателот.
Вучиќ вели дека нема добри или подобри денови пред нив, но верува дека ќе има безброј проблеми.
„Наша должност е да му помогнеме на нашиот народ, секогаш да бидеме со нашиот народ на Косово“, рече Вучиќ.
Забележал дека денеска повторно, цел ден најавувале отворање на мостот на Ибар.
„Нема да биде лесно и ќе видиме дали КФОР, односно НАТО, ќе го одржат зборот што ни го дадоа и сакам да верувам дека ќе дозволат и нема да дозволат отворање на тој мост без дијалог и без договор со Србите“, рече Вучиќ.
Српскиот претседател Александар Вучиќ изјави дека негова работа како шеф на државата е да ги заштити сите граѓани на Србија без разлика на нивните политички ставови и затоа побара од хрватските власти што поскоро да го ослободат актерот Сергеј Трифуновиќ.
„Како претседател на Србија, мојата работа, што и да каже Трифуновиќ и кој било друг, мојата работа е да ги штитам интересите на граѓаните на Србија. Тоа го направив и ќе го правам тоа до крајот на мојот мандат. Ништо спектакуларно, само нормална работа“, рече Вучиќ за ТВ Пинк.
Регион
Земјотрес ја погоди Албанија
Земјотрес со јачина од 2,5 степени според Рихтеровата скала денеска ја погоди Албанија.
Епицентарот на земјотресот бил на 110 километри од Елбасан, на длабочина од пет километри.
Засега нема информации за жртви и материјална штета.
Регион
Тригодишно девојче во Србија се отруло со алкохол: имало 4,5 промили алкохол во крвта
Тригодишно девојче од селото Брајковац, недалеку од Лазаревац во Србија, минатата недела се отруло со алкохол. Тоа се случило во семејниот дом кога девојчето најверојатно испило ракија.
Девојчето било донесено на Детската клиника во Тиршова во многу алкохолизирана состојба, а според „Новости“ нивото на алкохол во крвта на детето бил 4,5 промили.
Извор од истрагата за „Новости“ изјавил дека девојчето е во тешка состојба но навреме било донесено во болница.
Според последните информации, девојчето било во куќата со двајцата постари браќа и сестрата и во еден момент наводно пронашла шише ракија од кое се напила.
Соседот за медиумите изјавил дека браќата го качиле онесвестеното девојче на трамполина пред куќата и истрчале кај соседите да им кажат што се случило и да побараат помош.
Му го покажале шишето од кое пиело девојчето. Соседот рекол дека немал автомобил да го вози детето, па му се јавил на таткото на девојчето, кој не живеел со семејството, туку во Шабац.
Според приказната на соседот, таткото пристигнал за час и половина и го однел девојчето во болница. „Новости“ пренесува дека девојчето се опоравува, дека е во стабилна состојба и дека наскоро ќе биде отпуштено.
Со оглед на количеството алкохол во крвта и фактот дека се работи за тригодишно дете, на девојчето и се заканувало дијализа. Основното јавно обвинителство Лазаревац вчера нареди полицијата да поднесе кривична пријава против мајката на девојчето. Како што е соопштено, врз основа на прибраните докази во последните денови, мајката се сомничи дека сторила кривично дело кршење на семејните обврски.
Мајката ќе биде под истрага кога ќе ја напушти болницата во која е од минатата недела. Мајката ќе биде сослушана во обвинителството, а по завршувањето на доказната постапка ќе се одлучува дали против неа ќе биде поднесен обвинителен акт, пишува медиумот.
Новинските извештаи наведуваат дека мајката била бремена во третиот месец и имала спонтан абортус, и дека поради тоа се наоѓа во болница во Белград. Таму била задржана на лекување. Нејзините четири деца на возраст од 13, 12, 8 и 3 години останале сами дома. Наводно побарала од сосед да се грижи за нив.