Регион
(Фото) Почна централниот дел од собирот „Не ја даваме Србија“

Во Белград во тек е собирот „Не ја даваме Србија“. Централниот дел почна во 19 часот, а подоцна вечерва ќе се обрати и српскиот претседател Александар Вучиќ.
Тој се огласи пред почетокот на централната манифестација на собирот „Не ја даваме Србија“.
– Фала ти, Србијо – напиша Вучиќ покрај фотографијата од насобраните граѓани пред Народното собрание.
На главната сцена пред Домот на народното собрание од 13 часот настапија неколку музички групи и изведувачи. На втората сцена, на плоштадот Никола Пашиќ, настапија културно-уметнички друштва од цела Србија, а на третата сцена, кај црквата Свети Марко, беше организирана програма за деца.
Граѓаните може да посетат штандови каде можат да се зачленат во новото движење и да одберат негово име, да остават писма за претседателот Александар Вучиќ, да добијат информации за поволните станбени кредити за млади. На штандот на Министерството за туризам и млади и Туристичката организација на Србија, можат да добијат информации за ваучери за одмор во Србија.
Поставени се и штандови со послужување за учесниците на собирот, како и штандови каде се изложени рачни изработки на жени од сите краишта на Србија.
Околу Пионирскиот парк се тракторите со кои во ноќта меѓу петокот и саботата пристигнаа земјоделците кои учествуваат на собирот, а на секој трактор е поставена знамето на Србија.
Тродневниот собир „Не ја даваме Србија“ започна вчера со дефиле на знамињата на Србија и локалните самоуправи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Авионот на Вучиќ приземјен во Баку, летот прогласен за небезбеден

Авионот на српскиот претседател, Александар Вучиќ, со кој утрово во 11 часот полета за Москва, е приземјен во Баку и во моментот не може да го продолжи своето патување бидејќи нема дозвола да го продолжи летот поради воените операции меѓу Русија и Украина.
Сите земји претходно дадоа дозвола за летот, но сега не може да ја дадат поради воените операции, јавува репортер на „Танјуг“. Се чека одобрение за продолжување на летот.
Аеродромите во Москва исто така моментно се затворени.
Украина ја нападна Москва со беспилотни летала принудувајќи ги повеќето аеродроми во руската престолнина да се затворат токму кога кинескиот претседател Шји Џјинпинг требаше да пристигне за да ја прослави победата над нацистичка Германија во Втората светска војна.
Во изминатите неколку дена аеродромите во неколку руски градови беа затворени поради напади од украински беспилотни летала.
За потсетување, претходно беше закажано српскиот претседател да има билатерална средба со рускиот претседател Владимир Путин в петок, што беше објавено и од Кремљ.
Според „Спутник“, не е познато кој воздушен коридор го користел Вучиќ за руската престолнина.
На 9 мај Русија ја одбележува 80-годишнината од победата над фашизмот во Втората светска војна со парада на Црвениот плоштад во Москва и со низа други настани. Се очекува да присуствуваат повеќе од 20 светски лидери.
Регион
Вучиќ отпатува во Москва

Претседателот на Србија, Александар Вучиќ, отпатува за Москва, каде што ќе присуствува на воената парада на Црвениот плоштад, објавија српските медиуми.
Кремљ вчера објави дека претседателот на Србија ќе се сретне со рускиот претседател, Владимир Путин, в петок, 9 мај.
Пред да замине за Москва, Вучиќ утрово се сретна со рускиот амбасадор во Србија, Александар Боцан-Харченко. Медиумите во Србија во последните денови шпекулираа дека Латвија и Литванија го забраниле летот на српскиот претседател до Москва, па затоа не е познато кој воздушен коридор го користел Вучиќ до руската престолнина.
На 9 мај Русија ја одбележува 80-годишнината од победата над фашизмот во Втората светска војна со парада на Црвениот плоштад во Москва и со низа други настани, а се очекува да присуствуваат повеќе од 20 светски лидери, вклучувајќи го и кинескиот претседател Шји Џјинпинг.
По агресијата на Русија врз Украина, парадата стана дел од пропагандата на Путин, а многубројни западни и украински функционери повикаа на бојкот на церемонијата. Украинскиот претседател Володимир Зеленски дури рече дека не може да се гарантира безбедноста на учесниците.
Регион
Жена паднала од девети кат во Косово, починала на лице место

Жена почина вчера откако падна од зграда на улица во Косово.
Ш. Мустафа (46) го загуби животот откако падна од деветтиот кат на зградата.
Веста според тамошните медиуми ја потврдила портпаролката на полицијата во Приштина, Фљора Ахмети.
Таа вели дека информацијата за случајот ја добила околу 16:20 часот.
„Околу 16:20 часот добивме информација дека едно лице (жена) паднало од зграда на улица во Косово и починала. Смртта на жртвата ја потврди медицинскиот тим на лице место“, рече Ахмети.
Полицијата, во координација со државниот обвинител, започна истрага за смртта и ги презема сите потребни истражни мерки за разјаснување на околностите на настанот.