Регион
Хрватите најдобри берачи на маслинки во светот

Второто Светско првенство во берење маслинки, кое од 11 до 14 октомври се одржа во Постира на островот Брач, заврши со победа на хрватскиот тим и одбрана на шампионската титула и со свечено доделување награди, објавија денеска организаторите.
„Иако со ова првенство се трудиме да го промовираме туризмот на островот Брач и маслинарството, суштината на сето тоа е емоцијата што овие луѓе ја носат со себе дома, тоа е повредно од што било друго“, рече директорката на Туристичкиот одбор на Постира, Ивана Јелинчиќ. На 2. Светско првенство, покрај хрватскиот тим настапија и тимови од Црна Гора, Франција, Словенија, Холандија, Унгарија, Велика Британија, Шведска, Шпанија, Босна и Херцеговина и САД.
Хрватскиот тим, составен од четири берачи од Постира и Дол, за 45 минути успеа да набере 67 килограми маслинки. Тоа беше речиси 11 килограми повеќе од второпласираните Црногорци, кои набраа 56,6 килограми. Третото место му припадна словенечкиот тим со 51,6 килограми набрани маслинки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.