Регион
Шефот на црногорската полиција му одговори на Ѓукановиќ

Вршителот на должноста директор на полициската управа Лазар Шќепановиќ рече дека трагедијата во Цетиње е резултат на долгорочна криза во социјалното опкружување во Црна Гора, нагласувајќи дека анализата на ситуацијата треба да ја спроведат експерти и интелектуалци, а не политичарите.
Одговарајќи на изјавата на поранешниот претседател Мило Ѓукановиќ, кој рече дека „додека лидерите на МУП и УП одржувале непотребни конференции, убиецот го продолжил својот крвав поход зад нивниот грб“, Шќепановиќ нагласи:
„Последните 30 години е оштетена социјалната и безбедносната средина, а организираниот криминал цветаше. Но, овој настан не беше планиран или организиран – тоа е трагичен случај“.
Тој додаде дека билансот на убиства од 1999 година, поврзани со криминални групи бара дополнителна анализа и заклучи: „Ова е последица на долгорочна криза во социјалното опкружување и како заедница мора да ја бараме причината за ваквите настани“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Италијанската полиција фати Албанец со над 27 килограми кокаин

Италијанската полиција уапси 47-годишен албански државјанин, откако во автомобилот му биле пронајдени 27,6 килограми кокаин.
Дрогата била скриена во посебен простор под предните седишта на возилото.
Покарај кокаинот, полицијата го конфискува и возилото, а приведениот е однесен во притвор во затворот во Катанија.
Според албанските медиуми во италијанските затвори се наоѓаат над 2.000 албански државјани, осудени главно за трговија со дрога.
Регион
Ужас во Јагодина: Внук ги заклал бабата и дедото и избегал

Двојно убиство се случило во близина на Јагодина. Според првичните информации М.М. (39) ги заклал бабата Р.Ж. (76) и дедото Р.М. (79) и избегал. Неофицијално, убиството се случило во селото Богава, општина Деспотовац, а телата на сопружниците биле пронајдени рано утрово во семејната куќа.
Полицијата е на местото на настанот и во тек е истрага, а пристигнати се и обвинителот на Вишото јавно обвинителство во Јагодина.
Регион
Шеќеринска: НАТО нема да дозволи безбедносен вакуум во БиХ

Заменичката на генералниот секретар на НАТО, Радмила Шеќеринска, денес изјави дека алијансата нема да дозволи безбедносен вакуум во Босна и Херцеговина, откако српскиот лидер Милорад Додик објави дека ќе побара од Москва да ја прекине воената мисија ЕУФОР во таа земја.
Шеќеринска изјави дека НАТО е „трајно посветен на суверенитетот и територијалниот интегритет на Босна и Херцеговина“.
Таа додаде дека НАТО нема да дозволи дестабилизација во Босна и Херцеговина, соопшти канцеларијата на бошњачкиот член на колективното претседателство на Босна и Херцеговина, Денис Беќировиќ, кој се сретна со претставничката на НАТО.
„Без оглед на исходот од претстојната седница на Советот за безбедност на ООН, НАТО нема да дозволи безбедносен вакуум во Босна и Херцеговина“, рече Шеќеринска.