Регион
Од Србија до Црна Гора ќе се патува за четири часа, се гради нов автопат

Србија во следните три години планира да ја заврши изградбата на автопатот од Пожега до границата со Црна Гора, со што ќе се заврши српската делница од идниот Коридор 11. Оваа траса, дел од Трансевропскиот автопат (ТЕМ), ќе го поврзува Белград со Јадранското Море и ќе биде долга 269 километри.
Делницата од Пожега до Болјар, долга 106,3 километри, ќе води низ долината на реката Моравица, меѓу Јавор и Голија, преку висорамнината Пештерск. Во планот се предвидени вкупно 11 делници од трасата, од кои најкомплексна е делницата од Пожега до Дуга Полјана каде ќе се градат 72 моста во должина од 35 километри и 10 тунели со вкупна должина од речиси 17 километри.
Автопатот ќе има две сообраќајни ленти и по една лента за застанување во секој правец, а предвидената брзина ќе биде до 120 километри на час. Трасата најмногу минува надвор од урбаните средини, со минимални зафати во две општини.
Паралелно завршува и делницата Прељина-Пожега долга 30,9 километри. По неговото отворање, патувањето од Белград до Пожега ќе трае околу час и половина. На оваа траса веќе се изградени клучни објекти, вклучувајќи ги тунелите Муњино брдо, Лаз и Трбушани. Вредноста на работите се проценува на 450 милиони евра, а се очекува да завршат до крајот на годинава.
Планирани се и голем број клучки и места за одмор долж трасата, паркинзи на неколку локации.
Србија го привршува својот дел од работата, а вниманието сега е свртено кон Црна Гора каде се подготвува изградбата на делницата Матешево-Андријевица долга 21 километар, пишуваат српските медиуми.
Се очекува работите да траат околу пет години, а вредноста на проектот се проценува на 550 милиони евра. Досега се обезбедени 100 милиони евра грантови од ЕУ и уште 200 милиони евра поволни заеми од Европската банка за обнова и развој, а остатокот ќе се покрие од црногорскиот буџет.
Црногорската министерка за транспорт Маја Вукиќевиќ рече дека фокусот ќе биде ставен на квалитетот и достапноста на понудите, со надзор на ЕБОР. Изборот на изведувачот се очекува во текот на летото, а првите работи би можеле да почнат до крајот на годинава. Експропријацијата на земјиштето е веќе завршена во голема мера, а во тек е и јавна расправа за влијанието врз животната средина.
Доколку се оди според планот, граѓаните на Србија и Црна Гора наскоро ќе имаат можност за само три и пол часа да патуваат по модерен автопат од Белград до Јадранското Море. Патот од Подгорица до главниот град на Србија, долг 370 километри, ќе стане значително пократок, побезбеден и побрз.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Уште еден силен земјотрес ја погоди Грција

Земјотрес со јачина од 4,6 степени според Рихтеровата скала беше регистриран во четврток, 5 јуни, во 07:18 часот во Егејското Море, Грција.
Земјотресот беше регистриран на 30 километри од Мирина.
#Earthquake (#σεισμός) confirmed by seismic data.⚠Preliminary info: M4.6 || 30 km NW of #Mýrina (#Greece) || 3 min ago (local time 08:18:38). Follow the thread for the updates👇 pic.twitter.com/4qdLSErCCL
— EMSC (@LastQuake) June 5, 2025
Хипоцентарот на земјотресот, според Европско-медитеранскиот сеизмолошки центар, се наоѓа на длабочина од приближно 11 километри под површината на земјата.
Засега нема извештаи за материјална штета или повредени, а надлежните служби ја следат ситуацијата.
Регион
Србинка извлечена мртва од морето во Грција, наредена обдукција: детали за ужасот на Халкидик

Седумдесет и тригодишна жена од Србија била извлечена во несвест од морето на полуостровот Касандра во Грција и однесена во болница, каде што била прогласена за мртва, објавија грчките медиуми.
Сè се случило во градот Сивири на Халкидик, популарно одморалиште кај туристите од регионот.
Таа беше извлечена од морето во средата попладне.
Веднаш беше известена Пристанишната управа на Неа Мудања, а 73-годишната жена беше пренесена со амбулантно возило на ЕКАБ во Здравствениот центар во Касандра, каде што беше констатирана смрт.
Вториот оддел на пристаништето Неа Мудања, при Централната пристанишна управа на Солун, која ја спроведува прелиминарната истрага, нареди обдукција во Службата за судска медицина во Солун.
Регион
Тело на Србинка извлечено од морето во Грција

Седумдесет и тригодишна Србинка е пронајдена мртва во морето крај брегот на Касандра, Грција, пренесе српски Телеграф.
Таа е пронајдена во несвест во морето крај брегот на Касандра на Халкидики во среда околу пладне и со брза помош е пренесена во Здравствениот центар во Касандра, каде што е констатирана смрт.
Според информациите, истрагата е во тек, а ќе биде извршена и обдукција, јавува грчката агенција АНА.