Регион
Наградите за иновации „Пеперутка“ ги слават напредните идеи од целиот Западен Балкан
Регионалниот совет за соработка (RCC) синоќа ги додели победниците на четвртите Пеперутка награди за иновации, на церемонија одржана во Нови Сад, славејќи ги најоригиналните, највлијателните и најпрогресивните идеи од целиот Западен Балкан.
Во отворањето на церемонијата, генералниот секретар на RCC, Амер Капетановиќ, потенцираше дека иновацијата не е само технологија, туку имагинација, храброст и способност да се види светот каков што може да биде. „Иновацијата ги трансформира заедниците, индустриите и нашите животи. Секој чин на иновација, голем или мал, нè носи поблиску до подобро утре“, рече Капетановиќ, додавајќи дека речиси 600 апликации биле поднесени од почетокот на наградата пред четири години, од кои повеќе од 130 само оваа година. Тој истакна дека квалитетот на пријавите постојано расте, со многу идеи засновани на академски истражувања и социјално влијание, опишувајќи ја овогодишната група како „креативна, амбициозна и подготвена да ја обликува иднината на регионот“.
За да се обезбедат фер услови и неутралност, сите членови на жирито доаѓаат вон регионот.
Овогодишните победници беа објавени во шест категории, со прпознатлива извонредност во STEM, младински иновации, индустрија, зелени решенија, универзитетски иновации и претприемништво водено од жени.
Победници на 4. Пеперутка награди за иновации
Star Campers – победник во категоријата STEM
Структурирана астро-туристичка иницијатива што комбинира кампување, астрономија и еко-едукација. Го поттикнува руралниот развој, ги вклучува младите и промовира одржлив туризам, подигајќи ја свеста за заштита на темното небо.
PM2.5 TRAP – победник во категоријата Млади
Достапен, лесно приспособлив филтер за чист воздух за куќни оџаци, кој ги намалува PM2.5 емисиите до 98%. Лесен за инсталација и евтин, им овозможува на семејствата директно да го намалат штетното загадување на воздухот.
EcoTie (TechTie3D) – победник во категоријата Индустрија
Сервис за брз прототипинг и 3Д-печатење што испорачал повеќе од 300 функционални прототипи на стотици клиенти. Интегрирајќи рециклирање на пластика, ја поддржува циркуларната економија и ја намалува зависноста од увоз.
Soil Rebirth – победник во категоријата Зелени решенија
Го трансформира индустрискиот отпад во брикети за почва кои се активираат со вода и овозможуваат долгорочно озеленување. Покрива до трипати поголема површина од традиционалната почва, а решението е нискобуџетно, отпорно на климатски промени и циркуларно по дизајн.
Д-р Моника Стојанова – победник во категоријата Универзитет
Јогурт од бадем на база на нуспроизводи од храна, зелена екстракција и прецизна ферментација заснована на вештачка интелигенција. Одржлив, нутритивен и насочен кон намалување на отпадот, одговара на растечката побарувачка за еко-одговорни функционални продукти.
OsnaŽene – победник во категоријата Жени
Дигитална платформа за жени претприемачки која нуди бесплатни микро-веб страници и пристап до регионален онлајн пазар. Ја зголемува нивната видливост, дигиталните вештини и бизнис можностите.
За наградата
Отпочната во 2022 година, Пеперутка наградата за иновации на RCC ги слави поединците и тимовите чиишто идеи придонесуваат за позелен, попаметен и поконкурентен Западен Балкан. Во изминатите четири години, наградата прерасна во регионална иновациска платформа поддржана од надворешни оценувачи, академски партнери и пошироката иновациска агенда на RCC. Наградата е финансирана од Европската Унија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Лукоил“ во завршна фаза на продажба на рафинеријата во Бугарија – компанијата предупредува на заштита на сопственичките права
Рускиот нафтен гигант „Лукоил“ соопшти дека е во завршна фаза од продажбата на својата имотна структура во Бугарија, вклучувајќи ја рафинеријата „Лукоил Нефтохим Бургас“ и мрежата бензински станици. Компанијата предупреди дека ќе преземе правни мерки доколку специјалниот управител назначен од бугарската влада ги повреди нејзините сопственички права.
Вашингтон на крајот на октомври воведе санкции за „Лукоил“ и „Роснефт“ со цел да го ограничи руското финансирање на војната во Украина. Рокот за завршување на трансакциите со „Lukoil International“ е продолжен до 13 декември, а за бугарските подружници до 29 април 2026 година.
Бугарската влада минатата недела именуваше специјален управител со овластувања да го продолжи работењето и, доколку е потребно, да продава удели во рафинеријата. „Лукоил“ соопшти дека очекува неговото назначување да не го попречи процесот на продажба.
Компанијата истакна дека работи со неколку потенцијални купувачи. Меѓу заинтересираните се турскиот „Cengiz Holding“, азербејџанската државна нафтена компанија SOCAR, како и казахстанскиот „Казмунајгаз“, меѓународната трговска куќа Vitol, турскиот фонд Oyak и унгарската компанија MOL. Унгарскиот премиер Виктор Орбан претходно потврди дека MOL доставил понуда.
„Лукоил“ најави дека компанијата ќе ги заштити своите легитимни интереси доколку бидат прекршени, потсетувајќи дека во Бугарија има инвестирано над 4,5 милијарди долари во последните 25 години.
Регион
Грција се соочува со тешка демографска криза, младите остануваат дома до 30 година
Грција се соочува со сериозна демографска криза, покажува студија на статистичката агенција Елстат. Младите најчесто остануваат да живеат со родителите сè до својата 30-та година, бидејќи ниските плати не им дозволуваат самостоен живот и основање семејство. Ова, според психолозите, има негативно влијание и врз социјалниот живот и врз желбата за создавање нови семејства.
Според податоците на Евростат, Грција е прва во Европа по бројот на млади кои доцна го напуштаат родителскиот дом. Во Бугарија, на пример, младите заминуваат во просек на 28 години, пренесува БНР.
Кризата со домувањето дополнително ја влошува ситуацијата, а иако владата покрива една месечна кирија годишно за младите семејства, ниските примања и несигурноста ја намалуваат желбата за деца. Во последните 13 години, во земјата се родени четвртина милион деца помалку во однос на пред две децении.
Опозициската СИРИЗА предупредува дека демографската криза не може да се реши без сеопфатна стратегија.
Регион
Обилни дождови поплавија патишта и продавници во делови од Грција
Обилните дождови во Грција ги поплавија патиштата и продавниците. Полицијата ги повикува возачите да возат внимателно.
Јужниот дел од земјата беше најмногу погоден, особено планинските региони Загори и Џумерка, каде што патиштата беа непроодни. Пожарникарите мораа да спасуваат патници од поплавените автомобили. Беше спроведена спасувачка операција за спасување на двајца земјоделци и нивните стада.
Полицијата затвори еден од патиштата до пристаништето Игуменица. Сè е во вода, соопштија пристанишните власти.
Островот Крф е силно погоден од поројни дождови. Патиштата се како реки, што го оневозможува движењето, се жалат жителите на островот.
Многу куќи на приземје, ресторани и продавници се поплавени.
За денес, прогнозите се дека лошото време ќе продолжи, опфаќајќи го поголемиот дел од земјата и егејските острови.
Властите издадоа предупредување за внимателност при возење во областите Солун, Патра и Крит.
Пациент почина, две лекарки повредени по нагло сопирање на медицинско возило за да избегне судир во центарот на Скопје
Вчера околу пладне во полицијата во Скопје било пријавено дека на крстосницата меѓу улица „11 Октомври“ и булевар „Кочо Рацин“...
Минималните семејни трошоци во ноември 65.173 денари, со изнајмен стан надминуваат 80 илјади
Минималните месечни трошоци што едно четиричлено семејство ги има во ноември достигнуваат 65.173 денари, додека доколку семејството живее во изнајмен...
(Видео) Да ги пронајдеме мешетарите што го рушат имиџот на здравството: Мицкоски со најава за сериозни реформи
На неколку фронтови во здравството се работи и се вложува, а треба да се вложува уште многу повеќе од ова...
Коцевски: Приведени десетина лица од УЈП, се вршат претреси на повеќе локации
Во рамките на предистражната постапка што се води за лица вработени во УЈП и поврзани со дискотеката „Пулс“ во Кочани,...
Одрони, зголемен водостој на реките, расчистување на наносите: поради обилните дождови, интервенирано на повеќе локации во државата, соопшти ЦУК
Во изминатото деноноќие, поради обилните врнежи, екипите на Регионалните центри за управување со кризи интервенирале на повеќе критични локации низ...
Нема промени во делот на наплатата на ДДВ при приемот на пратки од „Тему“ со измените на Законот за ДДВ, извести Минстерството за финасии
Министерството за финансии информира дека усвоените измени и дополнувања на Законот за ДДВ нема да влијаат на начинот на кој...
(Видео) Николоски: Автопатот Прилеп – Битола го градиме со силна динамика
Автопатот Прилеп – Битола се гради со силна динамика и до 2028 година ќе го изградиме, напиша вицепремиерот Александар Николоски...
Полска го крена нивото на тревога; Министерот за надворешни: Ова не е саботажа, туку тероризам
Полска сè повеќе станува цел на напади. По саботажата на стратешки важна железничка рута, министерот за надворешни работи Радослав Сикорски...
(Видео) „Јорданов се пишмани – Општина Штип ќе го продаде ‘Дино паркот’ од 800.000 евра на приватен бизнисмен“, велат од партијата Левица
„Штипскиот Дино парк да падне во рацете на приватен бизнисмен преку јавно – приватно партнерство, односно да се издава под...
Сопругот на убиената Србинка во САД призна дека го распарчил нејзиното тело
Брајан Волш, маж од Масачусетс на судењето за убиството на неговата сопруга Ана, родена во Србија, во 2023 година, оваа...
(Видео) Читач од усни открива што рекол Илон Маск за саудискиот принц на гала-вечерата: Трамп ќе полуди
Илон Маск, кој драматично ги влоши односите со Доналд Трамп пред шест месеци, сега се чини дека е повторно во...
Мамдани оди кај Трамп во Белата куќа
Американскиот претседател Доналд Трамп потврди дека ќе се сретне со новоизбраниот градоначалник на Њујорк, Зохран Мамдани, во Белата куќа овој...
Песков: Разговор меѓу Путин и Трамп може да се организира во секое време
Телефонски разговор меѓу рускиот претседател Владимир Путин и неговиот американски колега Доналд Трамп може да се организира во секое време,...
(Видео) Индонезиските власти евакуираа повеќе од 900 луѓе по ерупцијата на вулканот Семеру
Индонезиските власти евакуираа повеќе од 900 луѓе и им помогнаа на 170 алпинисти кои беа заглавени по ерупцијата на вулканот...
Трамп потпиша закон со кој се овластува отворање на досиејата на Џефри Епштајн
Американскиот претседател Доналд Трамп вчера изјави дека потпишал закон со кој се овластува објавување на досиејата на Џефри Епштајн. Материјалите...
(Видео) Израелски војници се истепаа во база, снимката стана вирална
Тепачка избувна меѓу израелски војници во воена база во северен Израел, објавија локалните медиуми. Видео што кружи на интернет ги...
(Видео) „Ги чекаме децата да се појават и да кажат ‘Каде си ма мајче?’“ – мајките на загинатите во „Пулс“ дојдоа на судењето, лути се на бранителите на обвинетите
Со гнев, тага и болка почна судењето за трагедијата во кочанската дискотека „Пулс“, каде животите ги загубија 63 млади луѓе....
Пропустите кај овој човек се шокантни, со докази ќе покажеме што сѐ бил спремен да направи за профит, рече обвинителот за сопственикот на дискотеката
По повеќе од четири часа евиденција на сите присутни, попладнево почна судењето за пожарот во кочанската дискотека „Пулс“ со 63...
(Фото) Пожарникарите спасија лица заглавени во автомобил по излевањето на Пчиња
Пожарникарите спасија лица заглавени во автомобил по излевањето на Пчиња кај бањата „Стрновац“ во општина Старо Нагоричане. „На 19.11.2025 година,...
(Видео) Со која свест и со кое лице адвокатите на обвинетите за пожарот во „Пулс“ ќе се ситат и ќе земаат крвави пари, прашува таткото на загинатиот Андреј Стојанов
„Јас сум родител на едно од трагично убиените деца“, изјави таткото на Андреј Стојанов, едно од загинатите момчиња во пожарот...
