Вести
Путин: САД создадоа услови за нова трка во вооружувањето
Рускиот претседател Владимир Путин во петок ја одржа традиционалната годишна прес конференција, за која беа акредитирани над 1.400 новинари.
Како што рече, за оваа пригода се подготвувал со денови и „многу сериозно“.
На конференцијата Путин одговараше на прашања за надворешната политика на Русија, за американските избори, за ситуацијата во Сирија, за убиството на рускиот амбасадор, економските проблеми, односите со Доналд Трамп и многу други. Конференцијата траеше речиси четири часа.
На конференцијата некои новинари се обидоа да го прашат Путин за неговиот љубовен живот.
„Може едно прашање за љубовта?“, праша една новинарка.
Путин ја одби.
„Ако ја оддолжиме конференцијата, нашата љубов наскро ќе премине во омраза“, рече рускиот претседател.
Путин одговараше и на прашањето што смета за своја најголема грешка, без да даде прецизен одговор.
„Секој човек прави грешки, важно е да се извлече поука“, одговори.
За тоа што ќе разговара на првиот состанок со Трамп, Путин рече дека очекува билатералните односи меѓу двете земји да се свртат кон нормална меѓудржавна соработка заради решавање на проблемите со кои се соочуваат двете земји и целиот свет, пред сѐ во областа на безбедноста и економскиот развој.
Според Путин, визите за Европа се анархизам.
„Треба да се обезбеди слободно движење на граѓаните на сите европски држави“, рече Путин.
Тој зборуваше и за неодамнешното труење во Сибир, кога најмалку 74 луѓе починаа бидејќи конзумирале лосиони со метанол.
„Тоа е ужасна трагедија. Немам зборови за тоа“, рече Путин. При тоа додавајќи дека многу луѓе прават домашни алкохолни пијалаци и дека не може да сфати зошто тоа се прави.
Рускиот претседател, одговарајќи на новинарските прашања, уште рече дека следните денови Русија ќе започне со испорака на гас за Крим.
„Во следните два или три дена ќе објавиме завршување на работите и ќе започне испораката на гас“, рече Путин.
Тој уште рече дека односите меѓу Русија и Кина се одлични и дека се повеќе од стратешко партнерство.
„Кина е наш важен економски партнер и имаме многу заеднички проекти, но и интереси во надворешната политика“, рече Путин.
На прашање дали ќе учествува на следните претседателски избори, Путин со одговор: „Ќе следам што се случува во земјата и светот и од таа појдовна точка ќе биде донесена одлука за учество или неучество на изборите за следен руски претседател“.
Путин повика и на обединување во борбата против тероризмот.
Тој на германски јазик изрази сочувство за жртвите што настрада во неодамнешниот напад во Берлин.
Путин истакна дека западните разузнавачки агенции ја прекинале соработката со руските, што според него, ја олеснило работата на терористите.
Рускиот претседател, одговарајќи на прашање за односите со ЕУ, рече дека на Русија и е потребна силна Европа.
Според Путин, Европјаните сами треба да ги решат проблемите како што е мигрантската криза.
Тој истакна дека Русија ќе тежнее за развој на односите со Европа како единствен партнер, но е подготвена да развива врски со секоја земја посебно.
Во врска со Украина, Путин рече дека Русија реагирала во Украина бидејќи морала.
„Не се чувствувам виновен за тоа што се случи“, рече Путин.
Тој понатаму додаде дека Русија ќе го намали производството на нафта и ќе соработува со ОПЕК, за да ја поддржи глобалната цена на нафтата.
Шефот на руската држава ја нагласи важноста на акциите на Саудиска Арабија, Јордан, САД и Египет во Сирија.
„Подготвени сме да разговараме со сите“, истакна Путин.
Рускиот претседател говореше и за нуклеарното вооружување.
„Не е тајна, извршивме голема модернизација на нуклеарниот потенцијал на Русија, тоа се однесува на ракетите за стратешка намена позиционирани на копно, атомските подморници со нови типови на ракети, носачи на ракети на авионите и ударните системи. Делуваме строго во согласност со сите договори. Ние само одговараме на она што Америка го направи“, рече Путин.
Тој уште истакна дека САД со повлекувањето од договорот за ограничување на нуклеарното вооружување создале услови за нова трка во вооружувањето, но дека Русија нема да учествува во тоа бидејќи не може да си го дозволи тоа.
„Ние до 2021 година треба да имаме 70 отсто од најновото и новото вооружување, а веќе сега е околу 50 отсто. Во целост ги реализираме своите планови“, рече Путин.
Рускиот претседател се осврна и на изјавата на Доналд Трамп дека САД ќе ги зајакнат нуклеарните капацитети.
„Што се однесува до Трамп, тој и претходно говореше за јакнење на нуклеарната одбрана на САД, но повеќе изненадува сегашната администрација која почна да докажува дека ги имаат најмоќните Оружени сили. Тоа никој не го оспорува“, рече Путин.
На новинарско прашање за наводното мешање на Русија во американските избори, Путин рече дека тоа е неточно.
„Знаеме дека Демократската партија загуби не само на претседателските избори, туку и за Сенатот, Конгресот, дали е и тоа мое дело? Сѐ говори дека актуелната администрација има проблеми, дека постои расчекор во сваќањето што е добро, а што лошо меѓу елитата и народната маса“, рече Путин.
„Загубија на сите фронтови. Ние знаевме дека тој ќе победи, а никој друг не знаеше“, истакна рускиот претседател.
Путин за незадоволството на Американците од исходот на изборите го обвини нивниот изборен систем.
„Нивниот изборен систем е застарен и не е фер“, рече Путин.
Тој упати критики и до американската Демократска партија.
„Партијата што се нарекува демократска, го заборави значењето на овој збор“, рече шефот на руската држава.
Путин изрази надеж дека односите меѓу Русија и Украина ќе се нормализират и повика да продолжи работата во нормандискиот формат.
За убиството на амбасадорот во Анкара, рускиот претседател рече дека тоа претставува напад на Русија и на руско-турските односи, но дека добрите односи со Турција ќе продолжат.
„Сега го менувам мислењето дека турското раководство дало налог за соборување на рускиот Су-24 во Сирија“, рече Путин.
„Бев скептичен кон зборовите дека нашиот авион бил соборен без дозвола на турското воено раководство, но сега, по убиството на амбасадорот, почнувам да верувам во сѐ“, додаде тој.
Годишната конференција на Путин била сериозно подготвувана, а претседателот се подготвувал многу внимателно.
Конференцијата првично беше закажана за четврток, но заради погребот на рускиот амбасадор Андреј Карлов, убиен во Анкара, поместена е за петок напладне по локално време.
Оваа година за конференцијата се акредитира рекордни 1.437 новинари од целиот свет, што се 47 новинари повеќе од минатата година.
разговорот со претставниците на седмата сила во декември 2015 година траел подолго од три часа, а за тоа време Путин одговорил на повеќе од 40 прашања.
Најдолгата конференција за печат што ја има одржано Путин била во 2008 година, кога рускиот претседател за четири часа и 40 минути одговорил на повеќе од 70 прашања. /крај/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Вести
“Во основа е пекол на земјата”: Градот Газа оставен тотално без здравствената заштита
Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа
Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа
Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.
Кајмакоски е дома; Рашиќ: „Смирено и храбро се соочил со киднаперите, но му треба мир“
Mиланка Рашиќ, која е задолжена за односи со јавноста за Даниел Кајмакоски, соопшти дека разговарала со него по ноќта помината...
(Видео) Српски „Телеграф“ објави снимка од возилото со кое бил киднапиран Кајмакоски: „Напаѓачите се во бегство, пејачот пронајден“
Сите елитни единици на српското Министерство за внатрешни работи – УКП, САЈ и Жандармеријата – учествувале во драматичната акција за...
ВМРО-ДПМНЕ реагира: Заев се јави во одбрана на својот криминал, тој е таткото на бизнисот со канабис
Олицетворението на криминалот, главата на октоподот во корупцијата и лидерот на СДС од сенка, Зоран Заев се јави во одбрана...
Српските медиуми објавија дека Даниел Кајмакоски бил киднапиран во Белград
Македонскиот пејач Даниел Кајмакоски бил киднапиран во текот на ноќта во близина на „Бетон хала“ во Белград, објави српскиот портал...
Заев се закани со тужба, тврди дека не е поврзан со конфискацијата на канабисот и облакодерите во Дубаи: „Шират лаги и клевети“
Поранешниот премиер Зоран Заев преку статус на Фејсбук порача дека по пет години молк, сега е подготвен да одговори со...
Почина Бред Арнолд – пејачот на американскиот бенд 3 Doors Down
Бред Арнолд, пејачот и основач на американскиот рок-бенд 3 Doors Down, најпознат по хитовите „Kryptonite“, „When I’m Gone“ и „Here...
Во Дубаи уапсен сторителот на обидот за атентат врз рускиот генерал Алексеев, ФСБ уапси и соучесник во Москва
Сторителот на обидот за атентат врз генерал-полковникот на руската воена разузнавачка служба, Владимир Алексеев, беше приведен во Дубаи и предаден...
(Видео) Протести против Зимските олимписки игри во Милано: демонстрантите фрлаа димни бомби и шишиња кон полицијата
Илјадници луѓе се собраа во Милано на протест против Зимските олимписки игри само еден ден по церемонијата на отворање во...
(Видео) Полицијата заплени 40 тони дрога: откриена неусоглесеност на количините кои правните лица ги поседуваат, произведуваат, набавуваат и отуѓуваат
Министерството за внатрешни работи извести дека во тек е опсежна акција, во рамки на која е запленета голема количина на...
Двегодишно дете со тешки телесни повреди од Битола пренесено во Скопје, го нападнале кучиња скитници додека си играло
Лекарите од Клиничката болница во Битола вчера во полиција приавиле дека примиле двегодишно дете со тешки телесни повреди по напад...
(Видео) Петрушевски: Од 27 тони запленета дрога, повеќе од две третини е на фирма на соработник на Зоран Заев
Над 2/3 од 27 тони запленета дрога е од фирма на кадар на СДС, соработник на Зоран Заев, рече денес...
Левица ќе иницира разрешување на Ристовска, имаат информации за понижување, викање и навреди во ДКСК
Наместо да ја насочи својата енергија кон расчистување на корупцијата, членката на Државната комисија за спречување на корупцијата (ДКСК), Цвета...
Низ разузнавачките канали протекоа детали за „Дмитриев пакет“, вреден е 12 трилиони долари, вели Зелениски
Украинскиот претседател Володимир Зеленски предупреди дека постои ризик САД и Русија да склучат билатерални договори кои се однесуваат на Украина,...
Судот нареди на администрацијата на Трамп да врати од Хондурас три депортирани семејства и да ги плати трошоците за враќање
Окружниот суд во Сан Диего пресуди федералната влада на САД да ги врати трите семејства од Хондурас, наведувајќи дека нивното...
Независниот полициски синдикат утре организира протестен марш во Битола: За закани за тепање и убивање полицајци се оди во притвор
Независниот полициски синдикат (НСП) утре во Битола организира марш за еднакво спроведување на законите кон сите сторители на кривични дела,...
Магла ја намали видливоста до 60 метри на патниот правец Гевгелија – граничен премин Богородица
Сообраќајот на државните патишта се одвива во зимски услови, по влажни коловози соопшти Авото-Мото Сојузот на Македонија (АМСМ), Намалена видливост...
Најдоцна до јуни реконструкција на владиниот кабинет, Ковачки е нов генерален секретар на партијата, соопшти Мицкоски
Денес заседаваше Централниот комитет на ВМРО-ДПМНЕ, на кој беа донесени важни одлуки за понатамошното јакнење и модернизација на партијата, истакна...
Полицајци, наставничка и пожарникар земале пари од граѓани за да им средат побрзо да извадат лични документи
Двајца полицајци, наставничка и пожарникар се осомничени за примање поткуп и примање награда за противзаконито влијание односно за пари овозможувале граѓаните...
Воени возила и дронови во Охрид и Радожда, од утре обука на специјалците од војската на Белгија
Од 07 до 20 февруари 2026 година, на подрачјето на Охрид и струшкото село Радожда, ќе се реализираат активности за...
Студентите што студираат во странство или се прогласени за најдобри, ќе имаат предност за вработување на државните универзитети
Со поддршка од над 60 професори, засегнати институции и установи, претставници на студентите, стручни лица и експерти, Министерството за образование...
