Меѓуградски автобус се излизгал од патот во турската провинција Анталија, при што се повредени 33 лица, јави денеска ТРТ Хабер.

Несреќата се случила во областа Газипаша, во моментот кога автобусот се движел од Анталија кон Адијаман во источна Турција.

„Возачот на автобусот изгубил контрола, а возилото се излизгало од патот во ендек. Во несреќата се повредени над 30 патници, како и возачот и двајца негови помошници“, објави ТВ каналот.

Осуммина од повредените се малолетни.

Повредените се префрлени во блиските болници, додава ТРТ.

Белгиската полиција трага по вооружени лица откако беше пријавено пукање на една од метро станиците во белгискиот главен град.

На снимката од надзорните камери се гледаат најмалку двајца мажи кои носат фантомки и пукаат од пушки од типот калашников на влезот од станицата Клемансо во Брисел во раните утрински часови.

Федералната полиција, како и железничката полиција и други единици, повикаа засилување во областа.

La vermine gangrène #Bruxelles. Le Gouvernement Arizona va prendre les mesures pour nettoyer les rues. Ce sont les bandes criminelles et les racailles qui doivent avoir peur. Vous n’aurez pas une seconde repos.
Pendant ce temps, certains estiment ne pas devoir faire un… pic.twitter.com/z3VmRdO30y

— Georges-L BOUCHEZ (@GLBouchez) February 5, 2025

Според првичните информации нема повредени.

Портпаролката на бриселската полиција Сара Фредериккс рече дека осомничените побегнале во метро станица и можеби се уште се во тунелите на метрото.

Таа додаде дека во престрелката нема повредени. Локалната полиција и федералната железничка полиција ја пребаруваат областа.

Станицата Клеменсо е затворена, како и блиската станица Брисел-Миди, која служи и како терминал за возовите на Еуростар.

Кина се противи на предлогот на американскиот претседател Доналд Трамп за присилно раселување на Палестинците од Појасот Газа и се залага за решение со две држави, Палестина и Израел, како одговор на постигнување траен мир на Блискиот Исток, изјави денеска портпаролот на кинеското Министерство за надворешни работи Лин Џијан.

„Се надеваме дека сите релевантни страни ќе го прифатат прекинот на огнот во Газа и повоената администрација како можност за враќање на палестинското прашање на вистинскиот пат на политичко решение засновано на решение со две држави за да се постигне траен мир на Блискиот Исток“, рече Лин.

Тој посочи дека Кина смета дека „Палестинците треба да управуваат со Палестина“, што, како што наведе, треба да биде основен принцип за повоена Газа, пишува Global Times.

Трамп предложи Палестинците да се преселат од Појасот Газа во Египет и Јордан, што тие земји го одбија, пренесува Танјуг.

Тој додаде дека САД ќе го „преземат“ Појасот Газа, опишувајќи ја неговата визија за областа како нова „ривиера на Блискиот Исток“.