Свет
Индиец обвинет за силување бара поштеда: „Зошто да ме бесите кога загадениот воздух бавно ме убива“
Еден од шестмина мажи осомничени за брутално тепање и силување студентка во автобус во Њу Делхи во 2012 година бара од властите да го поштедат од смртна казна.
Негов аргумент за тоа е дека загдениот воздух и така веќе го убива полека, пренесе Си-ен-ен.
Акши Такур е еден од четворицата мажи осудени на бесење поради силувањето на Нирбаја, 23-годишна девојка, коja почина две недели подоцна поради тешки повреди.
Петтиот осомничен е ослободен затоа што бил малолетен во моментот на злосторството, а шестиот се самоубил во затвор.
Адвокатот на Такур поднесе петиција до Врховниот суд неколку дена пред одбележувањето на седмата годишнина од злосторството, 16 декември. Локалните медиуми објавија дека е можно Такур да биде егзекутиран за годишнината, особено затоа што неодамна се случи слично злосторство, кое ја шокира нацијата.
Индија, од друга страна, го има веројатно најзагадениот воздух во светот. Претходно годинава, седум индиски градови беа на списокот со 10 најзагадени места во светот. Адвокатот наведува дека воздухот во Њу Делхи е како гасна комора и дека градот е полн со отров.
„Животниот век станува сè пократок, па оттаму може да се запрашаме вреди ли смртната казна?“, се наведува во петицијата.
Затворот во кој се наоѓа Такур е лоциран во западниот дел на Њу Делхи, кој е особено загаден, со многу фабрики оддалечени по само неколку километри.
Сепак, како што пренесуваат локалните медиуми, мали се шансите молбата на Такур да биде прифатена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Уапсен уште еден осомничен за терористичкиот напад во Москва
Уште едно лице е уапсено во врска со терористичкиот напад на градското собрание Крокус во Москва на 22 март, соопшти денеска за „ТАСС“ портпаролот на полицијата.
„Уапсен е уште еден потенцијален осомничен во случајот со терористичкиот напад на Крокус. Инспекторите ја испитуваат неговата улога во тој напад“, изјави претставник на полицијата.
Полицијата уапсила државјанин на Таџикистан. Досега во врска со случајот се уапсени 11 лица, меѓу кои и четворица извршители на нападот.
Според последните податоци, во терористичкиот напад во концертната сала „Крокус сити хол“ во Москва загинале 145 лица.
Свет
Почина бебето кое беше извадено од утробата на мртвата мајка во Газа
Почина бебето кое во неделата со царски рез во Газа беше спасено од утробата на мртвата мајка, пишува Би-Би-Си.
Бебето е родено по итен царски рез извршен врз трудница која била убиена во израелски напад врз градот Рафа во Газа.
Освен мајката на Сабрин Ал Сакани, меѓу загинатите се и таткото на новороденото девојче и нејзината тригодишна сестра Малак.
Бебето при раѓањето тежело 1,4 килограми, а се родило во триесеттата недела од бременоста на мајката. Веднаш по царскиот рез беше сместено во инкубатор во болницата во Рафа заедно со уште едно бебе.
Но, девојчето после неколку дена почнало да има сериозни здравствени проблеми. Лекарите го реанимирале, но сепак починало вчера.
16 деца биле убиени за време на два воздушни напади на Рафа минатиот викенд, при бомбардирање на комплекс од станбени згради.
Израелските одбранбени сили (ИДФ) соопштија дека цел биле борците и инфраструктурата на Хамас и воените комплекси.
Свет
Британските разузнавачи: Русите се’ побрзо напредуваат во Украина
По заземањето на источноукраинскиот град Авдијевка, руските трупи напредуваат побрзо во областа, објави денеска британското Министерство за одбрана во своето секојдневно известување.
„Руските копнени сили навлегоа и создадоа тесен коридор на украинска територија со цел да влезат во градот Очеретин, приближно 15 километри северно од центарот на Авдијивка“, пишува на профилот на Министерството за одбрана.
Оцеретин во областа Доњецк имал околу 3.500 жители пред почетокот на војната.
И по заземањето на Авдијивка во средината на февруари, Русите се уште сметаат дека освојувањето на таа област е една од клучните операции, оценува британското Министерство за одбрана.
„Иако претрпуваат големи загуби, многу е веројатно дека руските копнени сили се во позиција континуирано да ги гаѓаат украинските позиции во областа и дека презеле контрола врз неколку помали населби“, додаваат тие.
Украина се брани од руската инвазија повеќе од две години. Британското Министерство за одбрана редовно објавува информации за напредокот на војната. Москва го обвинува Лондон за ширење дезинформации.