Газа претрпе огромно уништување во текот на 15-те месеци војна.

Повеќе од 46.000 Палестинци се убиени, според Министерството за здравство на Хамас, а голем дел од инфраструктурата е целосно срамнет со земја во израелските воздушни напади.

Сателитскиот центар на Обединетите нации (UNOSAT) објави дека 70% од сите згради во Газа се уништени или оштетени, а 68% од патната мрежа во појасот е оштетена или уништена.

Податоците од здравствениот систем покажуваат дека половина од болниците во Газа се затворени, додека останатите се само делумно функционални – што значи дека многу од оние кои се уште се отворени немаат капацитет да лекуваат хронични болести и сериозни повреди.

Украинскиот претседател, Володимир Зеленски, изјави дека САД заработиле милијарди долари од војната во Украина, благодарение на големите договори за оружје.

Зеленски истакна дека американските компании оствариле големи приходи, вклучително и преку лиценцирање, благодарение на огромната побарувачка за оружје и опрема, објави УНИАН.

„Американските компании заработија милиони дури и од лиценци, бидејќи имаат канцеларии во Европа. Значи, тоа се милијарди приходи. И верувам дека војната го донесе тоа“, рече Зеленски во интервјуто за британскиот новинар Пирс Морган.

Тој, исто така, истакна дека САД стекнале вредно борбено искуство во војната, бидејќи во Украина се користело американско оружје, пренесува Танјуг.

Украина има развиено нови технологии, како што се беспилотните летала кои цели на руски воени цели.

Зеленски нагласи дека придонесот на САД во одбранбените капацитети на Украина достигнува 30 отсто, истакнувајќи дека без оваа помош Украина би можела да загуби дел од своите територии, пренесе Укринформ.

Тој зборуваше и за напорите на Украина да го зголеми домашното производство на оружје, кое сега сочинува 40 отсто од вкупното оружје на фронтот, пренесува Танјуг.

Сеизмичката бура која го тресе Санторини во изминатите денови продолжи и во текот на ноќта.

Два земјотреси со јачина од 4 и 4,3 степени според Рихтеровата скала во рок од пет минути ги погодија Санторини и Аморгос во раните утрински часови во средата.

Првиот земјотрес со јачина од 4 степени е регистриран во 4 часот и 16 минути по локално време со епицентар на 18 километри од Аркесинина на Аморгос, а вториот е регистриран во 4 часот и 21 минути во областа Санторини.

Според грчките медиуми, од шест часот утринава оваа област ја погодиле шест земјотреси над 3 степени според Рихтеровата скала.

Во исто време продолжува егзодусот на локалното население и туристите од Санторини, а експертите предупредуваат на нова опасност.

Околу 11.000 луѓе ги заклучија своите домови и го напуштија островот, што ги зголеми стравувањата од грабежи.

Полицијата е во состојба на готовност, со интензивни патроли и блокади на патиштата, во обид да спречи евентуални упади. Загриженоста на властите беше зголемена поради општата ситуација, додека нивната објава на социјалните мрежи на која се сугерираат можни кражби привлече внимание.

Според извештаите, властите ги зголемиле полициските патроли во главниот град Фира, како и во најпознатите места на островот. Во исто време, поставени се блокади на главните сообраќајници, а се проверуваат сомнителни возила и движења, особено во областите каде што куќите останаа затворени поради интензивна сеизмичка активност.

Постојаните жители кои остануваат на островот изразуваат загриженост, повикувајќи ги властите да преземат уште построги мерки.

„Се плашиме дека некои ќе ја искористат ситуацијата и ќе почнат да упаѓаат во куќи. Веќе слушнавме за инциденти“, изјави за „Прототема“ бизнисмен од областа Акротири.