Најмалку 10 лица загинаа во пукaње што се случи на плажата Бонди во Сиднеј, Австралија.

Пукањето се случило за време на прославата на еврејскиот празник Ханука. Очевидци за „Скај њуз“ изјавија дека се слушнале околу 50 истрели, додека стотици луѓе во паника бегале од местото на настанот.

Two gunmen opened fire on 2,000 celebrating Hanukkah at Bondi Beach Sydney

2 suspects in custody, multiple dead and injured including police officer

Witnesses report up to 50 shots fired. Investigation ongoing.

This comes as anti-Jewish hate crimes hit record levels glo🅱️ally pic.twitter.com/m8Fpt6j3sl

— Boi Agent One (@boiagentone) December 14, 2025

Еден од напаѓачите бил убиен на лице место, додека другиот е ранет и се наоѓа во притвор.

На терен веднаш интервенирала полицијата и службите за итна медицинска помош, со десетици амбулантни возила собраани на паркингот Норт Бонди Централ.

Локалните власти ја истражуваат причината за нападот и моментално не даваат дополнителни детали за мотивот.

Силни експлозии се пријавени во складиште за нафта во Крим и во неколку енергетски и индустриски објекти во Русија за време на украински напад со беспилотни летала, објавија медиумите.

Според извештаите, експлозии биле регистрирани во складиште за нафта во близина на Симферопол, на Крим, а потоа и во хемиска фабрика во рускиот град Велики Новгород. Напади со дронови, наводно, погодиле и магацин за нафта во близина на градот Урјупинск, во Волгоградската област, како и електроенергетски објект во Смоленск.

🔥After a night attack in occupied Crimea, an oil base is on fire near the DRES in Simferopol.

Explosions have also occurred in Feodosia, Guardskoe, and Sevastopol. pic.twitter.com/tEqjwmRSEe

— Shaun Pinner (@olddog100ua) December 14, 2025

Руските власти соопштија дека регистрирале присуство на 41 беспилотно летало над територијата на Крим во периодот кога биле пријавени експлозиите во близина на Симферопол.

Украина во последниот период интензивира напади врз руска воена и енергетска инфраструктура, со цел, како што наведува Киев, да ја ослабне борбената и економската способност на Москва. Украинските власти тврдат дека приходите од рускиот енергетски сектор директно ја финансираат војната, поради што ваквите капацитети ги сметаат за легитимни воени цели.

Overnight strikes hit multiple targets inside Russia and occupied Crimea. In Volgograd region, a drone attack sparked a fire at the Uryupinsk oil refinery, with smoke seen over the facility. In occupied Crimea, a fuel depot near Simferopol GRES is burning, while explosions and pic.twitter.com/C6DBZsLeVw

— Hamdan News (@HamdanWahe57839) December 14, 2025

Рафинеријата за нафта „Сизран“ ги прекинала операциите на 5 декември, откако била оштетена во украински напад со беспилотни летала. Украина подоцна го потврди нападот, наведувајќи дека операцијата имала за цел „намалување на воениот и економскиот потенцијал на рускиот агресор“.

Во меѓувреме, украинскиот Генералштаб соопшти дека во ноќта на 12 декември била погодена и рафинеријата „Славнефт-Јанос“ во Јарослављ, една од петте најголеми рафинерии во Русија. Според украинските власти, овој капацитет има годишен капацитет за преработка до 15 милиони тони нафта и е вклучен во снабдувањето на руските вооружени сили.

Најмалку две лица се убиени, а девет се повредени во вооружен напад што се случи во саботата попладне на кампусот на Универзитетот „Браун“ во Провиденс, сојузната држава Род Ајленд. Локалните власти информираат дека осомничениот напаѓач сè уште не е идентификуван и е во бегство.

Според полицијата, нападот се случил во училница на приземјето, во време кога во објектот се одржувале завршни испити.

Градоначалникот на Провиденс, Брет Смајли, изјави дека осум од повредените биле пренесени во болницата во Род Ајленд, при што шестмина се во критична, но стабилна состојба, едно лице е во критична состојба, а друго е стабилно. Деветтата повредена жртва се здобила со полесни повреди и не е во животна опасност.

Претседателката на Универзитетот „Браун“, Кристина Х. Паксон, потврди дека и загинатите и повредените биле студенти на универзитетот.

По инцидентот, универзитетската администрација испратила итно предупредување до студентите да останат скриени, да ги заклучат просториите и да ги исклучат мобилните телефони до понатамошно известување.

Локалните власти објавија видео-снимки од безбедносните камери на кои се гледа осомничениот како ја напушта зградата за инженерство. Снимките не откриваат повеќе детали за неговиот идентитет, освен дека бил облечен во црна облека, а полицијата не ја исклучува можноста напаѓачот да носел маска.

Полицијата пронашла чаури на местото на нападот, но засега не соопштува дополнителни информации за оружјето или мотивот.

Претседателот на Соединетите Американски Држави, Доналд Трамп, потврди дека бил информиран за настанот, а федералните агенции, меѓу кои ФБИ и АТФ, се вклучија во истрагата и им помагаат на локалните власти.