Вработените во технолошката лабораторија на Московскиот државен универзитет (МДУ) почнаа пресметки на суперкомпјутерот „Ломоносов“ во потрага по лек за новиот коронавирус Ковид-19, соопшти канцеларијата за печат на универзитетот, пренесува „Спутник“.

Според соопштението за медиумите, технологиите што ги користат суперкомпјутерите можат да обезбедат ефикасни алтернативни решенија за проблеми како што е лекувањето на заболувања.

„За многу болести, идентификувани се протеини кои се одговорни за развојот на патологиите. И ако најдеме таков протеин користејќи молекула што селективно се врзува за него во својот активен центар, тогаш развојот на болеста ќе запре“, вели Владимир Сулимов, шеф на лабораторија во МДУ.

Веќе се почнати масовни пресметки на суперкомпјутерот „Ломоносов“, а следниот чекор е да се пронајдат соодветни молекули способни за врзување со целните протеини. Суперкомпјутерот „Ломоносов“ е инсталиран на МДУ во 2009 година и има уникатен систем со најголем опсег на изведба.

Русија во моментот има 7.497 случаи на коронавирус во 81 регион. Од сите нови случаи, 697 се регистрирани во Москва и 69 во Санкт Петербург.

Во Русија почнаа клиничките испитувања на три препарати за лечење на пациентите заразени со Ковид-19, мефлохин, хидроксихлорикин и калидавир, соопшти прес-службата на федералната Медицинско-биолошка агенција, пренесува „Спутник“.

Испитувањата се спроведуваат со писмена согласност на пациентите инфицирани со новиот вирус.

Препаратот мефлохин, кој го претстави руската Федерална биомедицинска агенција (ФБМА), лесно се поднесува и ефикасно дејствува против коронавирусот, изјави пред неколку дена директоркаата на агенцијата, Вероника Скворцова.

„Мефлохин и хидрохлорид се аналози на антималарискиот препарат кини, но се значително помалку токсични, лесно се поднесуваат и имаат многу изразено антивирусно дејство, односно дури и микроконцентрации од 10 милимола по литар од овој препарат доведуваат до целосно инхибирање на цитопатските ефекти во културата на ткивото“, истакна Скворцова за „Росија 1“.

Црногорско-приморската митрополија донирала средства за купување техничка апаратура потребна за работа на здравствените установи за Црна Гора што подобро да се избори со ситуацијата со која се соочи цел свет, пренесува „Вечерње новости“.

„Уплатени се средства за седум монитори и шприц-пумпи, од кои по еден се наменети за болниците во Цетиње и Никшиќ, а останатите за Клиничкиот центар во Подгорица“, се вели во информацијата.

Во договор со управите на болниците во повеќе црногорски градови, оваа опрема деновиве ќе виде врачена таму каде што е најпотребна, велат од митрополијата.