Контакт

Свет

Креаторите на „спутник в“ бараат извинување од ЕМА – „Можно е политичко мешање“

Објавено пред

Креаторите на „спутник в“ бараат извинување од висок функционер на Европската агенција за лекови затоа што ја спореди можноста за итно одобрување на таа вакцина со руски рулет.

На официјалниот профил на Твитер на „спутник в“ е објавено дека овие коментари на Криста Виртумер-Хохе отвораат сериозни прашања во врска со можно политичко мешање во процесот на тестирање на вакцините.

„ЕМА не даде такви изјави за ниту една друга вакцина. Таквите коментари се несоодветни и го нарушуваат кредибилитетот на Агенцијата и на самиот процес на тестирање”, се вели во соопштението.

Се наведува дека вакцините и ЕМА треба да бидат надвор и над политиката.

Агенцијата ТАСС пренесува дека Виртумер-Хохе ја споредила можноста за итно одобрување на руската вакцина против коронавирус во Австрија со руски рулет.

На 4 март ЕМА објави почеток на процес на експертиза за вакцината „спутник в“, при што ќе се испита усогласеноста на лекот со стандардите на ЕУ во областа на ефикасноста, безбедноста и квалитетот.

Некои земји на ЕУ веќе ја одобрија употребата на „спутник в“, без да чекаат ЕМА да ја регистрира вакцината. Вакцината во моментов е регистрирана во Унгарија и Словачка.

Ефикасноста на „спутник в“ е 91,6 проценти, објавено е неодамна во научното списание „Лансет“. Вакцината обезбедува целосна заштита од тешки случаи на коронавирус и е регистрирана во 46 земји, објави ТАСС.

Од друга страна, „војната“ околу вакцините се води и на бојното поле САД – Русија, бидејќи Белата куќа објави дека следат активности на руските разузнавачки служби кои ги поткопуваат вакцините на американските производители „Фајзер“ и „Модерена“.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

Словенија ги ублажува мерките против коронавирус, Италија тоа ќе го стори за 10 дена

Објавено пред

Јавните собири, митинзи и настани во Словенија ќе бидат дозволени од понеделник, 19 април, но на нив ќе може да учествуваат најмногу 100 лица.

Одлуката за епидемиолошки мерки, кои се однесуваат на собири, ја смени Владата на Словенија затоа што претходната забрана беше оспорена од Уставниот суд на иницијатива на граѓаните.

Министерот за внатрешни работи на Словенија, Алеш Хојс, им изјави на новинарите дека доколку состанокот се одржи на отворено и со пропишана физичка оддалеченост, учесниците не треба да носат маски.

Тој посочи дека уставните судии ќе ја делат одговорноста доколку се влоши епидемиолошката состојба, бидејќи Владата во својата одлука се водела исклучиво од интересите на здравствената заштита, а не од политичките мотиви.

Италија ќе почне со олеснување на рестриктивните мерки во многу области, кои беа воведени поради коронавирусот, од 26 април, изјави денеска премиерот Марио Драги.

Почетокот на ублажувањето на мерките беше најавен порано за почетокот на мај.

„Владата презема разумен ризик врз основа на податоци што покажуваат подобрување, иако не драматично“, им рече Драги на новинарите.

Тој додаде дека последната одлука се заснова на претпоставката дека и граѓаните и институциите ќе ги почитуваат регулативите, што ќе го направи успешен овој разумен ризик.

Досега во Италија се регистрирани 3.826.156 заразени лица, додека 115.937 починале.

Додека повеќето земји од Европската Унија се борат со нови зголемени бројки од Ковид-19 и ги засилуваат антипандемиските мерки, Португалија се движи во поинаква насока и од понеделник Португалците ќе можат да одат во ресторани, трговски центри и кина.

Часовите повторно ќе се одржуваат во средните училишта и универзитетите, а училиштата за помали деца се веќе отворени, како и градините на кафулињата и рестораните, пишуваат агенциите.

Прикажи повеќе...

Регион

Јанша го негира нон-пејперот: Тој документ не постои

Објавено пред

Нема документ, па дури и нон-пејпер, со кој Словенија би се залагала за промена на границите на Балканот, е пораката што словенечкиот премиер Јанез Јанша му ја пренесе на членот на Претседателството на БиХ, Сефик Џаферовиќ.

Како што беше соопштено од Претседателството на БиХ, Јанша во текот на денот го повикал Џаферовиќ за да ги разјасни шпекулациите за наводниот документ што би се залагал за поделба на БиХ, но и за промена на границите на другите земји во регионот.

Копија од наводниот документ беше објавена на англиски јазик од словенечки портал, но без да се објасни кој го составил и на кого бил упатен, пишуваат агенциите од регионот.

„Словенечкиот премиер Јанез Јанша го извести членот на Претседателството на БиХ Сефик Џаферовиќ дека нема нон-пејпер што може да биде поврзан со словенечката влада, што би вклучувало прекројување граници или кршење на територијалниот интегритет на Босна и Херцеговина“, се вели во соопштението од претседателството на БиХ.

Од таму истакнуваат дека Јанша ја пренел пораката дека Словенија го поддржува суверенитетот и територијалниот интегритет на Босна и Херцеговина, како и нејзиниот евроатлантски пат, целосно почитувајќи го Дејтонскиот мировен договор.

Во телефонскиот разговор, Џаферовиќ рекол дека секоја приказна за етничките и територијалните поделби на Босна и Херцеговина треба да се спречи на самиот почеток и дека единствениот начин за БиХ е нејзината понатамошна внатрешна реинтеграција и евро-атлантска интеграција.

Јанша и Џаферовиќ разговарале и за претстојното претседателство на Словенија со Советот на Европската Унија, кое почнува во јули, како и претстојниот Самит ЕУ-Западен Балкан, чиј домаќин ќе биде Словенија и чија главна тема треба да биде забрзување на интеграцијата на регионот во Европска Унија.

Прикажи повеќе...

Регион

Лавров ја отфрли можноста за прекројување на границите на Балканот, тоа е неприфатливо

Објавено пред

Шефот на руската дипломатија Сергеј Лавров ја отфрли можноста за прекројување на границите на територијата на поранешна Југославија.

На заедничката прес-конференција по разговорите со српскиот колега Никола Селаковиќ, Лавров рече дека идејата за „Голема Албанија“ како форма на решавање на косовскиот проблем, како и изјавата на словенечкиот премиер Јанез Јанша дека распадот на Југославија уште не е завршен се неприфатливи, многу штетни и провокативни.

„Разговорите за голема Албанија не се појавија денес, ние секогаш ги повикуваме нашите партнери од ЕУ и НАТО да ги пресечат таквите планови и да не дозволат да се форсира таква реторика“, рече Лавров.

„Тоа е многу опасна игра. Постои Резолуција 1244, која не е укината, а одговорните политичари, особено шефовите на владите на европските земји, немаат право да презентираат идеи што го поткопуваат самиот концепт утврден во Резолуцијата 1244″, рече Лавров.

Тој потсети дека Резолуцијата го почитува суверенитетот на Србија, како и дека статусот на Косово треба да се најде во преговорите меѓу Белград и Приштина.

„Како што рече претседателот Путин, ние ќе го поддржиме секое решение што и одговара на Србија“, рече Лавров.

На прашањето дали Вашингтон врши притисок врз Србија да се приклучи кон санкциите против Русија, тој рече дека „секогаш има притисок“, но дека позицијата на Србија нема да се промени, бидејќи „никогаш нема да воведе санкции за Русија“, рече Селаковиќ

„Русија е наш стратешки партнер, наш пријател кој постојано нè поддржува“, додаде Селаковиќ, кој денес ја завршува дводневната посета на Русија.

Прикажи повеќе...

Најново

Регион1 час

Јанша го негира нон-пејперот: Тој документ не постои

Нема документ, па дури и нон-пејпер, со кој Словенија би се залагала за промена на границите на Балканот, е пораката...

Македонија4 часа

Судот одреди домашен притвор за Драги Рашковски

Ексгенералниот секретар на Владата, Драги Рашковски, доби домашен притвор, кој му е изречен од Кривичниот суд. Судијата кој одлучуваше, го...

Македонија5 часа

Нови 908 заболени и 31 починат од Ковид-19

Во последните 24 часа се направени 3.616 тестирања, а регистрирани се 908 нови случаи на Ковид-19, и тоа во: Скопје...

Македонија6 часа

Заев за Рашковски: Нема недопирливи, но никој не е виновен додека за него не се докаже вина

Во однос на истрагата за поранешниот генерален секретар на Владата, Драги Рашковски, премиерот Заев вели дека нема недопирливи, но пресумцијата...

Македонија8 часа

Богдановиќ укажува дека ако се суспендира планот за зградите кај „Холидеј ин“, штетата ќе ја платат граѓаните

Во стариот Закон за урбанистичкото планирање општините немаа никакво ограничување за тоа колку да трае суспензијата или неспроведувањето на плановите...

Македонија8 часа

Филипче: Ќе преговараме Институтот „Торлак“ да ни стане стратешки партнер за набавка на вакцини

Министерството за здравство следната недела ќе преговара со српскиот Институт за вирусологија, вакцини и серуми „Торлак“ да стане наш стртепки...

Свет9 часа

СЗО: Стапката на новозаразени се ближи до нов рекорд

Бројот на нови случаи на коронавирус во светот на неделно ниво е речиси двојно зголемен во последните два месеца и...

Европа10 часа

Првите „ковид-фри“ возови од денес превезуваат патници од Рим до Милано

Денес, тргнуваат специјални „ковид-фри“ возови, во кои патниците ќе може да се качуваат само со негативен тест на коронавирус, што...

Регион11 час

„Фајзер“, „спутник В“ или „Синофарм“ – истражување во Србија покажа која вакцина штити најбргу

Граѓаните на Србија развија имунитет најбргу со вакцината на „Фајзер“ и тоа две недели по првата доза, што е за...

Македонија11 час

Во болниците во земјата се лекуваат 1.708 ковид-пациенти

Во изминатите 24 часа во ковид-центрите во болниците во земјата е пријавено дека се лекуваат вкупно 1.708 пациенти со коронавирус...

Регион11 час

Србија ги отвора училиштата

Кризниот штаб на Србија донесе одлука децата да се вратат на училиште. Според членот на Кризниот штаб, Предраг Кон, состојбата...

Македонија12 часа

Приведен Драги Рашковски, Обвинителството бара притвор

Полицијата го приведе поранешниот секретар во кабинетот на премиерот и поранешен генерален секретар на Владата, Драги Рашковски, во рамките на истрагата...

Европа1 ден

Четири лица починаа по примањето на вакцината на „Астразенека“ во Италија

Четири лица во Италија починаа од ретки тромби, откако беа вакцинирани со вакцината на „Астразенека“, се вели во извештајот на...

Македонија1 ден

Во Македонија 890 нови случаи на коронавирус, 35 лица починаа

Во последните 24 часа во Македонија се потврдени 890 нови случаи на коронавирус, 35 лица починаа, а оздравени се 1.024...

Македонија1 ден

Мицкоски: Илјадници луѓе се заведени во Избирачкиот список со два матични броја

Лидерот на опозицијата, Христијан Мицкоски, на денешниот брифинг со новинарите обелодени нов скандал со назив „Мафија 2“, кој се однесува...

Европа1 ден

Фон дер Лаен обвинета за кршење на дипломатскиот протокол

Претседателката на Европската комисија, Урсула фон дер Лаен, е обвинета за кршење на дипломатскиот протокол како одговор на поканата на...

Македонија1 ден

Кинеските вакцини ќе пристигнат на 28 април

Министерот за здравство најави дека на 28 април во земјата ќе стигнат 200 илјади кинески вакцини додавајќи дека потврдата ја...

Регион1 ден

Објавен нон-пејперот што го потресе регионот: предлози за нови граници на Балканот

Словенечкиот портал „Нецензурирано“ го објави нон-пејперот, односно неофицијалниот дипломатски документ за новите поделби на територијата на поранешна Југославија. Документот, кој...

Регион1 ден

Борисов ја достави оставката пред Националното собрание

Бугарскиот премиер, Бојко Борисов, утрово ја достави оставката пред новоизбраното 45-то Национално собрание на раководениот од него Совет на министрите,...

Европа1 ден

Две години од пожарот во „Нотр Дам“ – се очекува катедралата повторно да биде отворена во 2024

Катедралата „Нотр Дам“ во Париз, уништена во пожар пред две години, повторно ќе биде отворена во 2024 година, вети во...

Досие