Регион
Над 340 земјотреси почувствувани во Албанија

Лажната најава за нов силен земјотрес предизвика паника на улиците на главниот град на Албанија, Тирана, и на Драч. Веста ја објавија неколку портали, која потоа брзо се прошири. Тоа предизвика паника кај стотици граѓани кои ги напуштија домовите и останаа на улиците во очекување на земјотресот.
Владата реагираше со соопштение дека се работи за лажна вест. ,,„Пред неколку минути се појави лажна вест што предизвикува паника во Тирана дека следува силен земјотрес, многу посилен од оној од 5,8 степени. Апелираме до сите граѓани да не веруваат во оваа вест. Лажна е. Никој не може да предвиди земјотрес. Ова е кривично дело”, се вели во реакцијата на Министерството за одбрана.
Викендов Тирана и Драч беа погодени од серија земјотреси од кој најсилниот беше од 5,8 степени. Албанскиот институт за геолошки науки, енергија, вода и животна средина соопшти дека повеќе од 340 последователни земјотреси се регистрирани по земјотресот со интензитет од 5,8 степени што го погоди Драч во саботата.
Повредени се 105 луѓе, а 600 домови, претежно изградени пред 1990 година, претрпеа штета во земјотресот, кој го прекина и снабдувањето со вода и електрична енергија во Тирана, Драч и некои западни и централни делови.
Албанскиот премиер Еди Рама поради земјотресите ја откажа посетата во Њујорк на состанокот на Генералното собрание на Обединетите нации. Тој кажа дека добил повици од колеги од Италија, Франција, Германија и други европски земји кои му ја понудиле својата помош.
Комесарот за проширување на Унијата, Јоханес Хан, кој е во заминување од функцијата, на неговиот профил на „Твитер“ соопшти дека Унијата понудила помош.На владина седница одлучено е полицијата да биде во состојба на зголемена готовност за да ја контролира ситуацијата по земјотресите кои најмногу беа почувствувани во Тирана и Драч.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Воз прегази мигранти кои спиеле на шините на патот кон Солун

Воз кој сообраќал од Драма кон Солун рано утринава прегази тројца мигранти кои спиеле на шините.
Несреќата се случила во близина на Драма, гратче кое се наоѓа недалеку од Кавала.
Надлежните потврдија дека несреќата се случила, а жртвите најверојатно се странски државјани, илегални мигранти.
Се претпоставува дека во текот на ноќта легнале на железничките шини да спијат, пренесе Телеграф.рс.
Регион
(Видео) Авион на „Визер“ летал неколку метри над главите на туристите при слетувањето на Скијатос

Авион на „Визер“ летал неколку метри над главите на туристите при слетувањето на грчкиот остров Скијатос.
На драматичната снимка може да се забележат ентузијасти кои често на приодот до островот чекаат авионот да слета на пистата, која е многу блиску до брегот.
Но и искусните во вакви ситуации не биле подготвени за слетување на „ербасот“ на компанијата „Визер“ кој им поминал точно над главите и едвај ја прелетал заштитната ограда на аеродромот.
Авионот слетал безбедно и нема повредени. Бидејќи пистата на аеродромот на Скијатос е релативно кратка, пилотите мора да ѝ пријдат што е можно пониско за да застанат.
Околу аеродромот има предупредувања дека пристапот е забранет, но луѓето, како што може да се види на видеото, главно ги игнорираат, пренесува Блиц.рс.
Wizz Air A321 low landing in Skiathos ????✈️
???? ErinGC2002 pic.twitter.com/cbyqUDhhYH
— Aviation World (@aviationworld00) August 6, 2022
Регион
Се огласиле сирените за тревога во Сараево, граѓаните во паника

По грешка на сараевската Општина Центар, денеска напладне се вклучиле сирените за тревога, што вознемирило многу граѓани.
Сараевската телевизија N1 објави дека оперативниот центар на Цивилната заштита на кантонот Сараево појаснил дека тоа е вина на Општина Центар. Оперативниот центар набргу потоа бил преоптоварен од повиците на граѓаните во врска со овој случај.
„Ја известуваме јавноста дека сирените се огласени по грешка, без потребното соопштение и предупредување. Сирената беше програмирана да се огласи минатиот месец, односно на 11 јули во 12 часот во спомен на жртвите од геноцидот во Сребреница. По грешка програмата за овој месец остана иста“, изјавиле од тамошната Општина Центар.
На граѓаните им порачале дека нема причина за загриженост.