Свет
Норвешка со најголем пензиски фонд во светот од 200 000 долари по глава на жител
Вредноста на норвешкиот стабилизациски фонд достигна рекордни 10 000 милијарди норвешки круни (1 090 милијарди долари), пред се поради растот на акциите на глобалниот пазар. Фондот објави дека вредноста на државниот пензиски фонд Глобал достигнал 10.000 милијарди круни за прв пат од основањето, што значи повеќе од 200.000 американски долари по глава на жител во земјата богата со нафта.
Фондот кој е формиран во 1996 година поради штедењето на приходите од енергија за идните генерации, достигна рекордна вредност во време кога администрацијата размислува за промена на стратегијата, вклучително начинот на борба против климатските промени и предложените големи инвестиции во САД.
Познат како нафтен фонд, управуван од специјална единица на Норвешката Централна банка, Националниот фонд за стабилизација инвестира околу 70% од своите средства во капитали на глобалните пазари и околу 28% во портфолиото на обврзници. Остатокот е фокусиран на недвижен имот
“Кога беше формиран фондот, никој не помисли дека неговата вредност ќе надмине 10.000 милијарди круни. Имавме среќа што ја откривме нафтата”, рече извршниот директор на фондот, Ингве Слингштад. Според него, враќањето на инвестициите на глобалните финансиски пазари е толку големо што може да се спореди со повторно откривање на нафтата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Се бараат оставки поради трагедијата во Домот за пензионери
Голем број граѓани на Тузла денеска излегоа на улиците на градот и одржаа протест, изразувајќи го своето незадоволство поради трагедиите и скандалите што го погодија Тузланскиот кантон.
Пожарот што избувна во вторникот во Домот за пензионери во Тузла однесе 13 животи, а 12 пациенти сè уште се наоѓаат во болница. Како што беше утврдено, жртвите починале од труење со јаглерод моноксид.
Една седмица претходно, Тузланскиот кантон го потресе случајот со подведување малолетнички, за што се осомничени полициски службеник и еден професор. Нивното подведување траело неколку месеци во текот на минатата и оваа година.
Присутните граѓани од Тузла, но и оние кои допатуваа од други градови на Босна и Херцеговина, денеска побараа оставки од надлежните.
Свет
Три девојки планирале терористички напад во Париз
Девојки на возраст од 18, 19 и 21 година, беа уапсени и обвинети за терористичка завера и планирање напад во Париз, соопштија денеска истражните органи.
Како што е наведено, тие неколку недели планирале насилен терористички напад врз кафуле или концертна сала во Париз, јави РТЛ.
Апсењето и обвинението против трите жени е резултат на истрагата на Националното обвинителство за борба против тероризмот, која беше успешно завршена пред 10-годишнината од смртоносниот терористички напад на 13 ноември 2015 година во Париз.
Свет
Се запали магацин за парфеми во Турција, загинаа шест лица
Најмалку шест лица загинаа, а две се повредени во пожар што утрово избувна во магацин за парфеми во градот Диловаси, во северозападниот дел на Турција.
Според снимките што ги емитуваше турскиот канал НТВ, изгореле два ката од зградата во која се наоѓале магацинот и работилницата за производство на парфеми.
Засега нема информации за тоа што го предизвикало пожарот.

