Земјотрес со јачина од 5,4 степени според Рихтеровата скала го погоди грчкиот остров Крит.

Според податоците на сеизмолозите, епицентарот на потресот е лоциран на длабочина од 40,5 километри југозападно од Арви, пренесе Спутник.

Се уште нема информации за жртви и материјална штета.

Според Европскиот-медитеранскиот сеизмолошки центар, земјотресот бил посилен – 5,9 степени според Рихтеровата скала.

Ова е шетси и најсилен земјотрес кој го погодил Крит за време на последниот месец.

Околу 200 „незаменливи“ книги вредни повеќе од 2,5 милиони фунти (3,2 милиони американски долари), кои биле украдени од еден магацин во Лондон, се пронајдени закопани под подот на куќа во рурална Романија, соопшти полицијата, пренесе Би-би-си.

Делата вклучуваат први изданија на Галилео и Исак Њутн.

Тие биле украдени од крадци во јануари 2017 година, кои отсекувале дупки во покривот на магацин во Фелтам, а потоа влегле преку нив, избегнувајќи ги сензорите.

Мажите биле идентификувани како дел од романска банда за организиран криминал.

Бандата е одговорна за низата кражби на магацини со голема вредност низ Велика Британија, се вели во соопштението на лондонската полиција Метрополитен.

Полицајците ги откриле книгите под земја при претрес на куќа во регионот на Неама, во североисточна Романија.

Адвокатката Амал Клуни, специјализирана за човекови права, поднесе оставка од функцијата специјална претставничка на Велика Британија за слобода на медиумите, протестирајќи против намерата на Лондон да го прекрши меѓународното право со донесување закон за внатрешен пазар.

„Жално е што Велика Британија зборува за кршење на меѓународен договор потпишан од премиерот пред помалку од една година“, напиша Клуни, која е во брак со актерот Џорџ Клуни, во писмо до министерот за надворешни работи Доминик Рааб.

„Ова ќе ги охрабри автократските режими кои го кршат меѓународното право со разорни последици за целиот свет“, додаде таа.

Премиерот Борис Џонсон вели дека законот е неопходен за да се спречат „апсурдните“ закани од Брисел, но предизвика низа оставки и закани од пратениците.

Британската влада минатата недела го претстави предлог-законот со кој, како што признава, ќе ги прекрши своите меѓународни правни обврски и ќе поништи делови од договорот за брегзит што го потпиша пред да ја напушти ЕУ во јануари.