Појавата на првите унисекс тоалети во Словенија е придружена со идеолошка и политичка полемика, а особено внимание привлече отстранувањето на класичните писоари за мажи на Факултетот за политички науки во Љубљана.

Дел од јавноста тоа го сфаќа како левичарска провокација и помодарско наметнување на т.н. родова идеологија во образовниот систем, а другиот дел како фаќање чекор со духот на времето, пренесуваат словенечките медиуми.

„Имаме многу трансродни луѓе кои се чувствуваат загрозени во класичните тоалети затоа што се напаѓани поради различноста. Живееме во 21 век и сакаме тие да се чувствуваат безбедно. Ова е најмалку што можеме да направиме“, за порталот за Siol.net. изјави деканката на факултетот Моника Калин Голоб.

Конзервативните портали и здруженија имаат сосем поинакво мислење за унисекс тоалетите.

Уредниците на порталот „Домовина“ се прашуваат дали отстранувањето на писоарите во елитна образовна институција, каде што студирале многу словенечки политичари, е еден вид „симболична кастрација“ на машкиот род и знак за имитација на помодарските трендови во странство.

Покрај тоа, искуствата од странство веќе укажуваат дека воведувањето бесполни тоалети, соблекувални и тушеви предизвикува голем број проблеми поврзани со приватноста, пишува конзервативниот портал.

Во Грција е регистриран пораст на бројот на тешки случаи на заболени и починати од грип. Според Националната организација за јавно здравство, од октомври до минатата недела биле пријавени 59 случаи на грип, од кои 50 се лекувани на одделенито за интензивна нега.

Само минатата недела 27 од 50 случаи се примени на интензивна нега.

Као што се наведува, 42,4 проценти од пациентите во одделението на интензивна нега се разболеле, иако биле благовремено вакцинирани против грип.

Во Грција вкупно се пријавени 13 смртни случаи од компликации на оваа болест, од што седум биле на одделението на интензивна нега.

Исто така зголемен е бројот на посети на лекари на пациенти со симптоми на грип.

Нанесувајќи им силен удар на туристите, повеќето обележја во Париз се затворени поради масовните протести против законот за реформи во пензискиот систем.

„Поради национален штрајк, јас сум затворена денес. Пристапот до моето шеталиште останува отворен и бесплатен“, беше објавено на Твитер профилот на Ајфеловата кула денеска.

И Версај и Лувр, исто така, предупредија за евентуални проблеми во работата, пренесува РТ.

Досега, целосно е затворена само Ајфеловата кула, а комплексот Версај и музејот Лувр ги предупредуваат посетителите дека може да се случат затворања. Ова е трет пат Ајфеловата кула да биде е затворена од почетокот на штрајковите на почетокот на декември минатата година.

Затворањето доаѓа во екот на протестите на национално ниво, кои се интензивираа денеска кога се очекува Министерскиот совет на Франција да донесе одлука за судбината на законот за пензиските реформи.