Македонија
Потврдени 66 нови случаи на коронавирус во земјата, најмногу има во Куманово
Во изминатите 24 часа потврдени се 66 нови случаи на Ковид-19. По градови, најмногу има во Куманово (27), па во Скопје (10), Струга (6), Тетово (5), Прилеп (4), Штип, Охрид и Кочани по тројца, во Велес и Неготино по два случаја и еден заразен во Гостивар.
Со ова вкупната бројка на дијагностицирани пациенти на Ковид-19 во нашата земја изнесува 974 лица. Според местото на живеење, досега се регистрирани случаи во:
Скопје – 339, Куманово – 262, Дебар – 49, Штип – 31, Прилеп – 89, Тетово – 43, Струга – 49, Велес – 36, Битола – 9, Охрид – 7, Кавадарци – 3, Гостивар – 10, Гевглелија – 4, Струмица – 2, Крива Паланка – 4, Радовиш – 4, Крушево – 3, Кочани – 25, Пробиштип – 2, Кичево – 1, Неготино – 2.
Министерството за здравство информира дека за пациентката, која пред два дена почина во ГОБ „8 Септември“, денеска е пристигнат резултатот од брисот, кој покажал присуство на Ковид-19. Пациентката на возраст од 76 години од Скопје била хоспитализирана во болницата со симптоми на вирусот. Во согласност со конечната потврда за присуство на Ковид-19 овој случај ќе биде евидентиран во денешната статистика на Институтот за јавно здравје.
Денеска, регистрирани се 12 оздравени пациенти од Скопје, кои се лекуваа во домашни услови, а кои по два контролни теста, се негативни на коронавирусот.

Во изминатото деноноќие направени се 500 теста. Преку ИЈЗ – 310, преку Ветеринарниот факултет – 24, „Авицена“ – 24, „Биотек“ – 24 и „Филип Втори“ („Жан Митрев“) – 118. Досега во земјата се направени вкупно 9.762 тестирања на Ковид-19.
На Клиниката за инфективни болести и фебрилни состојби нема прием на нови пациенти. Хоспитализирани се вкупно 57, од кои 14 на кислородна поддршка и 6 на механичка вентилација.
Во болницата „8 Септември“ примени се 6 нови пациенти, а вкупно хопситализирани 34. На респираторна машина се 6 пациенти, а 8 се со потешка клиничка слика.
Во битолската болница до утрово хоспитализрани се 5 пациенти, сите се во подобрена состојба и земени се први контролни брисови кај тројца од пациентите. Денеска, пристигнува уште еден пациент од Охрид, кој ќе биде лекуван во оваа болница. На домашно лекување се следат 8 пациенти.
Во болницата во Штип се лекуваат вкупно 8 пациенти, сите се стабилни, а во домашни услови се следат уште 17 пациенти.
Едно лице, кое во вчерашната статистика беше евидентирано во Куманово, по завршување на епидемиолошката анкета, е утврдено дека е жител на Крива Паланка и во согласност со тоа е адаптиран денешниот извештај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Забранет сообраќајот на регионалниот пат Гостивар – село Чегране поради излевање на реката Вардар и обилниот дожд
Во 20.40 часот е воведена забрана за сообраќај на регионалниот пат Р2-233 Гостивар – село Чегране поточно во село Форино, поради излевање на реката Вардар и обилни врнежи од дожд, извести АМСМ.
Сообраќајот се пренасочува од село Чајле кон село Старо Чајле према село Форино.
Воведена е забрана за сообраќај и на локалниот пат од „Тумчевишка Петла“ кон село Тумчевиште и село Чегране, додаваат од АМСМ.
Македонија
Меѓународните односи, реформите и борбата против корупција во фокусот на разговорите меѓу Сиљановска-Давкова и Варнс
Претседателката Гордана Сиљановска-Давкова ја прими Никол Варнс, вршителка на должноста шеф на мисијата во Амбасадата на САД.
Таа изрази подготвеност за понатамошна соработката со истата динамика и посветеност како со претходната амбасадорка.
Разговорот започна со осврт на меѓународните односи, состојбите во НАТО, ЕУ и регионот.
Потоа соговорничките се фокусираа на македонските работи: реформските процеси во судството, дигитализацијата, борбата против корупцијата и организираниот криминал и реализацијата на инфраструктурните проекти.
За нив, инклузивниот модел на одлучување и меритократијата во сите сфери на општествениот живот, а особено во образовниот систем и во регрутирањето на државната и јавна администрација на највисоко ниво се клучни не само за нашата евроинтеграција, туку и за просперитетот на државата.
Во време на безбедносни предизвици и ризици, за обете, американско-македонското стратешко партнерство, како и сојузништвото во НАТО се важни за стабилноста.
Амбасадорката ја потврди американската подготвеност за унапредување на пријателските односи, поздравувајќи ја неодамна усогласената заедничка изјава за рамката за идниот Договор за реципрочна, фер и балансирана трговија, како значаен чекор во зајакнувањето на економската соработка.
Сиљановска-Давкова и Варнс очекуваат со Акцискиот план да се конкретизираат низа проекти во интерес на граѓаните.
Македонија
Укината забраната за сообраќај на камиони на патот Гостивар-Стража-Кичево
Од 17:20 часот укината е забраната за ТМВ на патниот правец Гостивар-Стража и обратно.
Сообраќајот на државните патишта се одвива во зимски услови, по влажни коловози. Врнежи од снег има на Пониква и на патниот правец Штип-Неготино кај с.Лесковица, кој во моментов не претставува пречка за одвивање на сообракајот, јави АМСМ.

