Македонија
Почнува зимското сметање на времето – стрелките на часовникот се враќаат еден час наназад

Викендов почнува зимското сметање на времето, со што стрелките на часовникот в сабота кон недела ќе се вратат еден час наназад. Зимското сметање почнува во 3 часот по полноќ кога наместо три часот ќе биде 2 часот по полноќ.
Зимското сметање на времето трае до последниот викенд во март 2020 година.
Од 2021 година треба да стапи во сила предлогот за укинување на задолжителното поместување на часовникот за еден час во земјите од Европската Унија. Предлогот беше усвоен од Европскиот парламент, но секоја членка на ЕУ ќе има можност да избере дали ќе остане на летно или на зимско сметање на времето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Судската администрација револтирана: На списоците за вакцинација се само претседатели на судови и судии

Здружението на судска администрација реагира на Листата за приоритетна вакцинација изготвена на 12 април и бара информација врз основа на кои критериуми Судскиот совет ги изработува листите за вакцинирање на вработени во судовите.
Слудските службеници велат дека на оваа листа се нашле само членови и вработени во Судскиот совет, претседатели на судови и судии, додавајќи дека тие се целосно изоставени.
„Според Националната техничка група за имунизација против Ковид-19, вработените во судовите се дел од критичната државна инфраструктура, но нејасно е како тоа на листата за вакцинирање без исклучок постои само една категорија на вработени во судовите“, се наведува во реакцијата на судската администрација до Судскиот совет.
Во неа се објаснува и дека судските службеници работат во писарниците и канцелариите со повеќе свои колеги без можност да одржуваат ниту минимум меѓусебно растојание со што во континуитет го загрозуваат своето и здравјето на своите семејства.
„Каде е тука правдата и правичноста која треба да биде темелна вредност на секој судски систем почнувајќи од ‘сопствениот двор’?“, јавно прашуваат судските службеници.
Македонија
Потпишана заедничка изјава на активистки од Балканот против родово насилство на интернет

Жените-активистки за човекови права од балканскиот регион, потпишаа заедничка изјава во која го адресираат проблемот за постоењето на „Телеграм групи“ во кои се вознемируваат жени во земјите на поранешна Југославија, кои и понатаму остануваат незаштитени од институциите на државите.
„Ние, жените-активистки за човекови права од балканскиот регион стоиме заеднички и солидарно со сите жени жртви на онлајн родово-заснованото насилство и бараме од надлежните институции да постапуваат согласно нивните овластувања за темелно и неодложно да го истражат случајот со групите на платформата Телеграм (како Балкан роом, Јавна Соба, Гевгелија Хаб, Српска соба, Смоква и други), да ги санкционираат сторителите и заштитат жртвите од понатамошна виктимизација“, стои во заедничката изјава.
Од таму потсетуваат дека на точно една година по појавата на ваква група на мрежата „Телеграм“ во Македонија, која како што сведочат се користи за сексуално вознемирување на девојки преку објави на нивни фотографии без никаква согласност, во порнографски контекст, како и лични податоци за жртвите.
Од овие организации предочуваат и за нови случаи на ваква злоупотреба не само во државата, туку во целиот регион.
„И покрај тоа што администраторите и креаторите на две од овие групи се уапсени, сметаме дека тоа е само прв чекор во пристапот до правда кој мора да им биде обезбеден на сите жртви на овој тип на кривични дела. Институционалниот молк праќа порака дека насилството врз жените се толерира, дека не е казниво, насилниците се охрабруваат да продолжат со своето однесување, а жртвите остануваат заплашени, засрамени и неми. Случаите во Македонија, Србија и Хрватска покажаа дека против мал број од сторителите се иницираат кривични постапки и дека оние малку сторители кои се гонат, се гонат само за кривичното дело „производство и дистрибуција на детска порнографија“, со што е оневозможена заштитата на полнолетните жртви“, напоменуваат од организациите.
Од таму додаваат дека е многу очигледен молкот на институциите кој како што велат дополнително го охрабрува фунцкионирањето и одржувањето на вакви групи во дигиталниот простор, а девојките и понатаму се соочуваат со опасност по личната безбедност и нарушено достоинство и здравје.
„За проблемот да почне да се решава, прво мора да се именува. Ова не е проблем на злоупотреба на лични податоци, па затоа и не може да се решава преку таков ограничен пристап. Ова е проблем на родово засновано насилство, со цел понижување, уценувње, замолчување и опресија на девојки и жени и доколку не се третира како таков, насилниците ќе успеат во својата цел. Овој случај е шанса на институциите од целиот регион да покажат дека се залагаат за женските права и заштитуваат од родово засновано насилство, фактички, а не само декларативно“, стои во заедничката изјава на овие организации.
Македонија
Димитров во работна посета на Виена

Заменик претседателот на Владата задолжен за европски прашања Никола Димитров, денес престојува во работна посета на Виена. Димитров ќе има средби со Каролине Едштадлер, министерка за Европа и Устав и со министерот за надворешни работи на Австрија, Александер Шаленберг.
Посетата е дел од турнејата на вицепремиерот Димитров на главни градови на ЕУ земји членки, а во контекст на изразените австриски заложби за интензивирање на процесот на проширување на ЕУ со државите од Западен Балкан, како и ангажманот на Австрија во справувањето со КОВИД-19 пандемијата и обезбедувањето помош врз основа на принципот на солидарност. Поконкретно, Димитров ќе се осврне на реформските чекори и цврстата посветеност на Северна Македонија во надминувањето на предизвиците и исполнувањето на европската агенда, а главниот акцент ќе биде ставен на изгледите за постигнување поголема кредибилност и остварливост на европската перспектива и нејзино конкретизирање преку одржување на првата меѓувладина конференција со ЕУ.
На средбите ќе се отворат и темите повразни со билатералната соработка со Австрија како наш посветен поддржувач, која вклучува конкретна помош за спроведување на реформите во клучните области од процесот на европска интеграција, како и конкретни хуманитарни, инфраструктурни и инвестициски проекти.
- Свет3 месеци
Поради примање мито во Кина погубен поранешен државен функционер
- Европа2 месеци
Планот за отклучување на Германија протече во медиумите, Меркел: Имаме трет бран
- Економија2 месеци
Сите брендови на Индитекс доаѓаат во „Ист гејт мол“
- Свет1 месец
(Видео) Полиција собори маж на земја пред неговото мало дете зашто немал маска
- Црна хроника2 месеци
Брат и сестра нападнати на Широк сокак
- Економија2 недели
„Оштетени штедачи“: Фирма на Игор Џамбазов зела неповратен кредит од Еуростандард банка
- Регион2 месеци
Вучиќ за ковид-пасошите: Кои сте вие да го ограничите движењето на некој што не сака да се вакцинира?
- Македонија2 недели
Ѓорчев: Мојот татко е во кома откако се вакцинираше во Ниш