Свет
Сè повеќе млади луѓе умираат од Ковид-19, кои се причините за тоа?
Високиот крвен притисок, дијабетес, дебелина и возраст се покажаа како најчести причини зошто некои пациенти не го преживуваат Ковид-19. Станува збор за ризици коишто можат да предизвикаат компликации кај пациенти со коронавирус, за кои често нема лек. Сепак, останува нејасно зошто сè повеќе млади луѓе се на респиратор, дури и умираат од корона, иако немале претходни здравствени проблеми.
Во последно време сè повеќе се зборува за можна „генетска позадина“, т.е. фактот дека нашата генетска ранливост може да има влијание врз тоа како некој се справува со вирусот.
Како пример за улогата на генетиката, холандскиот генетичар Александар Хојшен од Медицинскиот центар на Универзитетот „Радбоунд“ (РУМЦ) во Нијмеген наведува двајца браќа на 35-годишна возраст, кои немале други здравствени проблеми, се заразиле со коронавирусот и двајцата завршиле на респиратор.
Ранливост
„Во тој случај, веднаш се прашувате дали генетските фактори можат да играат улога“, вели Хојзен.
Тој додава дека би можело да биде случајно што и двајцата биле толку сериозно болни, но и дека може да станува збор за грешка во имунолошкиот систем.
За време на проучувањето на тие два случаи, научниците добиле извештај за уште две помлади лица од другата страна на Холандија, кои исто така завршиле на респиратор и започнале со истражување бидејќи немале семејна врска. Додека траело истражувањето, еден од нив ја загубил битката со вирусот.
За да се идентификува генетската ранливост од инфекцијата, истражувачите ги секвенцирале нивните егзоми, кои содржат делови коишто кодираат протеини во сите гени. Особено внимание тие посветиле на гените за кои се знае дека се вклучени во вродениот имунолошки одговор.
Се покажало дека четирворицата мажи имаат мутација на ген којшто во некои имунолошки клетки произведува TLR7 рецептор. Имено, TLR7 го предупредува имунолошкиот систем на инфекција, односно откривање на синџирот на РНК што ги носат некои вируси, како што е случајот со САРС-КоВ-2. Научниците исто така сметаат дека овој рецептор ги препознава и тесно поврзаните вируси на корона, како што се МЕРС или САРС. Кога се активира вирусот, рецепторот го „буди“ ослободувањето на интерферон, т.е. молекулите на имунолошка сигнализација кои учествуваат во одбраната на телото од вирусни инфекции.
Промени на ДНК
Покрај генетските тестови, истражувачите тестирале и имунолошки клетки од крвта на пациентите и нивните семејства. Се покажало дека сите имаат многу помалку интерферон како одговор на инфекцијата отколку што се очекувало. Во лабораторијата, тие користеле молекула наречена имиквимод (модификатор на имунолошкиот одговор) за да ги активираат TLR7 рецепторите со симулирање на инфекција.
Откриле дека мутацијата во TLR7 ја оневозможува нивната заштита од коронавирусот. Нагласено е дека ваквото истражување е од големо значење за можните лекови кои би им помогнале на таквите пациенти да го „подобрат“ имунитетот или да одговорат подобро.
Генетското истражување најчесто е поврзано со сериозните заболувања кај младите луѓе со Ковид-19, односно оние кај кои немало здравствен ризик што би било причина за да се појават компликации.
Во студијата објавена пред околу еден месец, во која се испитува геномот на 1.610 пациенти хоспитализирани за време на епидемијата во Шпанија и Италија, се откриени промени во ДНК кои исто така можат да влијаат на текот на болеста, иако тие се многу мали, пренесува „Јутарњи лист“.
Откриено е дека кај некои пациенти имало генетски промени што доведуваат до нарушувања на протеините хемокин коишто комуницираат со молекулите на имунолошкиот одговор. Тие обично служат за привлекување на имуните клетки во нападеното ткиво со цел да се уништи вирусот.
Научниците докажаа дека овие промени биле 1,5 пати почесто присутни кај оние пациенти на кои им бил потребен респиратор или некоја друга поддршка за дишење. Имено, мала промена во ДНК е поврзана со намалена активност на ген што помага во регулирање на хемокините.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) „Тие се мразат толку многу што не може да дишат“: Трамп инсистира дека тој е клучен за средба меѓу Путин и Зеленски
Американскиот претседател Доналд Трамп во неделата ја повтори својата подготвеност да воведе нови санкции врз Русија, но постави јасен услов – посилен одговор од европските земји и од сојузниците на НАТО. Во разговор со новинарите Трамп нагласи дека американските акции зависат од европските потези критикувајќи ги сојузниците за она што тој го смета за недоволен придонес кон заедничката безбедност, пишува „Киев пост“.
„Европа купува нафта од Русија. Не сакам тие да купуваат нафта“, нагласи Трамп. „А санкциите што ги воведуваат не се доволно строги. Јас сум подготвен да воведам санкции, но тие ќе мора да ги заострат своите санкции пропорционално на она што го правам јас“, додаде тој.
Оваа позиција, со која тој ја условува американската акција, е тема што се повторува во неговата политика. „Тие не си ја работат својата работа. НАТО мора да се обедини. Европа мора да се обедини“, рече тој додавајќи дека „не може да се очекува од нас да бидеме единствените што одат напред со полна пареа“.
🇺🇲🇺🇦🇷🇺 There is boundless hatred between Zelensky and Putin, they hate each other so much that they cannot talk, — Trump
Trump stated that the next stage of negotiations regarding the war in Ukraine should be a trilateral summit.
See the latest updates with us: @NSTRIKE1231 pic.twitter.com/oGnfg2iID4
— Visioner (@visionergeo) September 15, 2025
„Омразата меѓу Зеленски и Путин е несфатлива“
Трамп исто така се осврна на можноста за директна средба меѓу украинскиот претседател Володимир Зеленски и рускиот претседател Владимир Путин. Запрашан за перспективите за мировни преговори, тој рече дека омразата меѓу двајцата лидери е несфатлива.
„Тие се мразат толку многу што не може да дишат“, рече тој инсистирајќи дека тој е клучот за нивно зближување. „Мислам дека ќе морам да зборувам за сè“.
Иако состанокот сè уште не е потврден, Трамп рече дека ќе се одржат разговори.
„Ќе има разговори. Без разлика дали ќе го наречете самит или само собир, не е важно, но веројатно ќе морам да се вклучам. Тие не се способни да разговараат едни со други“.
Трамп ја нарекува Русија агресор
Во своето обраќање Трамп конкретно го истакна човечкиот данок од војната наведувајќи бројки за жртви. „Речиси 8.000 млади војници загинаа оваа недела меѓу двете земји… всушност, неделава 8.017 загинаа во оваа војна“.
Иако претходно се двоумеше, овој пат не се двоумеше да ја нарече Русија агресор. „Знаете, кога сте агресор, губите повеќе. Не знам дали го знаете тоа, но во војна, кога сте агресор, обично губите повеќе“.
Тој заврши со забелешката: „Зошто? Тие се Руси. Тие не се американски војници, но сепак се човечки суштества. Тие се души и сакам да ги запрам“.
FINALLY!!! Trump admits that russia is ‘aggressor’ 👇🏻 pic.twitter.com/c8VBU6SNTL
— Alex Raufoglu (@ralakbar) September 15, 2025
Коментарите на Трамп предизвикаа остри критики во Капитол Хил. Конгресменот Адам Смит, врвен демократ во Комитетот за вооружени сили, понуди сосема поинаков став.
Појавувајќи се на „Фокс њуз сандеј“, Смит рече дека трговската војна со Кина е одвоено прашање од конфликтот во Украина. „Не мислам дека царините за Кина ќе направат значајна разлика во конфликтот во Русија“, рече тој. Тој ја нагласи потребата од единство меѓу Соединетите Американски Држави и нивните сојузници од НАТО во поддршка на Украина и рече дека Трамп „треба да биде појасен дека Путин ја почна оваа војна. Ова е војната на Русија во Украина“.
Смит ги отфрли тврдењата на Москва за легитимни безбедносни загрижености како оправдување за инвазијата. „Русија нема легитимни безбедносни загрижености што би ги принудиле да ја нападнат Украина. Тие ја почнаа оваа војна. Тие мора да ја завршат“, рече тој.
И покрај неговите смели изјави, односот на Трамп со Русија останува извор на контроверзии. Критичарите често го обвинуваат дека бил премногу мек кон Москва за време на неговото претседателствување, а неговите закани за санкции честопати не се материјализираа.
Неговите најнови коментари ја разгореа дебатата за најефикасниот начин за управување со конфликтот. Додека еден републикански помошник во Конгресот тврди дека фокусот на Трамп на жртвите одразува желба за брзо завршување на борбите, критичарите како Смит ја истакнуваат недоследноста во неговиот пристап. Засега патот до решение останува неизвесен, како и мировните преговори за кои Трамп тврди дека сам може да посредува.
фото: принтскрин
Свет
Американските авиокомпании суспендираа вработени поради објави за убиството на Чарли Кирк
Водечките американски авиокомпании „Делта ерлајнс“, „Американ ерлајнс“ и „Јунајтед ерлајнс“ потврдија дека суспендирале неколку свои вработени поради несоодветни објави на социјалните мрежи поврзани со убиството на конзервативниот активист Чарли Кирк минатата недела, пишува Си-ен-ен.
Реакција на „Делта“
Извршниот директор на „Делта“, Ед Бастијан, во интерно писмо објасни дека дознале за објави на вработен што „далеку ги надминуваат границите на здрава, пристојна дискусија“. Тој додаде: „Овие објави на социјалните мрежи се во остра спротивност со нашите вредности и нашата политика на социјалните мрежи, а овие вработени се суспендирани во исчекување на истрагата“.
„Американ“ и „Јунајтед“ го следат примерот
„Американ ерлајнс“ во соопштението изјави дека вработените што објавиле содржина „што промовира такво насилство на социјалните мрежи се веднаш отстранети од работа“. „Јунајтед ерлајнс“ постапи слично потврдувајќи ги суспензиите и нагласувајќи во соопштението: „Јасно им кажавме на нашите клиенти и на вработените дека постои нулта толеранција за политички мотивирано насилство или каков било обид да се оправда“.
Притисок од администрацијата
Овие одлуки следуваа по притисокот од администрацијата на Трамп да го санкционира секој „што е фатен како слави атентат“. Министерот за транспорт, Шон Дафи, објави на социјалната мрежа „Икс“ во саботата: „Ова однесување е одвратно и тие треба да бидат отпуштени. Секоја компанија одговорна за безбедноста на патниците не може да толерира такво однесување“.
фото: принтскрин
Свет
Украина остана без клучните комуникации на бојното поле
„Старлинк“, сателитската интернет-мрежа во сопственост на Илон Маск, вчера доживеа глобален прекин, потврди компанијата на својата официјална веб-страница.
Сè уште не е потврдено дека „Старлинк“ е целосно вратен во употреба во Украина
Прекинот ги погоди корисниците во светот и беше особено сериозен во Украина, каде што „Старлинк“ ги одржува болниците, училиштата и воените единици на фронтот поврзани.
„’Старлинк“ повторно е паднат на целата фронтовска линија“, напиша украинскиот командант за борба со беспилотни летала Роберт (Мадијар) Бровди на „Телеграм“.
Речиси еден час подоцна тој објави дека врската постепено се враќа, иако „Старлинк“ сè уште не потврди целосно враќање на услугата.
Десетици илјади проблеми пријавени во целиот свет
Downdetector, платформа што ги следи прекините на интернет-услугите, регистрира десетици илјади пријави за проблеми од корисници во светот. Компанијата соопшти дека ја истражува причината за прекинот. Ова е втор голем прекин на услугата во последните месеци.
„Старлинк“ замени голем дел од уништената комуникациска инфраструктура во Украина и продолжува да обезбедува поврзување и за цивилите и за војската. Од почетокот на руската инвазија во 2022 година Киев доби повеќе од 50.000 терминали на „Старлинк“, од кои речиси 30.000 беа обезбедени од Полска.
Во јули 2023 година „Ројтерс“ објави дека Маск привремено го оневозможил покривањето над областа Херсон за време на украинската контраофанзива во 2022 година, што иницира прашања за зависноста на критичната инфраструктура од одлуките на приватна компанија.
фото: принтскрин
(Видео) „Дуото Апасиев-Мециновиќ си пикнало во џеб милиони од Левица, а на поддржувачите им велат донирајте ни пари“, вели Манасиевски
„Дуото Апасиев-Мециновиќ си пикнало во џеб милиони од Левица, а на поддржувачите им велат донирајте ни пари. Глумците Апасиев и...
(Фото) Презентирано визуелното решение за новата Универзална сала
Денеска, пред македонската јавност беше презентирано визуелното решение за новата Универзална сала – модерен и функционален објект, кој ќе го...
(Видео) Граѓаните го блокираа мостот „Близнаци“: секој ден без акција значи уште еден ден вдишување отрови
Граѓаните, утрово, од 7.30 часот, еден час ја блокираа крстосницата кај мостот „Близнаци“ помеѓу општините Аеродром и Гази Баба. „Овој...
(Видео) Запленети 204 банкноти и монети за колекционерски цели
Запленети се 204 банкноти и монети за колекционерски цели, чија вредност е проценета на 700 илјади денари. Случајот е откриен...
„Скопје се труе, Изет се крие: од потпретседател на Али Ахмети, заврши како портпарол на Мицкоски“, велат од ДУИ
„Демократската унија за интеграција изразува длабока загриженост за еколошката катастрофа што го погоди главниот град по избувнувањето на пожарот во...
„Доста беа приказни, за еколошката катастрофа во Скопје мора да има политичка и кривична одговорност“, велат од СДСМ
„Македонија има неспособна власт која раскажува приказни додека горат депонии и фабрики, а граѓаните ја плаќаат цената со сопственото здравје....
Двајца претепале човек во Паркот на жената борец: починал во болница, Обвинителството бара притвор
Јавен обвинител од Основното јавно обвинителство Скопје донесе Наредба за спроведување истражна постапка против две лица за кои постои основано...
Побаран притвор за четири лица во врска со пожарот во Трубарево
Скопското Обвинителство поведе постапка против четири лица поради сомнение за загрозување на животната средина и природата со отпад, во врска...
Се користи специјална пена врз песокта за да се доизгасне чадењето во Трубарево
Од опожарениот простор во Трубарево моментално има слабо чадење само од неколку места кои веќе се затрупани, информира директорот на...
Онлајн настава една недела во четири училишта во Гази Баба поради пожарот во Трубарево
Министерството за образование и наука информира дека наставата во основните училишта „Крум Тошев“, „Његош“, „Вера Јоциќ“ и „Наум Наумовски Борче“...
(Видео) Командантот на пожарникарите раскажа како се гаснел пожарот во Трубарево – на помош добиле хемиска пена, па стигнал и песокот
Скопските пожарникари во изминатите два дена интервенирале со целокупниот капацитет при големиот пожар во магацините за пластичен и електронски отпад...
„Ова ќе продолжи“ – Според Мицкоски зад пожарите стојат центри на моќ од земјата и од надвор
Премиерот Христијан Мицкоски денеска изјави дека пожарите кои во изминатиот период избувнуваат низ државата, меѓу кои и вчерашниот во магацинот...
На Клиника задржана жителка на Трубарево, лекарска помош побарале и директорот на ЦУК, војник и полицаец
Во моментот на Клиниката за токсикологија е хоспитализирана една жителка на Трубарево, која живее во непосредна близина на магацинот за...
Анализа на вода, ограничување на ученици и мерење на загадувањето – Министерството за животна средина по пожарот во Трубарево
Министерството за животна средина и просторно планирање, во соработка со Институтот за јавно здравје, Кризниот штаб на Владата и Државниот...
Денес ќе бидат објавени резултатите од мерењата на воздухот, кажа Меџити прашан кога ќе се знае што дише населението
Министерот за животна средина и вицепремиер, Изет Меџити, на прес-конференција во Владата информира дека за следење на состојбата со воздухот...
Обвинителство чешла документи, Армијата мери токсини по пожарот во Трубарево, се чека и на резултатите од министерството на Меџити
Во врска со големиот пожар што зафати магацински објекти во селото Трубарево, Основното јавно обвинителство Скопје соопшти дека презеле дејствија...
МВР трага по лице кое се обидело да запали „ауди“ и „јагуар“ во Куманово, ги испрскало возилата со бензин, но кога го виделе побегнал
Маж од Долно Којнаре, кумановско, пријавил дека во неговиот двор едно лице со бензин ги испрскало возилата „јагуар” и „ауди”...
(Видео) Се’ уште чади во Трубарево преку песокот со којшто е затрупан отпадот, спречено е ширење на пожарот
Благодарение на брзата и координирана акција на скопските пожарникари, спречено е ширење на големиот пожар што вчера избувна во Трубарево,...
Како ќе реагира Европа на ултиматумот на Трамп
Американскиот претседател Доналд Трамп упати ултиматум до сојузниците во НАТО, барајќи воведување „големи“ санкции кон Русија и целосен прекин на...
Меџити доцна синоќа се огласи за Трубарево: фирмата има дозвола за работа, резултатите од мерењата се очекуваат
Министерот за животна средина и просторно планирање, Изет Меџити, доцна синоќа се јави од Трубарево, каде што вчера избувна голем...
