Свет
Украина ќе води судски процес против Сталин
Украина се подготвува да одржи судење за обвинетите кои починаа пред 67 години – Јосиф Сталин и Лаврентиј Берија. Слично нешто се случи во јануари 2010 година во Киев, кога организираа лажно судење на одамна починатите водачи на СССР и Украинска ССР, и ги обвинија за Холодомор – големата глад во Украина која се случила во 30-тите години на минатиот век, пишува Спутник.
„Тогаш имаше претседателски избори, а тогашниот претседател Виктор Јушченко знаеше дека нема да се избори ниту во вториот круг, а она што тој навистина го сакаше беше да остане во историјата како човекот кој го осуди самиот Сталин. На првата десетминутна седница за запознавање, обвинителката го замоли судот да ѝ даде рок од четири дена да разгледа 250 тома од овој случај, но не и беше дадена таква можност. Следното утро, судот, кој првпат ги виде овие бројни томови, „внимателно ги проучи“ и донесе „историска пресуда“. Тужителката се ограничи на двеминутна забелешка, по што пресудата се читаше два часа и 40 минути, од која беше јасно дека е напишана однапред“, посочува Спутник.
Сега Украина одлучи да го повтори сличното судење на Сталин и Берија. Но, овој пат, веќе е земен предвид случајот со депортацијата на Кримските Татари во 1944 година. Актуелната влада сега има малку повеќе време отколку што тогаш имаше Јушченко, така што процесот се подготвува подолго и подетално.
Кривична постапка според членот 442 од Кривичниот законик на Украина беше покрената во декември 2015 година. Една година подоцна, Окружниот суд во Геническ одобри претходна постапка во врска со испрашувањето на жртвите. Во писмото од 18.05.2017 година, украинското обвинителство, претставувајќи се како „кримско обвинителство“, посочи двајца осомничени: Јосиф Сталин и Лаврентиј Берија. Неколку дена подоцна, во владиниот весник на Украина, истото обвинителство објави дека наводно ги известило починатите дека се осомничени.
Пред некој ден, Центарот за правна помош во Киев официјално ги назначи јавните правни застапници на обвинетите за „бесплатна правна помош“. Така, овој пат Сталин и Берија ќе имаат свои адвокати кои ќе зборуваат во име на мртвите.
За да не се претвори процесот во фарса, постои јасна практика во врска со случаите со мртви или починати: се поведува кривична постапка за сторено кривично дело, се спроведува истражна постапка, при што истражителот ги идентификува осомничените, се утврдува фактот за нивната смрт и се затвора овој случај, што што се координира ова прашање со обвинителството. Ова е секогаш случај и во Украина. Но, само ако Сталин не е осомничен. Кога оваа историска личност е на списокот на потенцијални обвинети, судската постапка се одвива поинаку.
Судејќи според коментарите на Андреј Домански, кој беше назначен за бранител на Сталин, украинскиот истражен суд едноставно се преправал дека не знае за смртта на советскиот водач.
„Немаме потврда за неговата смрт во списите на случајот, можеби тој останува жив за истрагата“, објасни адвокатот. И, кога Домански ќе биде прашан дали е принуден да брани мртов човек за прв пат, тој објаснува: „Наместо тоа, тоа ќе биде моето прво искуство со клиент кој ќе наполни 141 година“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
По 20 години изградба, отворен Големиот египетски музеј во Каиро
Во Каиро синоќа беше свечено отворен Големиот египетски музеј, проект што се градел повеќе од дваесет години.
На отворањето присуствуваа околу 40 државници и високи претставници од целиот свет.
Музејот, најголемиот во светот посветен на древната египетска цивилизација, почнал да се гради во 2002 година, според награден проект на ирската архитектка Рошин Хениган и нејзиниот сопруг Ши-Фу Пенг.
Свеченоста беше збогатена со премиерна изведба на симфонија од египетскиот композитор Хешам Незих, во која има и пеење на староегипетски јазик.
Музејот се простира на површина од над 500.000 квадратни метри и содржи 12 галерии со повеќе од 24.000 експонати. Со официјалното отворање, за првпат е изложена целата збирка од 5.398 предмети од гробницата на фараонот Тутанкамон, како и соларниот брод на фараонот Кеопс, преместен од музејот кај пирамидата во новиот комплекс.
Свет
Израел до Либан: Исполнете ја обврската за разоружување на Хезболах
Израел изврши нов напад врз позиции на Хезболах во јужен Либан и уби четворица припадници на групата, соопшти израелската војска.
Министерот за одбрана Израел Кац ја повика либанската влада да ја исполни својата обврска и да го разоружа Хезболах, според договорот за примирје од ноември 2024 година постигнат со посредство на САД.
Кац најави дека Израел ќе ги засили мерките за заштита на северната граница, додека САД и Саудиска Арабија вршат притисок врз Бејрут да ја спроведе обврската за разоружување на милитантната група.
Извор од либанонската војска изјавил за „Ројтерс“ дека е уништен голем дел од складиштата на Хезболах, но дека мора да се внимава за да не се зголемат тензиите во земјата.
Хезболах, значително ослабен по минатогодишната војна со Израел, се придржува до примирјето, но предупредува дека би можело да дојде до нов судир ако државата преземе понатамошни чекори против групата.
Свет
Поранешниот шеф на крипто берза пронајден мртов во ќелија, беше осуден на 11.196 години затвор
Триесет и двегодишниот, Фарук Фатих Озер, поранешен извршен директор на неуспешната крипто берза „Тодекс“, беше пронајден мртов во неговата затворска ќелија во западниот турски град Текирдаг вчера, објави државниот радиодифузер ТРТ.
Истрагата е во тек, а службените лица се фокусираат на можноста Озер да извршил самоубиство. Според турските медиуми, неговото тело го откриле затворските чувари за време на утринска проверка.
Турските обвинители наредија целосна истрага, вклучително и испрашување на затворскиот персонал и анализа на безбедносните камери. Телото на Озер беше испратено во Истанбулскиот институт за судска медицина на обдукција за да се утврди точната причина за смртта.
Озер беше уапсен во Албанија на 30 август 2022 година по сензационално бегство што ја шокираше Турција. По него беше издадена меѓународна потерница за измама на стотици илјади инвеститори.
Озер нелегално ја преминал границата и живеел во Елбасан неколку месеци, каде што се обидел да се скрие под лажен идентитет. Уапсен е на една од плажите на југот на земјата, по заедничка операција на албанската полиција и турските власти.
Во обвинението се наведува дека измамил околу 400 луѓе, злоупотребувајќи над 2 милијарди долари средства. Неговиот случај стана еден од најголемите финансиски скандали во турската историја, потресувајќи го пазарот на криптовалути и поттикнувајќи ги турските власти да ги заострат прописите за дигитална трговија.
По неговата екстрадиција во Турција, Озер беше осуден на 11.196 години затвор за организирана измама, перење пари и водење криминална организација. Иако ги негираше обвиненијата, тврдејќи дека падот на крипто берзата е резултат на сајбер напади, а не измама, судот го прогласи за виновен по сите точки од обвинението.
Неговата смрт покрена многу прашања во турската јавност, а некои бараат независна истрага за да се утврди дали станува збор за самоубиство или за намерно отстранување на Озер, поради сознанијата што можеби ги имал за финансиската мрежа што работи преку Тодекс.
До 11 часот гласале 10,1 отсто од избирачите, најмногу во Пробиштип, намалку во Сарај
Одѕивот до 11 часот на вториот круг од локалните избори изнесува 10,1 проценти. Според информациите на Државната изборна комисија, највисока...
Четири општини останаа без гласање, повторени избори во рок од 60 дена
Денеска нема да се одржи гласање во општините Гостивар, Врапчиште, Центар Жупа и Маврово и Ростуше, поради недоволна излезеност во...
Трамп ѝ се закани на Нигерија со воена акција ако убиствата на христијаните не престанат
Американскиот претседател Доналд Трамп му се закани на нигериското раководство со можна воена интервенција, доколку, како што рече, владата продолжи...
Сведок за нападот во воз во Англија: Видов човек кој трчаше и ги предупредуваше другите дека е избоден
Полицијата во Кембриџшир соопшти дека вооружени полицајци пристигнале на местото на настанот откако добиле извештаи за напад во воз во...
(Видео) Напад во воз во Англија, 9 лица се борат за живот
Девет лица се во животна опасност по напад со нож во воз во близина на Кембриџ, источна Англија, јави „Индекс“....
Отворени гласачките места, граѓаните избираат градоначалници во 32 општини и Град Скопје
Денеска во земјава се одржува вториот круг од локалните избори, на кои граѓаните избираат градоначалници во 32 општини и во...
Ракометарите го загубија вториот контролен меч против Јапонија
Ракометната репрезентација на Македонија, во рамките на ЕХФ неделата, одигра два натпревари со Јапонија. Првиот го доби, тој се играше...
Политико: Бугарија ја разгледува можноста да бара ослободување од санкциите на САД против „Лукоил“
Бугарија ја истражува можноста да побара ослободување од новите санкции на Соединетите Американски Држави против двете најголеми руски нафтени компании,...
Матичарка и службеници ѝ „подариле“ втор идентитет на кумановка, завршија со пријава
Полицијата во Куманово поднесе кривична пријава против четири лица — В.Б. (56), Н.З. (41), Х.Е. (53) и В.П. (67) —...
Наставничка од Кавадарци влегла во профилот на колешка и и’ праќала приватни разговори на директорката
Полицијата во Кавадарци поднесе кривична пријава против две жени — наставничка и директорка од основно училиште во градот, под сомнение...
Реакции на социјалните мрежи по настапот на Цеца во Велес
Настапот на пејачката Светлана Цеца Ражнатовиќ во Велес предизвика бројни реакции на социјалната мрежа „Икс“ , откако за време на...
(Видео) Цеца нагрна бугарско знаме на концертот во Велес, па објасни: „Секогаш прифаќам знамиња од публиката, немав намера да навредам никого“
Пејачката Светлана Цеца Ражнатовиќ се огласи по скандалот со знамето што се случи синоќа на нејзиниот концерт во Велес. Цеца...
Почина Кире Ѓорѓиевски, еден од осудените за 27 април
Почина Кире Ѓорѓиевски, еден од осудените за настаните на „27 април“, кој беше осуден на 13 години затвор. Од она што...
Обвинение за кражба на кабли од кругот на „Железара“, нанесена штета на јавните инсталации од повеќе стотици илјади евра
Основното јавно обвинителство Скопје, по спроведена истрага, денеска поднесе Обвинителен акт против три лица, кои како соизвршители сториле кривично дело...
Бугарија воведе забрана за извоз на дизел и керозин поради американските санкции кон Русија
Бугарија привремено забрани извоз на дизел и керозин поради американските санкции воведени против руските енергетски компании. Забраната, која ја усвои...
Трамп: Орбан ми побара изземање од санкциите за руската нафта, но не го доби
Американскиот претседател Доналд Трамп потврди дека унгарскиот премиер Виктор Орбан побарал изземање од новите американски санкции насочени кон рускиот нафтен...
Зеленски: Русија распореди 170.000 војници во Доњецк, тешки борби околу Покровск
Украинскиот претседател Володимир Зеленски изјави дека Русија распоредила околу 170.000 војници во источната украинска област Доњецк, каде што се обидува...
Орбан: Европа се движи кон војна
Унгарскиот премиер Виктор Орбан упати остри обвинувања против европските лидери во интервју за радио Кошут, тврдејќи дека „Европа сака војна“...
67-годишен маж ја тепал сопругата, ја гушел и се обидувал со каиш да и ги врзе нозете: Семејно насилство во Петровец
Јавен обвинител од Основното јавно обвинителство Скопје поведе постапка против едно лице за нанесување тешка телесна повреда од член 131...
Скопјанец ја малтретирал поранешната девојка – ја влечел пред болница и ѝ се заканувал дека ќе го убие брат ѝ
Скопското Обвинителство поведе постапка против 33-годишен скопјанец осомничен за продолжено загрозување на сигурноста на својата поранешна девојка. Според обвинителството, мажот...
