Свет
Украина ќе води судски процес против Сталин
Украина се подготвува да одржи судење за обвинетите кои починаа пред 67 години – Јосиф Сталин и Лаврентиј Берија. Слично нешто се случи во јануари 2010 година во Киев, кога организираа лажно судење на одамна починатите водачи на СССР и Украинска ССР, и ги обвинија за Холодомор – големата глад во Украина која се случила во 30-тите години на минатиот век, пишува Спутник.
„Тогаш имаше претседателски избори, а тогашниот претседател Виктор Јушченко знаеше дека нема да се избори ниту во вториот круг, а она што тој навистина го сакаше беше да остане во историјата како човекот кој го осуди самиот Сталин. На првата десетминутна седница за запознавање, обвинителката го замоли судот да ѝ даде рок од четири дена да разгледа 250 тома од овој случај, но не и беше дадена таква можност. Следното утро, судот, кој првпат ги виде овие бројни томови, „внимателно ги проучи“ и донесе „историска пресуда“. Тужителката се ограничи на двеминутна забелешка, по што пресудата се читаше два часа и 40 минути, од која беше јасно дека е напишана однапред“, посочува Спутник.
Сега Украина одлучи да го повтори сличното судење на Сталин и Берија. Но, овој пат, веќе е земен предвид случајот со депортацијата на Кримските Татари во 1944 година. Актуелната влада сега има малку повеќе време отколку што тогаш имаше Јушченко, така што процесот се подготвува подолго и подетално.
Кривична постапка според членот 442 од Кривичниот законик на Украина беше покрената во декември 2015 година. Една година подоцна, Окружниот суд во Геническ одобри претходна постапка во врска со испрашувањето на жртвите. Во писмото од 18.05.2017 година, украинското обвинителство, претставувајќи се како „кримско обвинителство“, посочи двајца осомничени: Јосиф Сталин и Лаврентиј Берија. Неколку дена подоцна, во владиниот весник на Украина, истото обвинителство објави дека наводно ги известило починатите дека се осомничени.
Пред некој ден, Центарот за правна помош во Киев официјално ги назначи јавните правни застапници на обвинетите за „бесплатна правна помош“. Така, овој пат Сталин и Берија ќе имаат свои адвокати кои ќе зборуваат во име на мртвите.
За да не се претвори процесот во фарса, постои јасна практика во врска со случаите со мртви или починати: се поведува кривична постапка за сторено кривично дело, се спроведува истражна постапка, при што истражителот ги идентификува осомничените, се утврдува фактот за нивната смрт и се затвора овој случај, што што се координира ова прашање со обвинителството. Ова е секогаш случај и во Украина. Но, само ако Сталин не е осомничен. Кога оваа историска личност е на списокот на потенцијални обвинети, судската постапка се одвива поинаку.
Судејќи според коментарите на Андреј Домански, кој беше назначен за бранител на Сталин, украинскиот истражен суд едноставно се преправал дека не знае за смртта на советскиот водач.
„Немаме потврда за неговата смрт во списите на случајот, можеби тој останува жив за истрагата“, објасни адвокатот. И, кога Домански ќе биде прашан дали е принуден да брани мртов човек за прв пат, тој објаснува: „Наместо тоа, тоа ќе биде моето прво искуство со клиент кој ќе наполни 141 година“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Трамп за претседателот на Парагвај: Млад и згоден, но јас сакам жени
Денеска беше одржан првиот состанок на Одборот за мир на Доналд Трамп, на кој говореше и американскиот претседател. Покрај заканите упатени до Иран и планот за Газа, тој го коментираше и физичкиот изглед на 47-годишниот претседател на Парагвај, Сантијаго Пења.
„Млад, згоден човек. Секогаш е убаво да се биде млад и згоден. Тоа не значи дека мора да го сакаме. Не сакам млади, згодни мажи. Сакам жени. Мажите воопшто не ме интересираат“, рече Трамп.
Trump: Young, handsome guy. Always nice to be young and handsome. Doesn’t mean we have to like you. I don’t like young, handsome men. Women I like. Men I don’t have any interest. pic.twitter.com/E7P1qhExyp
— Acyn (@Acyn) February 19, 2026
За време на основачкиот состанок во Вашингтон, Трамп испрати и порака до Иран дека мора да постигне „суштински договор“ за запирање на својата нуклеарна програма или, како што рече, „ќе се случат лоши работи“.
Тој додаде дека други земји веќе придонеле со повеќе од седум милијарди долари за помош за Газа во рамки на иницијативата на Одборот за мир.
Свет
Одборот за мир на Трамп со план за поствоена Газа: Нова управа и демилитаризација
На состанокот на Одборот за мир, поддржан од американскиот претседател Доналд Трамп, високи претставници денеска претставија рамка за поствоено управување, безбедност и обнова на Газа, јавува „Анадолија“.
Предлогот предвидува формирање нови административни тела, преодни палестински полициски сили и целосна демилитаризација.
Генералниот директор на Одборот за мир, Николај Младенов, најави формирање Канцеларија на висок претставник за Газа, која ќе обезбедува поддршка на идното цивилно раководство на Појасот Газа.
„Денес со големо задоволство објавуваме дека формираме Канцеларија на висок претставник за Газа при Одборот за мир, која ќе биде тука да го поддржи, насочува и помага Националниот комитет за управување со Газа, со цел, се надеваме, да се отстранат пречките со кои ќе се соочи при преземањето на цивилната и административната контрола врз Појасот Газа“, изјави Младенов.
Тој посочи дека канцеларијата ќе работи под надзор на Одборот и неговото извршно тело, во координација со израелските и палестинските институции, како и со меѓународните стабилизациски сили.
Младенов потврди дека почнал процес на регрутација на преодните палестински полициски сили.
„Од утрово го започнавме процесот на регрутација на палестинските полициски сили… и веќе во првите часови имаме 2.000 пријави од лица кои сакаат да се приклучат на новата преодна палестинска полиција која ќе биде формирана во Газа под надлежност на Националниот комитет, со поддршка од Одборот за мир, а обуката ќе се одвива во Египет“, рече тој.
Тие сили, според него, ќе имаат клучна улога во воспоставувањето ред за време на преодниот период и во ставањето на оружјето под контрола на една цивилна власт.
Младенов им се заблагодари на Катар, Египет и Турција за поддршката и нагласи дека обновата зависи од разоружување.
„Нема друга опција освен целосна демилитаризација и отстранување на целото оружје во Газа за да може обновата да започне и луѓето да добијат нова перспектива за живот во иднина“, изјави тој.
На состанокот говореше и поранешниот британски премиер Тони Блер, кој оцени дека со децении управувањето со Газа било обележано со екстремизам, корупција и неефикасни институции.
„Ова е визија за Газа како дел од Блискиот Исток во мир… вистинска посветеност на регион во кој, без разлика дали сте муслиман, Евреин, христијанин или не припаѓате на ниту една вера, можете да напредувате со сопствен труд и да чувствувате дека вашата влада е со вас, а не против вас“, рече Блер.
Тој додаде дека предложената рамка на претседателот Трамп „останува најдобрата, па дури и единствената надеж за Газа, регионот и поширокиот свет“.
Свет
Семејството на Вирџинија Џуфре го поздрави апсењето на Ендрју
Братот и снаата на Вирџинија Џуфре изјавија дека „славеле“ по веста за апсењето на Ендрју Маунтбатен-Виндзор.
Џуфре, која почина минатата година, беше една од најпознатите тужителки во аферата со Џефри Епстин и го обвинуваше Маунтбатен-Виндзор за сексуален напад. Тој сега е уапсен под сомнение за злоупотреба на положба и овластувања, пренесува „Би-Би-Си“.
Аманда Робертс, сопруга на братот на Џуфре, Скај Робертс, изјави за „Би-Би-Си“ дека семејството се надева оти апсењето може да претставува пресвртница.
„Се надеваме дека оваа истрага сега ќе поттикне и отворање понатамошна истрага за обвинувањата за сексуален напад. И тоа е веќе победа“, порача таа.
Вирџинија Џуфре тврдеше дека Маунтбатен-Виндзор сексуално ја нападнал трипати додека била тинејџерка. Тој постојано ги отфрлаше тие наводи. Случајот во 2022 година беше завршен со вонсудска нагодба, која не вклучуваше признание на одговорност ниту извинување.
По 100 дена мандат, Ѓоргиевски порача: „Скопје повторно почна да дише“
Градоначалникот на Град Скопје, Орце Ѓорѓиевски, објави отчет за првите 100 дена од мандатот, наведувајќи дека ја презел функцијата во...
Донесени пресуди за случајот „Премин“, обвинителството најави жалба
Денеска, во Основниот кривичен суд Скопје, беше објавена неправосилна пресуда во предметот со кодно име „Премин“, застапуван од Специјализираното одделение...
Поранешен градоначалник на Росоман исплатил личен долг од 500.000 денари од општинскиот буџет
Полицијата поднесе кривична пријава против С.Н.(29) од Росоман поради постоење основи за сомнение дека сторил кривично дело „злоупотреба на службената...
Сиљановска – Давкова: Имаме најмало и најстаро владино авионче во регионот, секогаш имам дилема дали да летам со него
Претседателката, Гордана Сиљановска – Давкова, призна дека секогаш има дилема кога треба да се вози со владиниот авион затоа што...
Семејството на Мицкоски никогаш не го користело владиниот авион, ама затоа Заев бил со семејството на одмор во Амстердам, велат од ВМРО-ДПМНЕ
Семејството на премиерот Христијан Мицкоски никогаш не го користело владиниот авион. Но, очигледно е дека работи фројдовскиот елемент кај СДС,...
Кривични против претседатели и вработени во Здружението на инвалиди на трудот – Штип, си присвоиле над 300.000 денари
Полицијата поднесе кривични пријави против поранешни претседатели и вработени во Здружението на инвалиди на трудот – Штип за сторени продолжени...
Сопствениците на кучиња да го почитуваат законот и да ги микрочипираат милениците, апелира АХВ
Агенцијата за храна и ветеринарство (АХВ) апелира до сопствениците на домашни миленици – кучиња за исполнување на законската обврска за...
Николоски: Воведовме 23 нови линии во авиосообраќајот, имаме рекордна бројка на патници, а годинава очекувам да порасне над 4 милиони патници
Од изборот на Владата до денес имаме нови 23 директни летови, охридскиот и скопскиот аеродром поминаа 3,5 милиони патници, оваа...
(Видео) Зеленски: Десетици илјади Украинци загинаа за Донбас, не се работи за земјата, туку за луѓето
Претседателот Володимир Зеленски вчера повтори дека Украина нема да отстапи територија на Русија, ниту да се повлече од областите што...
(Видео) Дете висеше од ски-лифт на Јахорина па падна, скијачите се обидоа да го фатат
Вчера, дете падна од жичницата на планината Јахорина во Босна и Херцеговина откако некое време висеше држејќи се за седиштето....
Утре прв состанок на Одборот за мир на Трамп
Американскиот претседател Доналд Трамп утре ќе претседава со првиот состанок на Одборот за мир, во сенка на нерешени прашања за...
Една третина од американската морнарица е во близина на Иран: објавено кога би можел да започне нападот
Американската војска е подготвена да го нападне Иран уште овој викенд, иако претседателот Доналд Трамп сè уште не донел конечна...
Сообраќајот на патниот правец Скопје – Велес е нормализиран во двете ленти
Сообраќајот на патниот правец А1 Скопје – Велес е нормализиран во две коловозни ленти, извести АМСМ. Интензитетот на сообраќај на...
(Видео) Една од најсмртоносните лавини во историјата на САД: oсум скијачи загинаа, еден е исчезнат
Осум скијачи загинаа, а еден е исчезнат во лавина во планините Сиера Невада во Калифорнија, соопштија властите во среда, во...
Законот за високо образование нема да биде повлечен, јавнaта расправа продолжува
Министерката за образование и наука Весна Јаневска на пленарна седница изјави дека нема да го повлече нацрт-законот за високо образование....
Гоце Наумовски стана нов уставен судија
Собранието со 63 гласа „за“, седум „против“ и без воздржани го избра професорот Гоце Наумовски за нов уставен судија, по...
Владата нема да купува нов авион: ќе се повлечеме од набавката и ќе се молиме да останеме живи, вели Мицкоски
Владата се откажа од набавка на нов авион на што се одлучи оти стариот е дотрајан и претставува голем трошок...
(Видео) За Мицкоски контролата на цените не е популизам, туку заштита на граѓаните, најави праведност и кон оние што се обидуваат да профитираат од кризите и кон оние што избегнуваат обврски
Денешната конференција за формализирање на неформалната економија не е само експертска расправа. Таа е разговор за праведност во општеството. За...
(Фото) Изгореа викендица и куќа, се запали оџак: три интервенции на струмичките пожарникари
Струмичките пожарникари денеска уште во раните утрински часови имаа три интервенции. Во 06.55 часот, во излетничката населба Суви Лаки, запалена...
„Парите за боледувања доцнат – дали Клековски манипулира дека се редовни или фондот е празен“, прашува Левица
„Изминатиот период сѐ повеќе граѓани нѐ информираат дека одреден период Фондот за здравствено осигурување не врши навремена исплата на средства...
