Свет
(Фото) Аларм на Блискиот Исток: Америка итно испраќа носач на авиони и борбени бродови, се чека одмаздата на Иран
САД ќе распоредат дополнителни воени бродови и борбени авиони на Блискиот Исток за да помогнат во одбраната на Израел од можни напади од Иран и неговите прокси групи, соопшти Пентагон.
Тензиите во регионот остануваат високи по атентатот на лидерот на Хамас Исмаил Хани во Иран и клучен командант на либанската милитантна група Хезболах.
САД испраќаат носач на авиони, борбена ескадрила и дополнителни воени бродови на Блискиот Исток во очекување на иранската одмазда, јавуваат светските агенции.
Како што јави Си-Ен-Ен, ова се најголемите маневри на американските сили во тој регион од првите денови на војната во Газа, кога Пентагон испрати две групи носачи на авиони на Блискиот Исток. Тоа беше очигледно предупредување до регионалните милитантни групи под покровителство на Иран да не ги шират борбите.
Силите за противракетна одбрана се ставени во состојба на висока готовност за распоредување, соопшти Пентагон, додавајќи дека нивната посветеност на одбраната на Израел е „железна“.
Иранскиот лидер ајатолахот Хамнеи вети „строга казна“ против Израел за убиството на Ханије.
Лидерот на Хамас беше убиен во средата во Техеран. Иран и Хамас го обвинија за нападот Израел, кој не го коментираше случајот.
Ханије (62) се сметаше за генерален лидер на Хамас и одигра клучна улога во преговорите насочени кон постигнување примирје во војната во Газа.
The U.S. is sending a carrier strike group, a fighter squadron and additional warships to the Middle East as the region braces for an Iranian retaliation to the killing of a senior Hamas leader in Tehran.https://t.co/75BW6haIUE
— Kaitlan Collins (@kaitlancollins) August 2, 2024
Неговата смрт дојде само неколку часа откако Израел тврдеше дека го убил Фуад Шукр, главниот воен командант на иранскиот полномошник во Либан, Хезболах.
Пентагон: САД ќе воведат промени кога станува збор за американските сили на Блискиот Исток
Претходно, американскиот секретар за одбрана Лојд Остин го информираше Израел за сегашните и идните промени кога станува збор за американските сили на Блискиот Исток, објави Пентагон.
Како што се наведува, Остин се уште нема донесено конечна одлука за тоа кои сили ќе ги распореди, пренесува Ројтерс.
Официјални лица изјавија за британската агенција дека се разгледуваат широк спектар на опции, вклучувајќи авионска и поморска инфраструктура.
– Остин го информираше министерот за дополнителни мерки за вклучување на сегашните и идните промени во одбранбените сили што Министерството ќе ги преземе за поддршка на одбраната на Израел – изјави портпаролката на Пентагон Сабрина Синг по разговорот меѓу Остин и израелскиот министер за одбрана Јоав Галант.
Според неа, Остин му ветил на Галант, а американскиот претседател Џо Бајден му ветил на премиерот Бенјамин Нетанјаху дека САД ќе ја зајакнат заштитата на своите сили во регионот.
Синг рече дека САД не сакаат поширок регионален конфликт и не веруваат дека ескалацијата е неизбежна.
За време на средбата со Нетанјаху во четвртокот, американскиот претседател Бајден обрна внимание на новото распоредување на американската војска за да се спротивстави на иранските закани поради атентатот на политичкиот шеф на Хамас Ханије во иранската престолнина.
Се’ повеќе авиокомпании ги откажуваат летовите за Израел и Либан
Сè поголем број авиокомпании го избегнуваат иранскиот и либанскиот воздушен простор и ги откажуваат летовите кон Израел и Либан, пишува Ројтерс, при што расте загриженоста поради можниот конфликт во регионот по убиството на високи претставници на Хамас и Хезболах претходно оваа недела.
Грчката авиокомпанија Aeгеан, полскиот Лот, холандската KЛМ се последни од компаниите кои ги прекинаа летовите кон Израел, поради можни напади од Иран.
Холандската и грчката авиокомпанија ги откажаа летовите до 6 август, а полската авиокомпанија до 9 август.
Туркиш ерлајнс го одложи вечерашниот лет за Иран поради тензиите меѓу Израел и Иран.
Сингапур ерлајнс утринава престана да лета низ иранскиот воздушен простор и користи алтернативни рути, наведувајќи ја безбедноста како приоритет.
Компанијата од Тајван, ЕВА Ер, како и Чајна ерлајнс денеска исто така го избегнуваат иранскиот воздушен простор за летови до Амстердам кои претходно се одвиваа преку Иран, покажуваат податоците на веб-страницата Флајтрадар24.
Авиокомпаниите се уште не коментираат за промената на линиите.
„Избегнувајте го иранскиот и ирачкиот воздушен простор“
Групата за информации за ризик за летови OPSGRUP ги советуваше авионите што летаат меѓу Азија и Европа да го избегнуваат иранскиот и ирачкиот воздушен простор, еден ден откако извори за Ројтерс изјавија дека највисоките ирански претставници ќе се сретнат со претставниците на регионалните сојузници на Иран во Либан, Ирак и Јемен за да ја разгледаат можна одмазда против Израел.
Во изминатите два дена „Ер Индија“, „Луфтханза“, американските компании „Јунајтед ерлајнс“ и „Делта ер“, како и италијанската ИТА Ервејс објавија дека ги прекинале летовите кон Тел Авив.
Некои компании ги откажаа и ги одложија летовите за Бејрут оваа недела, по нападот на стадионот на Голанската висорамнина, за кој Израел го обвини либанскиот Хезболах.
На Израелците им e кажано да ги исчистат и подготват своите засолништа од бомби
Во услови на зголемени регионални тензии, на Израелците им беа дадени насоки што да прават во случај на напади врз земјата.
Општината Ерусалим издаде инструкции до луѓето што да прават во случај градот да биде нападнат, дистрибуирајќи известување со список на засолништа од бомби.
Се вели дека жителите треба однапред да ги исчистат и подготват своите засолништа и да бидат способни до нив да дојдат за 90 секунди.
На жителите им се советува и да складираат доволно вода и храна за три дена и покрај лекови да купат батерии и батериски ламби.
„Жителите треба да бидат подготвени за прекини на струја кои би можеле да траат неколку дена. Тие, исто така, треба да бидат подготвени да останат во засолништа за бомби неколку дена“, се вели во известувањето.
Во мреѓувреме, супермаркетите известуваат за скок во продажбата на основни продукти.
Израелскиот синџир супермаркети Виктори соопшти дека продажбата на некои стоки е зголемена за 30%, во споредба со редовната продажба.
За Си-Ен-Ен изјави дека луѓето најмногу купуваат конзервирана храна, житарки, тестенини, тоалетна хартија, замрзнато месо, флаширана вода и хигиенски марамчиња.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на жртвите од поплавите во Централна и Источна Европа се зголеми на 15
Бројот на жртвите од поплавите во Централна и Источна Европа што ги донесе циклонот Борис се искачи на 15, а тоа е најлошата поплава во последните две децении на подрачјето од Австрија до Романија.
Во Чешка повеќе од 12.000 луѓе се евакуирани, а четвртина од домаќинствата останале без електрична енергија, јавува „Ројтерс“.
Поплавите од минатиот викенд во Романија однесоа шест животи, а во Австрија загинаа еден пожарникар и двајца мажи на возраст од 70 и 80 години.
Свет
Германија воведува гранични контроли поради преоптоварен систем за прифаќање на баратели на азил
Поради преоптовареност на системот за прифаќање на баратели на азил, Германија од денеска воведува контроли на сите државни граници, кои ќе траат најмалку шест месеци.
Новата регулатива се однесува на премините кон Данска, Холандија, Белгија, Луксембург и Франција, пренесува Дојче веле.
Германската федерална полиција од денеска најмалку шест месеци нема да ги контролира патниците само на источната и јужната копнена, туку и на северната и западната граница.
Свет
Се зголемува бројот на загинати во поплавите во Романија: „Тато, дојди, тука има мртов човек“
Бројот на загинати во поплавите во романската област Галац достигна шест лица, јавуваат локални медиуми.
Вчера, било пронајдено тело на маж како лежи покрај патот во селото Слобозија Конаки. Водата го однела речиси шест километри. Исто така, синоќа е потврдена смртта на исчезнатиот во градот Сухурлуи. Водата се повлекла, но зад себе оставила половина метар кал, дури и внатре во куќите.
„Што е ова? Катастрофа! Видете добри луѓе! Уништени сме“, вели еден од жителите, а друг додава:
„Да сте ги слушнале животните како рикаат, не можам да ви опишам. Тоа беше крајот на светот“.
„Немаме каде да одиме, немаме каде да спиеме“, велат другите жители.
Два дена по поплавата, се открива обемот на катастрофата. Телото на исчезнатиот маж во Печеја било пронајдено дури вчера. Водата го однела шест километри.
Син ми го виде таму во грмушката. И ми вика: Тато, дојди, тука има мртовец. И кога дојдов, го најдов. Водата го носеше, имаше 40-50 години“, раскажува очевидец.
Многу луѓе од страв не сакаа да се симнат од покривите на своите куќи. Водата во некои области достигна речиси два метра. Дури и спасувачите беа во опасност, според написите.
Екипа на пожарникари во возило синоќа била зафатена од порој. Тие успеале да излезат низ прозорците и да го напуштат возилото.
Само во областа Галац оштетени се речиси 5.500 куќи, а загрозени се 20.000 луѓе.
„Голема тага. Таму е калта, а водата беше толку висока. Ништо не ми остана, сè е уништено. Мебелот е целосно уништен! Вакво нешто досега не се случило овде“, велат мештаните.
Мештаните со солзи во очите се обидуваат да спасат што можат од калта.
„Ми умре кравата. Стари сме, но куќата ни беше чиста и сува“, вели еден постар жител.
„Се превртеа плевните, имавме малку жито, сега се полни со кал“, додава тој.
„Видете, ова е катастрофа. За еден и пол де, колку што течеше водата, сè беше уништено. Креветот, немаме веќе каде да спиеме, фрижидерите, сè е уништено. Печките за греење. Ништо не ни преостанува. Сè е уништено, ние го создававме ова целиот живот“.
„Водата дојде за половина час. Во тоа време ја држевме портата за да не влезе водата посилно. Немавме каде да одиме. Ја пуштивме и побегнавме. Водата достигна 2,5 метра“, велат мештаните.
Пожарникарите вчера спасуваа и животни заробени во поројот.
Проблемите сè уште се присутни во целата област Галац.
Повеќе од 90 % од домаќинствата без струја се повторно приклучени на мрежата. Според извештаите, 35 куќи не можеле повторно да се поврзат бидејќи имало опасност од пожар и струен удар.
Речиси 400 пожарникари интервенираа во областа Васлуи. Повеќе од 100 куќи беа погодени во селото Епурени, каде што се отворија огромни дупки на улиците.
Метеоролозите издадоа предупредување за дожд за регионот, каде што врнежите ќе продолжат и во наредните денови. Црвеното метеопредупредување за поплави сè уште е во сила за неколку реки во Романија.
Од почит кон Бугарија, поради авионската несреќа, Муцунски не реагирал јавно во петокот за фотографирањето без македонското знаме
Пропуст и непочитување на договореното од страна на бугарскиот протокол e фотографирањето на македонската претседателка Гордана Сиљановска-Давкова со бугарскиот претседател...
„Арсовска е промашена инвестиција“- Таравари цени дека не треба да се остави простор политичари да разрешуваат градоначалници
Според министерот за здравство, Арбен Таравари, скопската градоначалничка Данела Арсовска е промашена инвестиција, но, како што вели, не смее да...
„Македонија ова е за тебе“ – Иџе победи на Европскиот шампионат на ридски патеки во групата 1
Летечкиот Македонец, Игор Стефановски со победа ја заокружи својата тркачка сезона за оваа година. Тој викендов во Хрватска ја возеше...
Мицкоски за фотографирањето без македонското знаме: Денеска ќе биде врачена протестна нота на амбасадорот на Бугарија
Премиерот Христијан Мицкоски го коментира неистакнувањето на македонското знаме за време на посетата на Сиљановска-Давкова во Софија при средбата со...
Ако државник од соседната земја доаѓа да пие кафе во Бугарија, треба ли да го истакнеме неговото знаме, вели советникот на Радев
„Посетата на претседателот на Република Северна Македонија на нашата земја беше по повод културен настан – не беше ниту државен...
Бајден: Осомничениот за инцидентот во голф-клубот на Трамп е во притвор, нема место за насилство
Американскиот претседател Џозеф Бајден изјави дека му олеснало што поранешниот американски претседател и републикански кандидат Доналд Трамп бил неповреден во...
Трамп: Пукаа во моја близина, никогаш нема да се предадам
Доналд Трамп синоќа излезе со соопштение во кое изјави дека „никогаш нема да се предаде“. Тоа беше негова изјава откако...
Експлозија во Келн, полициска акција во тек, јавуваат медиуми
Во центарот на Келн дошло до експлозија, а следела и полициска акција, јавуваат германските медиуми. Според повеќе медиуми, утринава дошло...
Oд денеска девет нови лека на позитивната листа, според Владата, ова проширување е само почеток
За само 2 месеци од мандатот, Владата, Министерството за здравство и ФЗО ја проширија позитивната листа на лекови. По една...
Од здравствен аспект седиме на буре барут: Даниловски алармира дека има постојан ризик од морбили, ковид и епидемиско ширење одделни болести
Со децении превентивно-медицинскиот сегмент на здравството е на последно место на листата на здравствени приоритети. Иако е законска обврска сите...
Поради обилните врнежи во Виена, до некои згради може да се стигне само со брод
Во Австрија, која е зафатена од обилните дождови што циклонот Борис ги донесе во Централна и Источна Европа, најтешка е...
(Видео) Поплави во Европа: Во Полска пукна брана, настрада едно лице
Циклонот Борис предизвика поројни поплави низ Европа, а ситуацијата сега е на критично ниво. Браната во југозападна Полска попушти под...
(Видео) Критично во Австрија: Поплавен автопат, улиците во Виена под вода, спасувачите на терен
Поради поплави предизвикани од обилните дождови, илјадници луѓе денеска се евакуирани во Чешка, Полска и долна Австрија, која е прогласена...
Кузеска: Бугарија избришa под со државата и македонските граѓани
Сoцијалдемократскиот сојуз на Македонија смета дека ВМРО-ДПМНЕ ги поткопува, како што велат, стабилните меѓународни позиции што ги изградило претходното раководство....
(Видео) Стојаноски: Контролите констатирале голем број нерегуларности при јавни набавки на многу клиники и здравствени домови, одговорност ќе има
Контролите кои се спроведени од страна на институциите во ЈЗУ и клиниките ставаат на површина факти дека СДСM и ДУИ...
Обид за убиство на паркинг во Кочани, убиецот му влегол во автомобилот и почнал да го боде со нож
Обвинителството гони 24-годишник поради сомнеж за обид за убиство што се случило пред два дена, на 13 септември. Според информациите...
Шолц: Не и’ даваме моќни ракети на Украина дури и ако тоа го направат другите земји
Германскиот канцелар Олаф Шолц ја отфрли можноста за испорака на прецизно оружје со долг дострел на Украина во иднина, без...
Променливо облачно време со силен ветер во југозападните делови
Времето денес ќе биде посвежо, преку денот променливо облачно со локални врнежи од дожд особено во западните и северните делови....
Формирано одделение за сериозен и сложен криминал во ОЈО
Во координација со Јавниот обвинител на Република Северна Македонија, Основниот јавен обвинител на Основното јавно обвинителство Скопје донесе дополнување на...
Кабинетот на Сиљановска ќе побара објаснување од Радев за знамето
Реакции во земјава предизвика вчерашната фотографија од средбата меѓу претседателката Гордана Сиљановска-Давкова и бугарскиот претседател, Румен Радев, во Софија, каде...
