Македонија
Царовска на средба со МАНУ: Реформите во образованието се неопходни ако сакаме подобри резултати

Министерството за образование и наука, Бирото за развој на образованието и членовите на работната група денес ги продолжуваат дебатите за предложените реформи во основно образование со Македонската академија на науките и уметностите (МАНУ). На средбата се присутни академици од одделението за општествени науки, министерката за образование и наука, Мила Царовска, заменик-министерот Арафат Шабани, како и членовите што работеа на развој на концепцијата и претставници од Бирото за развој на образованието. Консултациите за концепцијата продолжуваат и во наредниот период со разни групи засегнати страни.
Главни теми што се наметнаа во дискусијата, а се и најмногубројни меѓу пристигнатите забелешки до МОН, се динамиката со која ќе се спроведуваат реформите, како и обуките што им претстојат на наставниците.
„Го имаме најтранспарентниот процес досега. Од големо значење е и мислењето на академиците што доаѓаат токму од одделението за општествени науки за предвидената интеграција на предмети за поефикасно учење што треба да ги подобри резултатите. Добивме многу конструктивни коментари, особено од наставници од пракса во изминатиот период, но и од други засегнати страни што ќе бидат земени предвид“, рече Царовска. Министерката посочи дека досегашните резултати од меѓународните и домашните тестирања покажуваат функционална неписменост кај ученици.
„Сите меѓународни и домашни извештаи и анализи упатуваат дека се потребни реформи со кои нашиот образован модел ќе се приспоби на оној во земјите со современи образовни системи. Тоа укажува дека ни се нужни неодложни реформи во основното образование ако навистина се грижиме за идните генерации и сакаме да фатиме чекор со современиот свет. На нашите деца им треба квалитетно образование што ќе ги донесе до врвот“, рече Царовска на средбата.
По носењето на концепцијата, планот е таа да се имплементира постепено во период од 6 години почнувајќи во прво и четврто одделение од идната учебна година. За успешно спроведување на целиот процес МОН и Бирото за развој на образованието се обврзуваат дека реформата ќе ја дочекаат подготвени и ќе се направи максимум наставниците да ја поминат потребната обука.
Реформата во основно образование е дел од стратегијата на МОН за периодот 2018-2025 година, предвидена е со Законот за основното образование и е дел од владината програма. Во нејзината изработка беа вклучени универзитетски професори, наставници, а земени се предвид и ставовите на родителите и учениците, соопшти Министерство за образование и наука.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нов силен земјотрес во Грција, почувствуван и во Македонија

Земјотрес со јачина од 5,9 степени според Рихтеровата скала ја погоди Грција, а потресот беше почувствуван и во Македонија.
Според податоците на веб-страницата emsc-csem.org, потресот се случил во 18 и 38 часот по локално време, односно 19 и 38 часот по македонско време.
Земјотресот бил на длабочина од 11 километри, со епицентар на 31 километар од градот Лариса.
Вчера Грција ја погоди земјотрес со јачина од 6,3 степени според Рихтеровата скала, при што беа повредени 11 лица и беа оштетени стотици згради.
Неколку помали земјотреси биле почувствувани синоќа, а најсилниот бил со јачина од 5,2 степени.
Македонија
Утре променливо облачно време со температура до 20 степени

Утре претпладне ќе биде сончево со мала до умерена облачност, а попладне облачноста ќе се зголемува. Ќе дува слаб до умерен ветер од југозападен правец. Минималната температура ќе биде во интервал од -4 до 2, а максималната ќе достигне од 13 до 20 степени.
Во Скопје сончево со мала до умерена облачност. Ќе дува слаб до умерен ветер од југозападен правец. Минималната температура ќе се спушти до -2, а максималната ќе достигне до 17 степени.
В сабота ќе преовладува променливо облачно време со засилен северен ветер, особенопо должина на Повардарието и на повисоките места, каде повремено ќе надминува 70 км/час. Ќе има повремен локален дожд, а на планините снег уште од претпладневните часови, претежно во западните и северните делови. В недела ќе се задржи променливо облачно и свежо време со услови за слаби локални врнежи.
Дневните температури значително ќе опаѓаат и в недела ќе бидат пониски за 8 до 10 степени од досегашните. Утринските температури на повеќе места ќе бидат негативни, а дневните од понеделник ќе бидат во постепен пораст.
Македонија
И вториот патник вратен од Занзибар заболен со британскиот вид на коронавирусот

Министерството за здравство информира дека според анализите што денеска ги направи МАНУ на брисот од другиот пациент кој пред неколку дена се врати од Занзибар детектирано е присуство на британскиот видна коронавирусот.
Вчера беше објавено дека и кај другиот патник вратен од Занзибар е детектиран британскиот вид на вирусот.
Комисијата за заразни болести предложи задолжителен домашен карантин од 14 дена за лица кои доаѓаат од сите африкански земји. До овој момент во земјава сè уште не е детектирано присуство на јужноафриканскиот вид на вирусот.
- Книги3 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа1 недела
Планот за отклучување на Германија протече во медиумите, Меркел: Имаме трет бран
- Свет1 месец
Поради примање мито во Кина погубен поранешен државен функционер