Американскиот претседател Доналд Трамп најави додавање на земји на листата, на чии државјани им е забранет влезот во САД или имаат големи рестрикции за влез.

Трамп истакна дека неговата администрација се подготвува да додаде неколку земји на неговата спорна листа на земји, на чии државјани им е забрането патувањето во САД или кои имаат големи рестрикции за влез во САД.

„Додаваме неколку земји на таа листа. Треба да останеме безбедни. Нашата земја треба да биде безбедна“ рекол Трамп во Давос на маргините на Светскиот економски форум, наведувајќи дека имињата на тие земји многу наскоро ќе бидат објавени.

„Вол стрит џурнал“ објави дека администрацијата на Трамп е подготвена да додаде седум африкански и азиски земји на тој список, меѓу кои и африканската земја Нигерија, која има најголем број на луѓе.

Австралија годинава се соочи со екстремни пожари, поплави и град. Експертите сега предупредуваат на нова опасност – смртоносни пајаци.

Катастрофата што ја зафати Австралија во последните месеци создаде совршени услови за нивно размножување.

Влажните шумски области во источна Австралија стануваат природно опкружување за неколку видови пајаци познати по нивниот многу токсичен и брзодејствувачки отров.

Поради потенцијалната опасност, австралискиот парк на рептили со седиште во Сомерсби, Нов Јужен Велс исто така објави дека има зголемување на присуството и активноста на овие пајаци последниве денови.

„Поради неодамнешниот дожд и топлите денови што ги доживуваме, смртоносните пајаци ќе почнат да се движат насекаде. Тие се едни од најопасните пајаци на планетата и ние мора да го сфатиме овој проблем многу сериозно“, рече портпаролот на паркот Даниел Рамсај во видеото објавено на „Фејсбук“.

Мистериозен црн облак во форма на буквата О е забележан над град во Пакистан и предизвика страв и многубројни необични теории од жителите и корисниците на интернет, при што некои сугерираа дека необичната појава е предвесник на вонземјанска инвазија, пренесува РТ.

Виден како лебди над Лахор во вторникот, злокобниот облак , како што некои го нарекоа, ги стаписа набљудувачите, од кои многумина на социјалните мрежи се обидоа да откријат на што биле сведоци.

Еден корисник се пошегува дека воздушниот феномен е само моден детаљ од градот Лахор за светот да знае дека пуши електронски цигари. Други набргу почнаа да посочуваат слични појави на други места во светот, а еден корисник сподели клип од истиот феномен снимен во Дубаи.

I noticed a similar thing some weeks ago in Dubai pic.twitter.com/qGl6xhgMtk

— Tariq Irfan (@Tariq_Irfan) January 21, 2020

Иако некои корисници сметале дека станува збор за необична шега, сепак темни прстенести облаци се забележани низ целиот свет.

Објаснувањето е поприземно од вонземјанска инвазија или портал до други свет – облакот најверојатно е предизвикан од мала експлозија или од согорување. Во еден неславен случај во Велика Британија во 2014 година, наречен „Црниот прстен од бањата Лемингтон“, облакот бил создаден од огномет.