Регион
(Видео) Балканот зафатен од невреме – снег, дожд и пад на температурите
Невреме го зафати Балканот, проследено со снег, дожд и голем пад на температурите. Голема количина дожд паднала во Црна Гора, а големо невреме ги зафати одделни делови од Хрвтаска и Босна и Херцеговина.
Бурата што вчеравечер го зафати Мостар откорнала дрвја, а оштетени се и неколку автомобили.
Olujno nevrijeme poplavilo ulice u #Mostar pic.twitter.com/SnF2mZc0e8
— Jabuka.tv (@jabukatv) October 3, 2019
Во невремето никој не е повреден, а мостарските пожарникари утрово ги отстраниле повеќето од паднатите стебла.

Голема количина дожд паднала и на територијата на Црна Гора. Најмногу количина паднало во околината на Цетиње (35 литри), Подгорица (21 литар), а во другите делови од земјата под 20 литри на квадратен метар.
Силно невреме погоди и одделни делови од Хрватска, а на подрачјето на Истра и на Кварнер издадени се дури две портокалови предупредувања. Силното невреме пристигнало вчера околу 14 часот во подрачјето на Ровињ. Поголем дел од времето врнело дожд и имало силни грмотевици, кои не престанале долго време. Најавуваната промена на времето вчера стигнала и во Загреб, но и во Нова Градишка.
На хрватската планина Завиждан паднал и снег, а бидејќи температурата е околу нулата, се очекува дека врнежи од снег ќе има и на други места.
U Rovinju se spojilo nebo i zemlja! Video: Whatsupcams
Posted by IstraMet on Среда, 02 октомври 2019
Снег од изутрината врне на Велебит, а силно невреме проследено со ветер, громови и молњи ја зафати Истра вчера во попладневните часови. Притоа, дури 20.000 молња беа снимени на морето кај Истра, а над 2.000 грома во северна Далмација, пренесува „Индекс.хр“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сирија го призна Косово
Претседателката на Косово, Вјоса Османи, објави дека Сирија ја признала независноста на Република Косово, пренесува Анадолу.
Османи, која е во официјална посета на Ријад, изјави дека со поддршка на саудискиот престолонаследник Мохамед бин Салман, е постигнат договор со кој Сириската Арапска Република ја признава Република Косово.
Османи му се заблагодари на сирискиот претседател Ахмед ал-Шарија за одлуката за признавање на Косово, како и за неговата поддршка за Косово.
„Народот на Косово и Сирија многу страдаше и жртвуваше за да постигне слобода. Затоа, ова меѓусебно признавање денес не е само признавање на државниот суверенитет, туку и признание на жртвите на многу генерации за слободен живот“, рече Османи.
Таа, исто така, му се заблагодари на саудискиот престолонаследник „што го овозможи овој историски чин меѓу двете земји“. Со признавањето од Сирија, сега 120 земји ширум светот го признаа Косово.
Регион
Додик му се заблагодари на Трамп
Поранешниот претседател на Република Српска, Милорад Додик, се огласи откако САД ги укинаа санкциите против него, заблагодарувајќи му се на американскиот претседател Доналд Трамп за исправката, како што тврди, на големата неправда. Тој ја нарече одлуката морална рехабилитација на вистината за Република Српска.
Во објава на социјалните мрежи, Додик му се заблагодари на американскиот претседател Доналд Трамп и неговите соработници за „исправката на големата неправда нанесена врз Република Српска, нејзините претставници и нивните семејства“, која, како што наведува, „ја создадоа администрациите на Обама и Бајден“.
„Одлуката за укинување на санкциите не е само правна, туку и морална рехабилитација на вистината за Република Српска и сите оние кои чесно ѝ служат. Уште еднаш се покажа дека сè што беше кажано против нас беше лага и пропаганда, врз која беше изграден големиот хаос што го создаде Кристијан Шмит – хаос што сега мора да се исчисти“, рече Додик.
Тој додаде дека може да им прости сè на оние кои се фалеле и верувале во туѓите лаги во изминатите години, „освен годините што ги изгубиле затоа што верувале дека Република Српска ќе падне“. „Денес е јасно – таа никогаш нема да падне“, рече Додик.
Фото: ЕПА
Регион
САД ги укинаа санкциите за Додик
САД одлучија да ги укинат санкциите за неколку лица од Република Српска, што е поврзано со неофицијален договор меѓу Милорад Додик и новата американска администрација.
Санкциите беа укинати за Милорад Додик, Жељка Цвијановиќ, семејството Додик, нивните компании и многу други блиски соработници.
Во петок, 17 октомври, САД ги укинаа санкциите за четворица блиски соработници на Додик, кои првично беа ставени на црната листа за организирање и промовирање на неуставниот „Ден на РС“. Тие се Јелена Пајиќ Баштинац, Данијела Драгичевиќ, Горан Раковиќ и Дијана Миланковиќ.
Неофицијални извори тврдат дека укинувањето на санкциите е резултат на договор меѓу САД и Додик, според кој Додик морал да ја напушти функцијата претседател на РС по конечната пресуда и да назначи вршител на должноста претседател.
Откако Ана Тришиќ-Бабиќ беше избрана за вршител на должноста претседател на Република Српска, со што се исполни тој дел од договорот, Америка постепено ги укинува санкциите за другите соработници на Додик, а тој процес треба да биде завршен до крајот на овој месец.

