Свет
(Видео) Гори цивилен автобус погоден од азербејџански дрон
Ерменскиот министер за одбрана објави на „Твитер“ дека гори цивилен автобус, погоден од азербејџански дрон.
In #Vardenis which is located in the intrnlly recognized territory of #Armenia, a civilian bus was fired by #Azerbaijan|i drone.
В #Варденис|е (признанная территория Армении) #Азербайджан|ским беспилотником был обстрелян гражданский автобус.#NKPeace #KarabakhNow #ArtsakhStrong pic.twitter.com/Y0WfKp2hte— ArtsakhPress Agency (@ArtsakhPress) September 29, 2020
И двете страни пријавуваат и напади и жртви.
URGENT – Armenian armed forces destroyed a number of Azerbaijani tanks during clashes in Nagorno Karabakh with their defense units. #Armenia #Azerbaijan #NagornoKarabakh pic.twitter.com/kKf5XZNrSe
— ISCResearch (@ISCResearch) September 29, 2020
Претходно, беше објавено дека Ерменија уништила азејбејџански тенкови. Поради ескалацијата на судирите во областа Нагорно-Карабах, генералниот секретар на ОН, Антонио Гутереш, свика итна седница на Советот за безбедност на ОН.
Ерменија и спорниот регион Нагорно-Карабах прогласија воена состојба и издадоа повик за општа мобилизација, а Азербејџан повика на делумна мобилизација. Исто така, Азербејџан ги затвори сите аеродроми и забрани летови, освен оние кон Турција.
Додека целиот свет ги повикува завојуваните страни, Ерменија и Азербејџан, веднаш да ги прекинат конфликтите во регионот Нагорно-Карабах, борбите на теренот продолжуваат. Двете страни пријавуваат и напади и жртви.
LIVE UPDATES | Armenia reports destroying Azerbaijani armoured vehicles amid ongoing clashes https://t.co/8DZbbdhJDk
— Sputnik (@SputnikInt) September 29, 2020
Жртвите се бројат на социјалните мрежи, каде што двете страни исто така војуваат. Така, Азербејџан тврди дека Ерменија изгубила 550 припадници на армијата во нападите, а Ерменија тврди дека тоа е лага и дека биле убиени неколкумина. Тие додаваат дека Азербејџан изгубил стотици војници.
Вооружените сили на Азербејџан беа насочени кон воена единица во ерменскиот град Варденис, изјави портпаролката на ерменското Министерство за одбрана, Шушан Степанјан, и најави остар одговор.
New footage of the destruction of strongholds and armoured vehicles from the Azerbaijani Armed Forces has been published #SputnikUpdates https://t.co/3uTRIItKns pic.twitter.com/f0igftMMkQ
— Sputnik (@SputnikInt) September 29, 2020
Таа изјави дека на операцијата ѝ претходела, како што изјавила, дезинформација на азербејџанското Министерство за одбрана дека наводно ерменските вооружени сили од регионот Варденис го гранатирале регионот Дашкасан во Азербејџан“.
„Очекувајте остар одговор“, истакна Степананова.
#BREAKING | Armenian Defence Ministry says civilian bus on fire after being hit by Azerbaijani drone https://t.co/8DZbbdhJDk#SputnikBreaking pic.twitter.com/V6oOvPP1CJ
— Sputnik (@SputnikInt) September 29, 2020
„Азербејџан не ни остави друга опција, освен да почнеме со употреба на системи во голем калибар, кои имаат многу поголема разорна моќ“, се вели во соопштението на Ереван.
Од друга страна, Азербејџан тврди дека целосно ја разбил третата моторизирана бригада на ерменската армија. Набргу по објавата на социјалните мрежи, стигна демант.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Трамп заигра во Малезија: Се приклучи кон традиционалниот танц и ги изненади домаќините
По пристигнувањето во Малезија за самитот на АСЕАН, американскиот претседател Доналд Трамп се придружи на танцот за добредојде на локалните жители, објавија локалните медиуми.
Американскиот претседател беше пречекан од малезискиот премиер, Анвар Ибрахим, кој му приреди добредојде со традиционален малајски танц, објавува „Манго њуз“.
По краткиот разговор меѓу двајцата лидери, претседателот Трамп одлучи накратко да се придружи и да танцува со локалното население, што предизвика голем ентузијазам кај присутните.
Патем, американскиот претседател Доналд Трамп пристигна утрово во главниот град на Малезија, Куала Лумпур, и присуствуваше на потпишувањето на продолжениот договор за прекин на огнот меѓу Тајланд и Камбоџа, а исто така потпиша и трговски договори со двете земји. Ова е неговата прва станица на азиската турнеја.
Трамп првпат интервенираше во јули за да го заврши смртоносниот петдневен граничен конфликт меѓу двете земји, а мировниот договор беше потпишан утрово кратко по пристигнувањето на Трамп на самитот на земјите од Југоисточна Азија во Куала Лумпур, објави Ројтерс.
Овој состанок во главниот град на Малезија се темели на примирјето постигнато пред три месеци кога Трамп ги повика лидерите на двете земји во тоа време да ги прекинат непријателствата или, како што предупреди, ризикуваат привремено да бидат прекинати трговските преговори со Вашингтон.
Пред да го потпише договорот за прекин на огнот утрово, камбоџанскиот премиер Хун Манет му се заблагодари на Трамп за неговото одлучно водство и неуморните напори за спроведување на договорот.
И тајландскиот премиер му се заблагодари на американскиот претседател за напорите за посредување во примирје и вети дека отстранувањето на оружјето и ослободувањето на воените заробеници ќе започнат брзо, додавајќи дека декларацијата ќе обезбеди „основа за траен мир“ доколку целосно се спроведе.
По договорот за примирје, Тајланд и Камбоџа поединечно потпишаа трговски договори со САД денес во Куала Лумпур, објавува Би-Би-Си.
За време на потпишувањето, Трамп рече дека договорите се од големо значење за двете земји.
Со денешното потпишување и објавување на трговскиот договор на САД со Камбоџа и договорот за минерали со Тајланд, американскиот претседател јасно стави до знаење дека неговата администрација ќе ги користи трговските договори како клучен начин за вршење дипломатски притисок врз земјите за постигнување мир, заклучува Би-Би-Си.
„Ние спроведуваме трансакции, многу од нив, со двете земји сè додека живеат во мир“, рече Трамп, додавајќи дека бизнисот мора да се користи за да се осигури дека двете земји нема да војуваат.
Свет
Трамп: Блискиот Исток е безбеден и ќе остане таков долго време
Претседателот на САД, Доналд Трамп, на средбата со емирот на Катар, Тамим бин Хамад ал-Тани, изјави дека сега „има безбеден Блиски Исток“ и дека ќе остане таков „долго време“.
За време на средбата во американскиот претседателски авион, кој се полнеше со гориво во Катар на пат кон Малезија, Трамп рече дека Ал Тани е „еден од големите владетели на светот, не само на Блискиот Исток“, објавува „Тајмс оф Израел“.
„Неговата земја го сака и го почитува. Не знам што е поважно, да бидеш сакан или да бидеш почитуван? Дали имате преференција? Бидејќи ги имате и двете, вие сте еден од ретките“, рече Трамп.
Трамп му рече на катарскиот премиер Мохамед бин Абдулрахман бин Јасим ал-Тани, кој присуствуваше на состанокот, дека е негов пријател „и пријател на светот“.
Американскиот претседател рече дека тој и двајцата катарски лидери направиле многу заедно, „особено во последната година“.
„Мир на Блискиот Исток, и тие беа многу голем фактор во тоа. Ви благодариме, и имате безбеден Блиски Исток во моментов, и ќе го задржите така долго време“, додаде Трамп.
Свет
Двајца уапсени по спектакуларната кражба во Лувр: полицијата се сомнева на помош од внатре
Француската полиција уапси две лица осомничени за кражба на непроценливи крунски драгоцености од музејот Лувр, извршена на 18 октомври. Истрагата за „организирана кражба“ ја водат Париската бригада за сузбивање на разбојништва (BRB) и Централната канцеларија за борба против трговијата со културни добра (OCBC), објави Ле Паризијен.
Осомничените, двајца мажи на возраст околу 30 години од департманот Сена-Сен-Дени, наводно биле дел од четворочлена група која провалила во галеријата „Аполон“, каде се изложени драгоцености на француската круна, меѓу кои и накитот на царицата Евгенија.
Според Телеграф, детективите утврдиле дека се работи за кражба со помош од внатре, бидејќи еден од чуварите бил во контакт со крадците пред нападот.
„Постои дигитален доказ кој покажува дека чувар на музејот соработувал со крадците и им дал информации за безбедносниот систем“, изјавил извор близок до истрагата.
Директорката на музејот, Лоренс де Кар потврдила дека ниедна камера не го надгледувала балконот преку кој провалниците влегле:
„За жал, од страната на галеријата Аполон единствената камера е насочена кон запад и не го покрива балконот погоден од провалата“, изјавила таа.
Париската обвинителка Лор Бекo потврдила дека се земени повеќе од 150 ДНК и папиларни траги. Дел од преостанатите експонати се пренесени во трезорот на Банката на Франција, а истрагата ја следи и израелската фирма „ЦГИ Груп“, позната по решавањето на кражбата во Дрезден.
„Очигледно сакаме што побрзо да ги уапсиме сторителите и да го вратиме накитот пред да биде растопен. Ги стражуваме сите можности“, изјавила Беко.
Фото: Пиксбај

